Aaniilonga ya Pamwe Trust ya tidhwa miilonga noya ningi ehololomadhilaadhilo

A ANIILONGA yOoproyeka dha tseyika nawa dhokutunga Oosikola mOnooli ye li 40 lwaampoka, oya tidhwa miilonga komugandji gwiilonga gwawo Pamwe Trust molwashoka aniwa ke shi wete we nawa paiyemo nokwa hala okulundululila Oproyeka ndjika momukalo gulwe gwiilonga.

Pamwe Trust okwa totelwe po konima ashike yemanguluka mo 1990, oya kala tayi tungu Oosikola momikunda unene tuu mOnooli ya Namibia noya kala tayi shi enditha nawa lela. Oproyeka oyi na Oombelewa dhayo onene mIitopolwa yimwe mbyoka ya tumbulwa metetekelo, moka mwa kutilwa aaniilonga mboka haya futwa kOproyeka ndjoka.Aanambelewa mboka oyo nee haya ungaunga netungo lyOosikola momikunda moka.Haya unganeke aakalimo yomomikunda moka aalumentu naakiintu oyo yene ya tunge Oosikola dhawo ndhoka nopethimbo olyo tuu ndjoka, ohaya longwa okutunga nokupewa wo nokuli oonzapo niilongitho yokutunga sho ya pita nawa elongo lyawo lyokutunga omatungo.Oonakulongwa okutunga mboka, oyo nee haya kala taya tungile aantu yawo Oosikola noshowo omagumbo uuna sha longekidhwa nenge ya pulwa ye shi ninge.Pokati nee mpoka, Pamwe Trust okwa tokola a lundululile Oprojeka ndjika momukalo gumwe gwiili gwokulonga iilonga mbyoka.Unene tuu okulongitha Ookoondaaka miilonga yokutunga Oosikola.Omolu elundululo ndyoka, Pamwe Trust okwa tameke wo takutha aaniilonga ye aakulu miilonga.Ta ti kutya aniwa Euvathano lyawo lyiilonga na Pamwe Trust olya hula po nale.Euvathano ndika, oye li shainine meti 1 Apilili 2004, ashike nee olyali li na okukwata oomvula ndatu.Sha hala kutya ngeno sigo omu Apilili omvula tayi ya.Ashike mu Mei nuumvo, Pamwe Trust okwa shangele aaniilonga ye kutya ethimbo lyawo lyokukala miilonga olya pwa ko naangoka a hala okushunwa miilonga na ningulule eindilo.Aaniilonga oya ningulula omaindilo, ashike oya tseyithilwa meti 12 Juli 2006 kutya omaindilo gawo agehe inaga ziminwa.Aaniilonga oya uvu nayi nokuya kEhangano lyawo lyAaniilonga lyedhina Metal and Allied Namibian Workers Union (MANWU), ano ya ka mona Omukuluntu gwOshitopolwa shomOnooli Matty Haimbili, ngoka a yi mo moshinima shika.Moonkundathana na Pamwe Trust nonaaniilonga, Haimbili ota ti Pamwe Trust, okupitila mOmuwiliki gwe Jerry Beukes, ota ti ye ke shi wete we nawa miiyemo nokwa hala okulundululila Oproyeka ndjika methano lilwe lyokulonga paekondalaka.Haimbili ota ti mokukonaakona, okwe shi mono mo kutya Pamwe Trust nUuminisyteli wElongo, oya shaina euvathano, ndjoka tali ti kutya Uuministeli wElongo pa Projeka yawo yEhumithokomeho lyOosikola mIitopolwa yomUushayi, oya tokola okugandja kehe komvula Oodola dha Namibia Oomiliyona hetatu (N$8 million) sigo omo 2010.Haimbili ota ti kutya ehangano lye olya yi ishewe moonkundathana na Pamwe Trust meti 27 Juli 2006, na Pamwe Trust okwa uvaneke kutya aaniilonga ote ya taamba miilonga nomauwanawa gawo agehe kumwe noofuto dhawo taya futwa okuza kesiku ndyoka ya kala kaye li miilonga.Pamwe ta lombwele Haimbili kutya aaniilonga ayehe naya kale yi ilopota kiilonga pomugoyi gwongula gweti 31 Juli 2006.Aaniilonga osho ya ningi, ashike sho ya holoka, oya leshelwa ombapila komusamane Beukes ya za ku Pamwe Trust, ya shangwa meti 28 Juli 2006, tayi ti kutya oshinima shokutaambululwa miilonga kashi po we.Oopoosa dhaaniilonga mboka odha kuthwa po, sha etwa ketungululo lyOproyeka ndjika.Aaniilonga mbaka okuza mpoka oya tokola ya ninge ehololomadhilaadhilo, ndyoka tali kondema edhilaadhilo lya Pamwe Trust lyoku ya kutha miilonga.Taya ti nee kutya Oprojeka ndjoka oya li yoshigwana, ashike ngashiingeyi oya kuthwa po koohandimwe, ye yi tula paekontracta, opo yi imonene mo oshimaliwa nokwiiyambapaleka pamukalo ngoka.Aaniilonga mbaka oya indila kUuministeli wElongo nokEhangano lyawo lyAaniilonga ya tale oshinima shika neho etiligane, unene tuu okugamena iimaliwa yoshigwana kayi ye ashike momake gayamwe moshilongo omanga mboka ya li ye yinuninwa taya thigwa pomutenya kaye na sha.Aaniilonga otaya ti kutya Pamwe Trust nguka ota wilikwa komusamane Helao Tjityuwete (Omunashipundi), omusamane Farhad Nadimi (Omudhiginini wiiniwe), omusamne Abednego Nghifikwa (oshilyo), S.M.Husiku (oshilyo) nosho wo Jerry Beukes (e li Omuwiliki a kelela pehala).Anniilonga otaya indile kutya Aawiliki ayehe mbaka ya Pamwe Trust ya kuthwe mo mewiliko lyOprojeka ndjika.Taya indile Epangelo li konaakone nawa oshinima shika.Omukanda gwawo gwomanyenyeto oye gu pe Kaansola Loth Kuushomwa gwa Shakatiuzilo, ngoka te ke gu pa Gavena ya Shana Klemens Kashuupulwa.Ogwa tuminwa wo kOmupresidende Hifikepunye Pohamba, kOmuprima Nahas Angula, kOministeli yElongo nokAawiliki yElongo mIitopolwa moka hamu longo Pamwe Trust.Oproyeka oyi na Oombelewa dhayo onene mIitopolwa yimwe mbyoka ya tumbulwa metetekelo, moka mwa kutilwa aaniilonga mboka haya futwa kOproyeka ndjoka.Aanambelewa mboka oyo nee haya ungaunga netungo lyOosikola momikunda moka.Haya unganeke aakalimo yomomikunda moka aalumentu naakiintu oyo yene ya tunge Oosikola dhawo ndhoka nopethimbo olyo tuu ndjoka, ohaya longwa okutunga nokupewa wo nokuli oonzapo niilongitho yokutunga sho ya pita nawa elongo lyawo lyokutunga omatungo.Oonakulongwa okutunga mboka, oyo nee haya kala taya tungile aantu yawo Oosikola noshowo omagumbo uuna sha longekidhwa nenge ya pulwa ye shi ninge.Pokati nee mpoka, Pamwe Trust okwa tokola a lundululile Oprojeka ndjika momukalo gumwe gwiili gwokulonga iilonga mbyoka.Unene tuu okulongitha Ookoondaaka miilonga yokutunga Oosikola.Omolu elundululo ndyoka, Pamwe Trust okwa tameke wo takutha aaniilonga ye aakulu miilonga.Ta ti kutya aniwa Euvathano lyawo lyiilonga na Pamwe Trust olya hula po nale.Euvathano ndika, oye li shainine meti 1 Apilili 2004, ashike nee olyali li na okukwata oomvula ndatu.Sha hala kutya ngeno sigo omu Apilili omvula tayi ya.Ashike mu Mei nuumvo, Pamwe Trust okwa shangele aaniilonga ye kutya ethimbo lyawo lyokukala miilonga olya pwa ko naangoka a hala okushunwa miilonga na ningulule eindilo.Aaniilonga oya ningulula omaindilo, ashike oya tseyithilwa meti 12 Juli 2006 kutya omaindilo gawo agehe inaga ziminwa.Aaniilonga oya uvu nayi nokuya kEhangano lyawo lyAaniilonga lyedhina Metal and Allied Namibian Workers Union (MANWU), ano ya ka mona Omukuluntu gwOshitopolwa shomOnooli Matty Haimbili, ngoka a yi mo moshinima shika.Moonkundathana na Pamwe Trust nonaaniilonga, Haimbili ota ti Pamwe Trust, okupitila mOmuwiliki gwe Jerry Beukes, ota ti ye ke shi wete we nawa miiyemo nokwa hala okulundululila Oproyeka ndjika methano lilwe lyokulonga paekondalaka.Haimbili ota ti mokukonaakona, okwe shi mono mo kutya Pamwe Trust nUuminisyteli wElongo, oya shaina euvathano, ndjoka tali ti kutya Uuministeli wElongo pa Projeka yawo yEhumithokomeho lyOosikola mIitopolwa yomUushayi, oya tokola okugandja kehe komvula Oodola dha Namibia Oomiliyona hetatu (N$8 million) sigo omo 2010.Haimbili ota ti kutya ehangano lye olya yi ishewe moonkundathana na Pamwe Trust meti 27 Juli 2006, na Pamwe Trust okwa uvaneke kutya aaniilonga ote ya taamba miilonga nomauwanawa gawo agehe kumwe noofuto dhawo taya futwa okuza kesiku ndyoka ya kala kaye li miilonga.Pamwe ta lombwele Haimbili kutya aaniilonga ayehe naya kale yi ilopota kiilonga pomugoyi gwongula gweti 31 Juli 2006.Aaniilonga osho ya ningi, ashike sho ya holoka, oya leshelwa ombapila komusamane Beukes ya za ku Pamwe Trust, ya shangwa meti 28 Juli 2006, tayi ti kutya oshinima shokutaambululwa miilonga kashi po we.Oopoosa dhaaniilonga mboka odha kuthwa po, sha etwa ketungululo lyOproyeka ndjika.Aaniilonga mbaka okuza mpoka oya tokola ya ninge ehololomadhilaadhilo, ndyoka tali kondema edhilaadhilo lya Pamwe Trust lyoku ya kutha miilonga.Taya ti nee kutya Oprojeka ndjoka oya li yoshigwana, ashike ngashiingeyi oya kuthwa po koohandimwe, ye yi tula paekontracta, opo yi imonene mo oshimaliwa nokwiiyambapaleka pamukalo ngoka.Aaniilonga mbaka oya indila kUuministeli wElongo nokEhangano lyawo lyAaniilonga ya tale oshinima shika neho etiligane, unene tuu okugamena iimaliwa yoshigwana kayi ye ashike momake gayamwe moshilongo omanga mboka ya li ye yinuninwa taya thigwa pomutenya kaye na sha.Aaniilonga otaya ti kutya Pamwe Trust nguka ota wilikwa komusamane Helao Tjityuwete (Omunashipundi), omusamane Farhad Nadimi (Omudhiginini
wiiniwe), omusamne Abednego Nghifikwa (oshilyo), S.M.Husiku (oshilyo) nosho wo Jerry Beukes (e li Omuwiliki a kelela pehala).Anniilonga otaya indile kutya Aawiliki ayehe mbaka ya Pamwe Trust ya kuthwe mo mewiliko lyOprojeka ndjika.Taya indile Epangelo li konaakone nawa oshinima shika.Omukanda gwawo gwomanyenyeto oye gu pe Kaansola Loth Kuushomwa gwa Shakatiuzilo, ngoka te ke gu pa Gavena ya Shana Klemens Kashuupulwa.Ogwa tuminwa wo kOmupresidende Hifikepunye Pohamba, kOmuprima Nahas Angula, kOministeli yElongo nokAawiliki yElongo mIitopolwa moka hamu longo Pamwe Trust.