Aaniilonga mElelondoolopa lyaNdangwa ya kuleni nawa

O MUPRESIDENDE Hifikepunye Pohamba moshipopiwa she sheegululo lyOombelewa dhElelo lyOndangwa, shoka sha leshwa pehala lye kOminista yOmapangelo gOpaitopolwa, Omagumbo nEhumithokomeho lyoKomikunda tate John Pandeni, okwa indile kAanambelewa nokaaniilonga ayehe haya longo mOmalelo gOondoolopa, unene mwaandjoka lyaNdangwa ya kale taya longele kumwe noshigwana shoka taya lele noku shi yakula nawa , nombili nonesimaneko ngashi sha pumbiwa.

“Ngaye onda itaala kutya elongelokummwe, uukumwe, eholathano neitulomo miilonga osho oshinima sha simana kwaamboka haya inekelewa omayakulo neyakulo lyoshigwana,” Pohamba ta ti. Ta ti aakalimo yomOndangwa oyo oshinima oshinene nosha simana kElelo lyawo lyOndoolopa yawo ya Ndangwa.Onkee oye na okutulwa mekuthombinga lyElelo lyondoolopa yawo nomehumithokomeho lyondoolopa yawo.”Aandangwa oya pumbwa lela eyakulo li li nawa, lyiihwapo nawa nolya tya pyoo okuzilila mElelo lyawo.Onkee Ookansela dhOndoolopa longeni nuudhiginini noneitulomo enene mokuyamukula koompumbwe dhoshigwana noshowo komategameno gasho okuzilila kElelo lyawo.Ombelewa ndjika oya tungwa yapwa niilonga oya tameka, onkee aaniilonga, aanamabelewa, yakuleni oshigwana neitulomo nesimaneko nonombili molwashoka oshigwana sho sha tungilwa nee ombelewa ombwanawa ngeyi osha pumbwa wo nee okuyakulilwa mo nawa, nombili nesimaneko noneuvathano, tali zi koombinga adhihe,” Pohamba ta ti ngawo.Omupresidende ta indile wo koshigwana nasho shi kale tashi simaneke aaniilonga noshowo Aanambelewa nOokansela dhasho nokulongelakumwe mwaashihe tashi pulwa shi longwe po nenge shi ningwe po koshigwana.Unene Omupresidende okwa indila koshigwana shi kale tashi futu omafutilo gomayakulo, ngashi omeya, olusheno, iiyagaya nosho tuu nosho tuu ngashi taya indilwa kElelo lyawo ye shi ninge.Omupresidende ta indile wo koshigwana shomOndangwa noshowo kElelo lyasho kutya ya longe nuudhiginini nokukutha Ondangwa mpoka yi li ye yi tule pomuthika gwopombanda ngashi Oondoolopa oonene oonkwawo dhi li moNamibia.”Ondangwa okuza tuu pethimbo lyUukoloni, oya kala ya ekelwahi ashike mpoka, itayi humithwa komehe nonando oyo ondoolopa onene ya kala oyo tayi thikilwa kwaayehe nenge tamu pitilwa kwaayehe, onkee nee oyi na okuyeluthwa po nokweetwa pomuthika gwopombanda.Ondangwa okuza sho oshilongo sha manguluka, oya kala tayi kwathelwa kEpangelo enene opo yi yambuke po, ashike nayo wo oyi itumba nohayi gongele oshimaliwa okuza maakalimo yasho moka nokugwanitha po oompumbwe dhasho ngashi ompumbwe onene yOmbelewa ndjika ndjoka ya kala po noya kandulwa po nee ngashingeyi.”Ombelewa ndjika oya tungwa kOomiliona 5,25 nonda lombwelwa kutya oshimaliwa shoka osha zi ashike miifuta yaakalimo sho taya futu omayakulo gawo, “Omupresidende ta ti ngawo nokugwedha po kutya ngashiingeyi oshi li nawa molwashoka Elelo itali longele we moombelewa oonkulu moka lya li lya yi konima sho Oombelewa dhEpangelo dha pile po nolya yapukilile Aanambelewa yEpangelo yee ya longele mOombelewa dhalyo manga lyo lya yi mOombelewa oonkulu metungo ndjoka lya li lyOmunangeshefa gwontumba kwali mOndangwa moka.Omupresidende Pohamba ta tumbula wo kutya okwa kundanekwa kElelo lya Ndangwa kutya mOndangwa otamu humithwa komeho iinima oyindji lela ngashi Oopate, omaopaleko gominino dhohanya, omalusheno, etungo loyomatala omape nosho tuu nosho tuu kokapandi kOomiliona 9, omanga nokuli olukanda lwa Makulukuma nolwa Nguta taga opalekululwa pu tungwe pashinanena.mOndangwa omwa tulwa omalamba omanene omale gokuminikila ehala enene omanga Ehangano lyokutunga omagumbo lyedhina Tu tungeni pamwe tali dhana onkandangala mOndangwa moka.Etungo lyoongeshefa otali ende nawa omanga omaenditho nago wo taga ende nawa unene tuu sho Olutenda lwa thika mOndangwa naanangeshefa ngashiingeyi otaya vulu okulongitha eshina lyokolutenda okweeta nokufala iinima yawo hoka ya hala yi ye.Omupresidende Pohamba ta indile nee kElelo nokoshigwana sha Ndangwa ya kwate nawa Oombelewa dhawo ndhoka dhi kale aluhe dhi li monkalo ombwanawa.Ta ti aakalimo yomOndangwa oyo oshinima oshinene nosha simana kElelo lyawo lyOndoolopa yawo ya Ndangwa.Onkee oye na okutulwa mekuthombinga lyElelo lyondoolopa yawo nomehumithokomeho lyondoolopa yawo.”Aandangwa oya pumbwa lela eyakulo li li nawa, lyiihwapo nawa nolya tya pyoo okuzilila mElelo lyawo.Onkee Ookansela dhOndoolopa longeni nuudhiginini noneitulomo enene mokuyamukula koompumbwe dhoshigwana noshowo komategameno gasho okuzilila kElelo lyawo.Ombelewa ndjika oya tungwa yapwa niilonga oya tameka, onkee aaniilonga, aanamabelewa, yakuleni oshigwana neitulomo nesimaneko nonombili molwashoka oshigwana sho sha tungilwa nee ombelewa ombwanawa ngeyi osha pumbwa wo nee okuyakulilwa mo nawa, nombili nesimaneko noneuvathano, tali zi koombinga adhihe,” Pohamba ta ti ngawo.Omupresidende ta indile wo koshigwana nasho shi kale tashi simaneke aaniilonga noshowo Aanambelewa nOokansela dhasho nokulongelakumwe mwaashihe tashi pulwa shi longwe po nenge shi ningwe po koshigwana.Unene Omupresidende okwa indila koshigwana shi kale tashi futu omafutilo gomayakulo, ngashi omeya, olusheno, iiyagaya nosho tuu nosho tuu ngashi taya indilwa kElelo lyawo ye shi ninge.Omupresidende ta indile wo koshigwana shomOndangwa noshowo kElelo lyasho kutya ya longe nuudhiginini nokukutha Ondangwa mpoka yi li ye yi tule pomuthika gwopombanda ngashi Oondoolopa oonene oonkwawo dhi li moNamibia.”Ondangwa okuza tuu pethimbo lyUukoloni, oya kala ya ekelwahi ashike mpoka, itayi humithwa komehe nonando oyo ondoolopa onene ya kala oyo tayi thikilwa kwaayehe nenge tamu pitilwa kwaayehe, onkee nee oyi na okuyeluthwa po nokweetwa pomuthika gwopombanda.Ondangwa okuza sho oshilongo sha manguluka, oya kala tayi kwathelwa kEpangelo enene opo yi yambuke po, ashike nayo wo oyi itumba nohayi gongele oshimaliwa okuza maakalimo yasho moka nokugwanitha po oompumbwe dhasho ngashi ompumbwe onene yOmbelewa ndjika ndjoka ya kala po noya kandulwa po nee ngashingeyi.”Ombelewa ndjika oya tungwa kOomiliona 5,25 nonda lombwelwa kutya oshimaliwa shoka osha zi ashike miifuta yaakalimo sho taya futu omayakulo gawo, “Omupresidende ta ti ngawo nokugwedha po kutya ngashiingeyi oshi li nawa molwashoka Elelo itali longele we moombelewa oonkulu moka lya li lya yi konima sho Oombelewa dhEpangelo dha pile po nolya yapukilile Aanambelewa yEpangelo yee ya longele mOombelewa dhalyo manga lyo lya yi mOombelewa oonkulu metungo ndjoka lya li lyOmunangeshefa gwontumba kwali mOndangwa moka.Omupresidende Pohamba ta tumbula wo kutya okwa kundanekwa kElelo lya Ndangwa kutya mOndangwa otamu humithwa komeho iinima oyindji lela ngashi Oopate, omaopaleko gominino dhohanya, omalusheno, etungo loyomatala omape nosho tuu nosho tuu kokapandi kOomiliona 9, omanga nokuli olukanda lwa Makulukuma nolwa Nguta taga opalekululwa pu tungwe pashinanena.mOndangwa omwa tulwa omalamba omanene omale gokuminikila ehala enene omanga Ehangano lyokutunga omagumbo lyedhina Tu tungeni pamwe tali dhana onkandangala mOndangwa moka.Etungo lyoongeshefa otali ende nawa omanga omaenditho nago wo taga ende nawa unene tuu sho Olutenda lwa thika mOndangwa naanangeshefa ngashiingeyi otaya vulu okulongitha eshina lyokolutenda okweeta nokufala iinima yawo hoka ya hala yi ye.Omupresidende Pohamba ta indile nee kElelo nokoshigwana sha Ndangwa ya kwate nawa Oombelewa dhawo ndhoka dhi kale aluhe dhi li monkalo ombwanawa.