Aaniilonga mOshipangelo sha Nandjokwe konyala ya ninga ekanka sho inaya futwa

O NKUNDANA ye tu zilila kOshipangelo sha Nandjokwe otayi ti kutya aaniilonga naapangi mOshipangelo sha Nandjokwe mEtine lya zi ko hanga ya ninga ekanka sho ya kala inaya futwa pethimbo oondjambi dhawo pehulilo lyomwedhi nguka.

Yamwe yamaaniilonga oya li ya yi nokuli mEwi lya manguluka moka ya nyenyeta oshinima shika kutya kaya futwa pethimbo oshimaliwa shawo okuza kEpangelo, okuya kOshipangelo shoka shOngeleka ya Luther shi li sha simana noonkondo mokati koshigwana sha Namibia nomuuyuni wo. Onkundana oya li ye tu thiki kutya mEtine moka aaniilonga naapangi oya ninga ekanka molwoshinima shika, ashike nani hasho, oshoka mokumonathana nOmukuluntuwiliki gwOshipangelo shika Omuprofesori Fillemon Amaambo, okwa ti oshinima kasha li ekanka lela, osha li ashike yamwe yomaaniilonga naapangi ya tokola okuninga oshigongi pethimbo lyiilonga opo yi ikunde oshinima shoka shokuhafutwa pethimbo.Omundohotola Amaambo ta ti kutya oshoshili, oshimaliwa shaaniilonga kasha li sha thika pethimbo omolwiinakugwnaithwa po yimwe mOmbaanga ndjoka hayi ungaunga niimaliwa yOofuto dhaaniilonga nAapangi mOnandjokwe.Ashike, Omundohotola Amaambo okwa lombwele Oshifo shika, ngashiingeyi uupyakadhi mboka owa kandulwa po naaniilonga kumwe naapangi otaya futwa oshimaliwa shawo shika.”Ondi wete uupyakadhi mbuka owa za po naayihe oye ya ishewe kondjila noyi li melandulathano,” Omuprofesori ta ti ngawo.Onkundana oya li ye tu thiki kutya mEtine moka aaniilonga naapangi oya ninga ekanka molwoshinima shika, ashike nani hasho, oshoka mokumonathana nOmukuluntuwiliki gwOshipangelo shika Omuprofesori Fillemon Amaambo, okwa ti oshinima kasha li ekanka lela, osha li ashike yamwe yomaaniilonga naapangi ya tokola okuninga oshigongi pethimbo lyiilonga opo yi ikunde oshinima shoka shokuhafutwa pethimbo.Omundohotola Amaambo ta ti kutya oshoshili, oshimaliwa shaaniilonga kasha li sha thika pethimbo omolwiinakugwnaithwa po yimwe mOmbaanga ndjoka hayi ungaunga niimaliwa yOofuto dhaaniilonga nAapangi mOnandjokwe.Ashike, Omundohotola Amaambo okwa lombwele Oshifo shika, ngashiingeyi uupyakadhi mboka owa kandulwa po naaniilonga kumwe naapangi otaya futwa oshimaliwa shawo shika.”Ondi wete uupyakadhi mbuka owa za po naayihe oye ya ishewe kondjila noyi li melandulathano,” Omuprofesori ta ti ngawo.