Aanyasha yomOshana ya ningilwa omadhewo

AANYASHA yomOshitopolwa sha Shana, ya unganekwa pAikandjohogololo, oshiwike shika oya li mOshigongiilonga shawo shomadhewo miinima yi ili noyi ili ya pamba onkalo yaanyasha ngashi, nkene wu na okuungaunga nomukithi gwo HIV-AIDS, nkene omuntu wu na okukwatathana nayakweni, nkene wu na okuya moshigwana, iikwagumbo, omutungilo gwEhangano lyaanyasha, nosho wo.

NDP Ontiyali nosho wo shoka shi na okwaadhika po okukathika komumvo 2030 oya kundathanwa wo pethimbo lyoshigongiilonga shika. Oshigongiilonga shika osha egululwa pambelewa kOministeli yopevi yAanyasha, Pohamba Shifeta nosho wo ku Gavena yOshitopolwa sha Shana, Klemens Kashuupulwa, ngoka oshipopiwa she sha leshwa pehala lye ku Kansola gwOshikandjohogololo sha Mpundja tate Adolf Uunona.Omuunganeki gwOshigongiilonga shika Efolo Kathrina Shimbulu, ngoka wo e li Omunashipundi gwOhungikolupale yaanyasha mOshana, okwa lombwela The Namibian kutya, oshigongiilonga shika, otashi ningwa nelalakano lyokuyelutha po nokundjangeka aanyasha.Ta ti aanyasha omathimbo ga zi ko oya kala ya fa ya vundakana nokaye wete we ondjila yonkalo yawo noyOshilongo kutya oya thinda peni.Shimbulu ta ti sho a kala ta endagula nIikandjohogololo yomOshitopolwa sha Shana ayihe nokupopitha aanyasha okwa dhimbulula nonkumwe kutya aanyasha yomOshitopolwa kaye shi we mpoka ye li noya pumbwa lela okuyelithilwa nokweendithwa po unene kutya oshike tashi inyenge moshilongo na okwa ukiwa peni.Efolo Shimbulu, ngoka wo e li Kansola mElelo lyOndoolopa ya Shakati, okwa ti Aanyasha yomOshana kaye na natango Ewilikongundu lya hogololwa pamulandu nopakotampango, naandyoka li li po, olyopakathimbo.Onkee nee okuza moshigongiilonga shika, otaku ka ningwa oshigongi oshinene shAanyasha yomOshitopolwa sha Shana, moka tamu ka hogololwa iilyo yEwilikongundu pamulandu gwEkotampango lyEhangano lyAanyasha moshilongo.Esiku nehala moka tamu ka kala oshigongi shika, meme Shimbulu okwa ti kutya opo tayi ka tseyithwa komeho.Okuza nee meti 19 sigo 21 Septemba 2005, mOshigongiilonga shika omwa li Aanyasha yomIikandjohogololo ngashi Ondangwa, Ompundja, Uukwiyu nOngwediva.Aanyasha ayehe kumwe ye li omilongohetatu oya li ya kala moshigongiilonga shawo shika.Okuza eti 21 sigo 22 lya Septemba, mOshigongiilonga shika omwa li mwa kala aanyasha yokIikandjohogololo ngashi, Okaku Oshakatiuninginino, Okatana nOkatyali.Namo omwa li aanyasha ye li 80.Okuza nee eti 22 sigo eti 24, Septemba 2005 mOshigongiilonga shika omwa li mwa kala aanyasha yokIikandjohogololo ngashi, Uuvudhiya nOshakatiuzilo, ya li ye li ayehe kumwe omilongone.Aanyasha ayehe kumwe mboka ya monene omadhewo mOshigongiilonga shika, oya li ye li pomathele gaali lwaampoka.Aalongi yawo oya li nee Albanus Natangwe, Kathrina Shimbulu Mathilde Mwandingi, Erastus Uutoni, Ananias Kakonda, Samuel Nelongo, Muesee Kazapwa, Mandela Kapere na Chris Hawala.Oshigongiilonga shika osha egululwa pambelewa kOministeli yopevi yAanyasha, Pohamba Shifeta nosho wo ku Gavena yOshitopolwa sha Shana, Klemens Kashuupulwa, ngoka oshipopiwa she sha leshwa pehala lye ku Kansola gwOshikandjohogololo sha Mpundja tate Adolf Uunona.Omuunganeki gwOshigongiilonga shika Efolo Kathrina Shimbulu, ngoka wo e li Omunashipundi gwOhungikolupale yaanyasha mOshana, okwa lombwela The Namibian kutya, oshigongiilonga shika, otashi ningwa nelalakano lyokuyelutha po nokundjangeka aanyasha.Ta ti aanyasha omathimbo ga zi ko oya kala ya fa ya vundakana nokaye wete we ondjila yonkalo yawo noyOshilongo kutya oya thinda peni.Shimbulu ta ti sho a kala ta endagula nIikandjohogololo yomOshitopolwa sha Shana ayihe nokupopitha aanyasha okwa dhimbulula nonkumwe kutya aanyasha yomOshitopolwa kaye shi we mpoka ye li noya pumbwa lela okuyelithilwa nokweendithwa po unene kutya oshike tashi inyenge moshilongo na okwa ukiwa peni.Efolo Shimbulu, ngoka wo e li Kansola mElelo lyOndoolopa ya Shakati, okwa ti Aanyasha yomOshana kaye na natango Ewilikongundu lya hogololwa pamulandu nopakotampango, naandyoka li li po, olyopakathimbo.Onkee nee okuza moshigongiilonga shika, otaku ka ningwa oshigongi oshinene shAanyasha yomOshitopolwa sha Shana, moka tamu ka hogololwa iilyo yEwilikongundu pamulandu gwEkotampango lyEhangano lyAanyasha moshilongo.Esiku nehala moka tamu ka kala oshigongi shika, meme Shimbulu okwa ti kutya opo tayi ka tseyithwa komeho.Okuza nee meti 19 sigo 21 Septemba 2005, mOshigongiilonga shika omwa li Aanyasha yomIikandjohogololo ngashi Ondangwa, Ompundja, Uukwiyu nOngwediva.Aanyasha ayehe kumwe ye li omilongohetatu oya li ya kala moshigongiilonga shawo shika.Okuza eti 21 sigo 22 lya Septemba, mOshigongiilonga shika omwa li mwa kala aanyasha yokIikandjohogololo ngashi, Okaku Oshakatiuninginino, Okatana nOkatyali.Namo omwa li aanyasha ye li 80.Okuza nee eti 22 sigo eti 24, Septemba 2005 mOshigongiilonga shika omwa li mwa kala aanyasha yokIikandjohogololo ngashi, Uuvudhiya nOshakatiuzilo, ya li ye li ayehe kumwe omilongone.Aanyasha ayehe kumwe mboka ya monene omadhewo mOshigongiilonga shika, oya li ye li pomathele gaali lwaampoka.Aalongi yawo oya li nee Albanus Natangwe, Kathrina Shimbulu Mathilde Mwandingi, Erastus Uutoni, Ananias Kakonda, Samuel Nelongo, Muesee Kazapwa, Mandela Kapere na Chris Hawala.