Aantu yamwe oya fa taya li po oshimaliwa shoothigwa

B ARTHOLOMEUS Shangheta, oshilyo shOpaati yoSwapo mOlaata yOpashigwana okwa hala Uuministeli wUuthikepamwe nAanona u tule po omukalo gwokutala ngele oshimaliwa shoka hau gandja kaanona yoothigwa naamboka taya nana nondatu pauhupilo, ohashi kwathele tuu shili aanona mbaka.

Ta popi pethimbo lyoompata kombinga yoshimaliwa shOondola oomiliyuna ethele nomilongo hetatu nandatu – oshinkwanu hetatu (N$183,8 million) shoka sha pewa Uuministeli mbuka mEmbo lyOmulekeneno gwoshimaliwa shEpangelo shomumumvo 2007/2008 mOlaata yOpashigwana mEtitatu, Shangheta okwa ti aasilishimpwiyu naatonateli yoonaona yoothigwa yamwe, otashi vulika haya longitha oshimaliwa shika moompumbwe dhawo dhopaumwene pehala lyokushilongotha miinima mbyoka sha nuninwa. “Otandi indile nee kUuministeli mbuka u ete po omukalo gokutala ngele aanona mbaka otaya mono mo tuu shili uuwanawa moshimaliwa shawo shika,” Shangheta ta popi ngaaka.Okwa ti aanona oyo esipa lyoshigwana moshilongo kehe, mwa kwatelwa wo Namibia.Shangheta okwa dhimbulukitha aavali kutya oshi li oshinakugwanithwa shawo okukala ya tala kutya aanona yawo oya mana elongo moondondo dhopetameko moosikola, Oosekundosikola sigo nokuli ya adha iiputudhilo yopombanda.Shangheta okwa ulike wo omunwe aalumentu mboka taya kwata koonkondo aakiintu naanona, ta ti, omakwatonkonga oge li omukithi omudhigu mu Namibia.Okwa ti omakwatonkonga oge li taga lopotwa miitopolwa ayihe 13, nonande miitopolwa yimwe oge li ngaa taga shuna pevi.Omusamane John Nakwafila (gwoSwapo mOmutumba nguka) okwa ti ye naye okwi ikwata oshimaliwa shoka hashi pewa aanona yoothigwa.Ta ti, aasilishimpwiyu yamwe yaanona mbaka, ohaya longitha po oshimaliwa shaanona mokulanda iikolitha.”Eeno, opo yi ikuthe enota,” omusamane John Hakaye (gwoSwapo), tu umbile mo wo elaka lyatya ngaaka – manga Nakwafile i ipyakidhila noshipopiwa she.Nakwafila naye okwa hala Uuministeli wUuthikepamwe nAanona u ete po omukalo gokutala ngele aanona yoothigwa oye li tuu shili taya mono oshimaliwa shawo shike omauwanawa galwe okuzilila musho.”Otandi indile nee kUuministeli mbuka u ete po omukalo gokutala ngele aanona mbaka otaya mono mo tuu shili uuwanawa moshimaliwa shawo shika,” Shangheta ta popi ngaaka.Okwa ti aanona oyo esipa lyoshigwana moshilongo kehe, mwa kwatelwa wo Namibia.Shangheta okwa dhimbulukitha aavali kutya oshi li oshinakugwanithwa shawo okukala ya tala kutya aanona yawo oya mana elongo moondondo dhopetameko moosikola, Oosekundosikola sigo nokuli ya adha iiputudhilo yopombanda.Shangheta okwa ulike wo omunwe aalumentu mboka taya kwata koonkondo aakiintu naanona, ta ti, omakwatonkonga oge li omukithi omudhigu mu Namibia.Okwa ti omakwatonkonga oge li taga lopotwa miitopolwa ayihe 13, nonande miitopolwa yimwe oge li ngaa taga shuna pevi.Omusamane John Nakwafila (gwoSwapo mOmutumba nguka) okwa ti ye naye okwi ikwata oshimaliwa shoka hashi pewa aanona yoothigwa.Ta ti, aasilishimpwiyu yamwe yaanona mbaka, ohaya longitha po oshimaliwa shaanona mokulanda iikolitha.”Eeno, opo yi ikuthe enota,” omusamane John Hakaye (gwoSwapo), tu umbile mo wo elaka lyatya ngaaka – manga Nakwafile i ipyakidhila noshipopiwa she.Nakwafila naye okwa hala Uuministeli wUuthikepamwe nAanona u ete po omukalo gokutala ngele aanona yoothigwa oye li tuu shili taya mono oshimaliwa shawo shike omauwanawa galwe okuzilila musho.