Aantu ye li 13 ya ehama sho ya li onyama yombwa ya li tayi ehama

K AKELE kaakalimo 42 yomomukunda Oikokola nOnepandaulo mOukwanyama mOshitopolwa sha Musati mboka ya ehamene sho ya lile omukololombwa gwombwa ya sa sho ya li tayi ehama mEtitatu lyoshiwike sha zi ko, Oshifo shika osha mona natango onkundana kutya aantu ye li omulongonayatatu (13 yomomukunda Ohakweenyanga popepi nOngwediva mOshitopolwa sha Shana, mOlyomakaya ngaka ga zi ko oya taambelwa mOshipangelo shEpangelo sha Shakati, taya ehama sho ya li onyama yombwa ndjoka ya dhipagwa ku mwene konima sho ya dhidhilikwa tayi ehama.

Shika osha kolekwa kOmuwiliki gwUuhaku mOshitopolwa sha Shana Omundohotola Naftali Hamata Omaandaha ngaka ga zi ko. Dr Hamata ta ti kutya ombwa ndjoka oya li ya zi mo megumbo lyawo nokukasondola.Sho ya galuka oye ya tayi hala okulumata/okulya aantu.Mwene gwayo okwe yi dhipaga.Aantu yomomukunda, oya tokola kayi fikwe po nenge kayi fumvikwe, oshoka oya hala okwiikutha omukaga.Moku yi lya po ngawo, ayehe mboka ye yi li ye li 13 oya kwatwa komukithi Ya tameke taya ehama omutse, taya kungu noye na oshimela.Oya falwa meendelelo koshipangelo shEpangelo sha Shakati hoka ye li taya mono epango.Omundohotola Hamata, ota kunkilile oshigwana shaa lye we oombwa dhi isila nenge dha dhipagwa sho dha monika tadhi ehama.”Kokuma oku na shili omukaga, ashike nee okulya ombwa yi isila nenge ya dhipagwa sho ya li tayi ehama, osha nika oshiponga oshinene, ngashi tashi holoka ngawo,” Omundohotola Hamata ta ti nokukunkilila.Dr Hamata ta ti kutya ombwa ndjoka oya li ya zi mo megumbo lyawo nokukasondola.Sho ya galuka oye ya tayi hala okulumata/okulya aantu.Mwene gwayo okwe yi dhipaga.Aantu yomomukunda, oya tokola kayi fikwe po nenge kayi fumvikwe, oshoka oya hala okwiikutha omukaga.Moku yi lya po ngawo, ayehe mboka ye yi li ye li 13 oya kwatwa komukithi Ya tameke taya ehama omutse, taya kungu noye na oshimela.Oya falwa meendelelo koshipangelo shEpangelo sha Shakati hoka ye li taya mono epango.Omundohotola Hamata, ota kunkilile oshigwana shaa lye we oombwa dhi isila nenge dha dhipagwa sho dha monika tadhi ehama.”Kokuma oku na shili omukaga, ashike nee okulya ombwa yi isila nenge ya dhipagwa sho ya li tayi ehama, osha nika oshiponga oshinene, ngashi tashi holoka ngawo,” Omundohotola Hamata ta ti nokukunkilila.