Aaniilonga ya Windhoek Country Club ya ninga ekanka

A ANIILONGA mOhotela ya Windhoek Country Club and Resort (WCCR) mOvenduka ye li 250 lwaampoka, oya ningi ekanka ongula yohela ya geya sho Okampani ndjika ya tinda okuya futa oshimaliwa shoka ya zimine kutya otayi ke ya gwedhela.

Aaniilonga mbaka oya hala ya gwedhelwe Oondola/N$100 koondjambi dhawo nOondola/N$50 shokufuta omagumbo, ngashi naanaa ya li ye shi uvathana nOkampani, ya hala ye shi futwe sha gwana po – tashi futwa okuza mu Maalitsa nuumvo. Molwashoka nee Okampani shika oye shi tindi, aaniilonga mbaka oya tokola kutya miilonga otaya ka shuna mo ashike ngele eindilo lyawo ndika olya gwanithwapo.Ohela, aaniilonga mbaka oya li ya ngundumana pomweelo gwokuya gwOhotela, taya imbi omaimbilo gopethimbo lyemanaguluko.Gamwe gomomapulakata ngoka ya li ya yeluthwa oga shangwa: “Kapu na oshimaliwa, kapu na iilonga.”Limwe olya shangwa,”Tse otwa hala okufutwa oshimaliwa shetu” omanga limwe lya shangwa “Boucher Out, Out Corruption.”Omupresidende gwehangano lyaaniilonga lya Namibian Food and Allied Workers Union (Nafau) David Namalenga naye opo a li, ta tsu omukuma aaniilonga mbaka kutya inaya sholola mokukondjela omauwanawa gawo.Konima yethimbo, Namalenga okwa lombwele aaniilonga kutya nayaka ka gongale pomuti gumwe gu li poodha dhopate, ya ka kundathane shoka ye na okuninga po ngashiingeyi.Iikundaneki oya li yi indikwa okuya po.Omo nduno ya kala momuti moka taya kundathana, manga aatoolinkundana ya thikama kokule kashona, ya tegelela oonkundathana dhipwe.Ihe komatanago lela gohela, Amushanga gwIinewe gwopashigwana gwa Nafau, Abel Kazondunge okwa lombwele Oshifo shika kutya ekanka olya hulithwa po konima sho Ewiliko lya Country Club lya tokola kutya aanilonga mbaka otali ke ya futa Oondola/N$675 (momuntu) ong’oshimaliwa shawo shoka taya pula ya futwe.Kazondunge okwa ti shika osha ningwa ong’etsokumwe lyekandolopo lyomukundu.Okwa ti shika aaniilonga nayo oye shi zimina.Kazondunge okwa gwedha po kutya oshimaliwa shika ina shi futwa okuza mu Maalitsa ngashi aanilonga ya li ya hala osho shi ningwe.Omasiku ga zi ko, Menindjela gwa kwalukehe gwa Country Club Tony Boucher okwa li a lombwele Oshifo shika kutya aaniilonga oshimaliwa shoka taya pula itaye ke shi pewa molwashoka Okampani otaya nana nondatu kombinga yiiyemo.Konima sho Nafau na Windhoek Country Club ya kala moonkundathana dha kwata ethimbo ele (okuza mu Januali nuumvo) kombinga yoondjambi nonkalo yiilonga mOkampani ndjika, Nafau okwa li a tokola kutya Okampani nayi gwedhele ngaa nee oondjambi dhaaniilonga nOondola/N$110 yo koshimaliwa shomagumbo tayi gwedhele ko nOondola/N$50.Ihe Okampani oya li ya popi kutya koondjambi dhaaniilonga otayi vulu ashike okugwedha ko Oondola/N$100.Aaniilonga oya li ya tokola kutya oshimaliwa otaye shi taamba ko ashike ngele oye shi futwa okuza mu Maalitsa nuumvo, ihe shika Okampani inayi shi ninga.Patsokumweuvathano lya Nafau na WCCR, omatokolo agehe ngoka ya ningi oge na okutulwa miilonga okutameke mu Maalitsa omumvo kehe, Ohela, Boucher okwa lombwele The Namibian kutya edhiladhilothaneko ndika oye li panda ayehe, ihe inaku shainwa sha natango moshinima shika.Molwashoka nee Okampani shika oye shi tindi, aaniilonga mbaka oya tokola kutya miilonga otaya ka shuna mo ashike ngele eindilo lyawo ndika olya gwanithwapo.Ohela, aaniilonga mbaka oya li ya ngundumana pomweelo gwokuya gwOhotela, taya imbi omaimbilo gopethimbo lyemanaguluko.Gamwe gomomapulakata ngoka ya li ya yeluthwa oga shangwa: “Kapu na oshimaliwa, kapu na iilonga.”Limwe olya shangwa,”Tse otwa hala okufutwa oshimaliwa shetu” omanga limwe lya shangwa “Boucher Out, Out Corruption.”Omupresidende gwehangano lyaaniilonga lya Namibian Food and Allied Workers Union (Nafau) David Namalenga naye opo a li, ta tsu omukuma aaniilonga mbaka kutya inaya sholola mokukondjela omauwanawa gawo.Konima yethimbo, Namalenga okwa lombwele aaniilonga kutya nayaka ka gongale pomuti gumwe gu li poodha dhopate, ya ka kundathane shoka ye na okuninga po ngashiingeyi.Iikundaneki oya li yi indikwa okuya po.Omo nduno ya kala momuti moka taya kundathana, manga aatoolinkundana ya thikama kokule kashona, ya tegelela oonkundathana dhipwe.Ihe komatanago lela gohela, Amushanga gwIinewe gwopashigwana gwa Nafau, Abel Kazondunge okwa lombwele Oshifo shika kutya ekanka olya hulithwa po konima sho Ewiliko lya Country Club lya tokola kutya aanilonga mbaka otali ke ya futa Oondola/N$675 (momuntu) ong’oshimaliwa shawo shoka taya pula ya futwe.Kazondunge okwa ti shika osha ningwa ong’etsokumwe lyekandolopo lyomukundu.Okwa ti shika aaniilonga nayo oye shi zimina.Kazondunge okwa gwedha po kutya oshimaliwa shika ina shi futwa okuza mu Maalitsa ngashi aanilonga ya li ya hala osho shi ningwe.Omasiku ga zi ko, Menindjela gwa kwalukehe gwa Country Club Tony Boucher okwa li a lombwele Oshifo shika kutya aaniilonga oshimaliwa shoka taya pula itaye ke shi pewa molwashoka Okampani otaya nana nondatu kombinga yiiyemo.Konima sho Nafau na Windhoek Country Club ya kala moonkundathana dha kwata ethimbo ele (okuza mu Januali nuumvo) kombinga yoondjambi nonkalo yiilonga mOkampani ndjika, Nafau okwa li a tokola kutya Okampani nayi gwedhele ngaa nee oondjambi dhaaniilonga nOondola/N$110 yo koshimaliwa shomagumbo tayi gwedhele ko nOondola/N$50.Ihe Okampani oya li ya popi kutya koondjambi dhaaniilonga otayi vulu ashike okugwedha ko Oondola/N$100.Aaniilonga oya li ya tokola kutya oshimaliwa otaye shi taamba ko ashike ngele oye shi futwa okuza mu Maalitsa nuumvo, ihe shika Okampani inayi shi ninga.Patsokumweuvathano lya Nafau na WCCR, omatokolo agehe ngoka ya ningi oge na okutulwa miilonga okutameke mu Maalitsa omumvo kehe, Ohela, Boucher okwa lombwele The Namibian kutya edhiladhilothaneko ndika oye li panda ayehe, ihe inaku shainwa sha natango moshinima shika.