Aantu ye li yane ya faalelwa komalaria moZambezi

UUMINISTILI wUundjolowele nOmayakulo gOnkalonawa owa popi kutya oshitopolwa shaZambezi onkene tashi tsikile nokuyakalekwa komukithi gwomalaria nonande epangelo otali kambadhala mpoka tali vulu okuvudha mo omukithi ngoka.

Olopota ndjoka ya pitithwa hugunina oya popi kutya okuza muJanuali numvo, oshitopolwa moka omwa ndhindhilikwa aantu ye li 4 622 ya monika omalaria osho wo aantu ye li yane ya hulitha,.

Omuluntu guundjolowele moshitopolwa shaZambezi, Agnes Mwilim, uunamo okwa popi kutya nonande omwaalu gwaantu ya kwatwa komalaria pethimbo lya faathana omumvo gwa zi ko otagu ulike gwa shuna pevi kashona, onkene shi li eikwato pomutima.

Omumvo gwa zi ko omayalulo guule wethimbo lya faathana ogu ulike kutya aantu ye li 5 764 okwa li ya monika omalaria, omanga ye li yatano okwa li ya faalelwa komukithi ngoka.

“Otwa tameka omakonakonoga kwata miiti osho wo epangelo lyaamboka taya monika omukithi opo tu yapukile omahala ngoka ga gumwa unene,” osho a popi ngaaka.

Okwa popi kutya omahala ngoka ga gumwa unene ongaashi esheke, Sangwali, Choi, Sibbinda, Kasheshe, Masokotwani osho wo oshikandjohogololo shaKatima Mulilo mOndolopa.

Mwilima okwa popi kutya olundji oonkambadhala dhuuministili wuundjolowele okusinda omalaria olundji ohadhi yiwa moshipala komashongo ngaashi giiyenditho molwashoka iihauto ohayi kala ya pumbwa okutonatelwa nokusilwa oshimpwiyu, oshinima oshikwawo ooshoka kutya omuti gwopombela ihagu kala gwa gwanenena okupombela omagumbo ngoka ge li po.

“Okugwedha kwaashoka, katu na oonete dha kola okugandja kaakwashigwana mboka ye li moshiponga shomalaria,” osho a popi ngaaka.

Mokutyapula Esiku lyoMalaria mUuyuni momasiku 25 Apilili, ehagano lyuundjolowele muuyuni lyedhina World Heath Organisation (WHO) lya pititha omukanda kutya nonande oonkambadhala opo dhi li okulwitha omukithi gwomalaria, onkene kaapu na oshilwitho shimwe shoka tashi vulu okuvudha mo thilu omukithi ngoka.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.