Aanona yomimvo 14 taa ki ikonakonitha HIV

AMPANGO ompe, aanona mboka ya gwanitha omimvo 14 okuuka pombanda ngashingeyi otaa vulu okwiikonakonitha o-HIV inaa pula epitikilo kaavali nenge kaatekuli yawo.

Oveta yesiloshimpwiyu negameno lyaanona yomo2015, ndjoka ya tseyithilwe pambelewa uunambo kuuministeli wethikithopamwe lyaakiintu naalumentu moshilandopangelo shaNamibia, Windhoek, oya gamena uuthemba waanona ngaashi wu uthwa kekotampango lyoshilongo.

Ominista yoshikondo shethikithopamwe lyaakiintu naalumentu moshilongo, Doreen Sioka, ngoka a tseyitha pambelewa oveta ompe, oya ti omimvo dhokwiikuthila omatokolo nokwiikalela po mwene odha lundululwa opo aanona mboka taa ‘tumbu’ ya pewe ompito yokumona omayakulo ga simana.

Omimvo dhuukuluntu nadho odha lundululwa okuza po21 okuya po18.

Sioka okwa ti elunduluko ndika olya thikitha Namibia pamauthomulandu gomuuyuni, notashi tsu wo kumwe nuushili mboka wu li po nale kutya mepipi lyomimvo 18, aanyasha oya tegelelwa ya kuthe ombinga miinyangadhalwa yaakuluntu kuyo yene, ngaashi okuhogolola nokukutha omatokolo gawo yene.

Nando ongaaka, omunyasha e li kohi yomimvo 21, ngele okwa hala okuhokan(w)a, oku na okupula epitikilo kaavali nenge kaatekuli ye. Moveta ompe omu na wo okatendo ke na sha naanona mboka ye li metonatelo lyookuume nenge lyaakwanezimo.

Sioka okwa gwedha po kutya oshinima shika kashi shi oshipe moothiguluwahedhi dhaNamibia, notashi hwepopeke ekwatathano pokati kaavali, aanona, aatekuli naakwanezimo yawo.

Minista Sioka ta ti oshinima shomazimo osha simana moNamibia, molwashoka aanona oyendji moNamibia ohaa silwa oshimpwiyu nokukwathelwa kaakwanezimo, onkene oku shi vetopeka otaku gamene aanona.

Omupekaapeki gwiinima ya paukashikekokantu moLegal Assistance Centre, Dianne Hubard, okwa ti nando ita popile oshinima shomimvo dhokutokola mwene oku ka konakonwa o-HIV, oku wete ngaa sha pumbiwa, molwashoka oyendji yomaanona yepipi ndyoka oye na omaiyuvo gopaihulo.

Uuna aanona ye li naavali nenge naatekuli yawo, olwindji ohaa kala ye na uumbanda, onkene ihaa konakonwa nuupu, ta gwedha po kutya ngele oya konaakonwa, nena otaa hungwa omwenyo ngele oya monika ombuto. Nando ongaaka, aanona itaa pitikwa ya ninge omatokolo gokuya metando pwaa na epitikilo lyaavali nenge lyaatekuli yawo.

Ongamba yomimvo dhuukuluntu ndjoka ya kala po nale, Habbard ta ti, oyonkuluyonale, onkene otashi vulika itayi opalele methimbo lyonena.

“Ondu uvite kutya oya li ya nuninwa aayamba. Ondi wete kutya okwa li kwa talika kutya ngele omunona okwa tameke osikola mondondo yotango e ta piti ine endeulula ongundu, osha yeal kutya ota ka mana eilongo e na omimvo 18, ta gwedha ko ihe omimvo ndatu dheilongo miiputudhilo yopombanda, nota ka mana mepipi lyomimvo 21,” Habbard ta tompo ngaaka.

Nando ongaaka, Habbard ta tsikile, aantu oyendji moshilongo ihaa yi we koounivesiti, onkene oye na okutala kushoka omuntu e na omimvo 18 ta vulu https://www.namibian.com.na/public/uploads/images/5c7e32f2cd838/Doreen-Sioka.jpg okuninga.

“Aantu yamwe mboka ye na omimvo 18 oye li natango moosikola, ihe oyedji yomuyo otaa kongo iilonga. Ngele owa hala oku longa ongomukuluntu, nena owu na okukala to vulu okushayina ookontalaka noondokumende kungoye mwene,” ta ti ngaaka, ta tsikile ko kutya omimvo 18 odho ongamba yokwiikuthila omatokolo muuyuni awuhe.

Omukalelipo gwoshikethangano shoUnited Nations Emmergency moNamibia, Rachel Odede, okwa ti oshigwana osha pumbwa okugandja omayakulo taga opalele manga kuyele.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.