Aantu ye li yatatu oya pya noonkondo komulilo pethimbo ya kothela mokambashu kawo mOmbaye

A AKWASHIGWANA yomolukanda lwa Kuisebmund pOmbaye yatatu mboka ya li ya ehamekelwa unene moshiponga shomulilo oshiwike sha zi ko, oya tuminwa koshipangelo oshinene sha Katutura mOvenduka.

Opolisi oya li ya lopota ngeyi kutya okanona komwedhi gumwe Lucas Ndinamholo, Jaustina Nakupanga gwomimvo 37 na Lukas Natangwe gwomimvo 36 oya li ya kotha mokambashu kawo pethimbo ka yaka omulilo uusiku wEtine lya zi ko. Kadhimamulilo gwa Mbaye okwe shi pondola okuhupitha aantu mboka yatatu nokufalwa koshipangelo shEpangelo pOmbaye mpoka.Otaku popiwa ngeyi kutya omulilo ngoka ogwa etwa kolamba ndjoka ya aniwa ya topa manga ya kotha.Omupangi gumwe moshikondo shetonatelo lya kilikita moshipangelo shoka shokomunkulofuta okwa lombwele The Namibian ngeyi kutya aantu mboka yatatu oye li monkalo ya kilikita noya tuminwa nokuli koshipangelo oshinene kOvenduka.”Kandi shi ngele oshi li mondjila okupopya kutya otaya ka kala ye li nawa.Aantu oya pya noonkondo,” omupangi nguka ta popi ngaaka.The Namibian okwa ningi oonkambadhala okumona okomanda komunambelewa omukuluntu moshipangelo sha Katutura Omundohotola Gariseb, ashike ye mwene nosho wo aanambelewa yalwe inaya vula okugandja ookomenda dhawo kombinga yonkalo moka mu na aantu mboka taku popiwa ya tuminwa koshipangelo shoka okuza kOmbaye.Iiponga yomulilo oya vuka pethimbo ndika moshilongo.Kadhimamulilo gwa Mbaye okwe shi pondola okuhupitha aantu mboka yatatu nokufalwa koshipangelo shEpangelo pOmbaye mpoka.Otaku popiwa ngeyi kutya omulilo ngoka ogwa etwa kolamba ndjoka ya aniwa ya topa manga ya kotha.Omupangi gumwe moshikondo shetonatelo lya kilikita moshipangelo shoka shokomunkulofuta okwa lombwele The Namibian ngeyi kutya aantu mboka yatatu oye li monkalo ya kilikita noya tuminwa nokuli koshipangelo oshinene kOvenduka.”Kandi shi ngele oshi li mondjila okupopya kutya otaya ka kala ye li nawa.Aantu oya pya noonkondo,” omupangi nguka ta popi ngaaka.The Namibian okwa ningi oonkambadhala okumona okomanda komunambelewa omukuluntu moshipangelo sha Katutura Omundohotola Gariseb, ashike ye mwene nosho wo aanambelewa yalwe inaya vula okugandja ookomenda dhawo kombinga yonkalo moka mu na aantu mboka taku popiwa ya tuminwa koshipangelo shoka okuza kOmbaye.Iiponga yomulilo oya vuka pethimbo ndika moshilongo.