OMBELEWA yelongo moshitopolwa shaMaheke okwa kundanekwa yu ulike kutya oyendji yaanona yomoshigwana shAakwankala hoka otaye etha po osikola nonando nee ye na uuwanawa welongo lyoshali.
Sho a li a popi noshifo shika shoThe Namibian oshiwike sha zi ko, omuwiliki gwelongo moshitopolwa shOtjozondjupa, Pecka Semba okwa ti aanona mboka yomoshigwana shAakwankala otaye etha po osikola ngaaka nonando ya ningilwa oonkambadhala dhelongo lyoshali kepangelo, oyendji yomaanona mboka ihaya piti pondondo ontiheyali.
Omuwiliki gwelongo hoka, Semba okwa ti oyendji ohaya kala mootundi poondondo dhopevi ihe aashona ashike haya tsikile osikola sigo okoosekundosikola.
Omunambelewa omukuluntu gwelongo kOmaheke, Katunaa Kavari okwa ti okweethapo osikola kwaanona yoshigwana shAakwankala ohaku ya unene okuza poondondo dhopevi oku ya koosekundosikola.
Kavari okwa ti ngashingeyi moosikola koshitopolwa shoka shaMaheke omu na aanona yAakwankala ye li 2 000 ihe ye li omathele gahetatu oyo ashike ye li koosekundosikola.
Omuwiliki gwelongo hoka, Pecka Semba okwa ti otaya kambadhala ngaashi taya vulu opo ya kaleke aanona mboka yomoshigwana shAakwankala moosikola.
“Aanona yAakwankala ihaya futu osikola nomuhandjo ihe oyo ngaa natango ye li taye etha osikola moshitopolwa”, Semba a tumbula ngawo.
Olopota okuza koLegal Assistance Centre noDesert Research Foundation of Namibia oyu ulika kutya aanona oyendji yomoshigwana shAakwankala natango oye li taya etha osikola.
Omuwiliki gwelongo hoka, Semba okwa ti shimwe wo hashe eta aanona mbono ye ethe po osikola osho shono kutya oofamili dhAakwankala ngele taya tembuka ihaya tala shoka ngele okanona kawo oke li mosikola nenge ka ke mo.
Omuwiliki Semba okwa ti aavali naaputudhi yoshigwana shoka shAakwankala kayu uvite ko natango ongushu yelongo nokwa ti ombelewa ye okupitila mombelewa yomuprima oyi li yi ipyakidhila noshikonga oku yu uvitha ko ongushu yelongo.
Omulongisikola gwondondo yotango mee Lydia Kaihiva posikola yedhina C.
Ngatjizeko,yi li kOtjinene okwa yamwe yomaanona mboka haye etha po osikola yomoshigwana shoka shAakwankala oye na omagano na kashi li nawa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
