Aantu ye li 28 000 ya fadhuka po omakuyunguto omanene mu DRC

K INSHASA – Aantu ya konda po 28 000 mboka ya li oya thigi po omagumbo gawo mOrepublika yUundemokoli ya Congo (DRC), mEtiyali lyoshiwike shika, oya thigi po ishewe ookamba moka ya li moshitopolwa sha Nord-Kivu sho Oorebele dhu umbu ookamba dhaakwiita yEpangelo dhi li popepi, Omunambelewa gwIigwanahangano osho a popi.

Jens Hesemann, ngoka e li Omugandjimulombo gwEhangano egameni lyoontauki lyIigwanahangano okwa ti, “tse otu wete kutya etata limwe lyaantu mookamba dhoontauki pu Mungunga I, Mungunga II na Lac Vert – moka mu na aantu kumwe ayehe ye li 38 000, oya za mo nokuya”. Etanga lyEgameno lya DRC olya popi kutya aakwiita yalyo oya li yu umbwa moshitopolwa shoka kaamati yongundu yOorebele ndjoka yi li mewiliko lya Ndjayi Laurent Nkunda.Mayola Joseph Omari, ngoka oye omukuluntu gwObataliona ndjoka yi na oshinakugwanithwa shokutala kutya mokandoolopa ka Sake na Mungunga omu na egameno li nawa okwa popi ta ti, “otwa li tu umbwa ongula yonena pu Njulo.”Moshipolwa sha Nord-Kivu omwa kala omaipumomumwe omathimbo nomathimbo oomwedhi ndhika, ge li pokati kaamati ya Nkunda naakwiita yEpangelo.Iigwanahangano oya popi kutya AaCongo ye li 375 000 oya thiminikwa ya thige po omagumbo gawo moshitopolwa sha Nord-Kivu okuza mu Desemba gwomumvo gwa zi ko, omolu omaipumomumwe ngoka ga kala pokati kaamati ya Nkunda naakwiita yEpangelo, ngoka itaga mono ehulilo.Okuza mu Aguste nuumvo, aakwiita yEpangelo ye li 20 000 oya li ya falwa koshitopolwa sha Nord-Kivu ya ka kondjithe aamati ya Nkunda nenge ye ya uvithe ko ya tule po omatati e taya ndjoina uukwiita wEpangelo, oonkambadhala ndhika inadhi eta po sha natango.Nampa-AFPEtanga lyEgameno lya DRC olya popi kutya aakwiita yalyo oya li yu umbwa moshitopolwa shoka kaamati yongundu yOorebele ndjoka yi li mewiliko lya Ndjayi Laurent Nkunda.Mayola Joseph Omari, ngoka oye omukuluntu gwObataliona ndjoka yi na oshinakugwanithwa shokutala kutya mokandoolopa ka Sake na Mungunga omu na egameno li nawa okwa popi ta ti, “otwa li tu umbwa ongula yonena pu Njulo.”Moshipolwa sha Nord-Kivu omwa kala omaipumomumwe omathimbo nomathimbo oomwedhi ndhika, ge li pokati kaamati ya Nkunda naakwiita yEpangelo.Iigwanahangano oya popi kutya AaCongo ye li 375 000 oya thiminikwa ya thige po omagumbo gawo moshitopolwa sha Nord-Kivu okuza mu Desemba gwomumvo gwa zi ko, omolu omaipumomumwe ngoka ga kala pokati kaamati ya Nkunda naakwiita yEpangelo, ngoka itaga mono ehulilo.Okuza mu Aguste nuumvo, aakwiita yEpangelo ye li 20 000 oya li ya falwa koshitopolwa sha Nord-Kivu ya ka kondjithe aamati ya Nkunda nenge ye ya uvithe ko ya tule po omatati e taya ndjoina uukwiita wEpangelo, oonkambadhala ndhika inadhi eta po sha natango.Nampa-AFP