Aanasikola ya ulikwa omunwe ku Nujoma

A ANASIKOLA yamwe mOyunivesiti ya Namibia nosho wo yoPolytechnic ya Namibia oya zimo moshigongi pethimbo ya li taya popithwa kOmupresidende Omukulu gwa Namibia, He yOshigwana Omundohotola Sam Nujoma mEtine lya zi ko.

Aanasikola oya ningi ngaaka konima sho yi iyadha kombinga ya puka yoku ulikwa nomutanganwe komuwiliki gwoSwapo Sam Nujoma. Nujoma okweya ula kutya ohaya nu taya kolwa na oyi ipwililikila uukiliminola.Aanasikola oyendji okuza mOyunivesiti ya Namibia nosho wo moPolytechnic ya Namibia oya li ya gongala molwaalu omunene lela opo ya kundathane na He yOshigwana.Ashike oya ka thigwa owala ya geya konima sho ya pewa uusama nokuumanekwa komukuluntu.Nujoma ngoka wo eli omunasikola mOyunivesiti ya Namibia (Unam) nenge tutye ti ilongele wo uugeology moka okweya tamanekele uukolwe nokulongitha nayi iikolitha, teya tamaneke wo kutya ohaya kala nookiliminola shoka tashi ti kutya mokuninga ngaaka otaya taandelitha uukiliminola moshilongo.Oshipopiwa she osha li sha nuninwa okutsa aanasikola omukumo opo yi longe ya mana mo pethimbo taya tameke oshikako shawo oshitiyali sho osho wo sha hugunina komumvo.Nando ongaaka, Omupresidende gwotango gwa Namibia okwe ya pe omapandja gatano gondjokonona omanga ine ya indila nuupalagrafa utatu moshipopiwa she shoka a li a longekidha yi ilonge ya mana mo opo ya ka pite nawa omakonaakono gawo pehulilo lyomumvo.Oonkundathana dholela odha tameke sho aanasikola ya li ya pewa ompito yoominute 15 ya pule Nujoma omapulo.Omapulo gawo oga li ga kwatelamo iinima oyindji okuza ngaa kompumbwe yomilalo niiyenditho sigo okeyindilo kutya Nujoma na gandje elombwelo kewiliko lya Unam kutya inali thiminika we aanasikola yalye oshuumbululwa shoka tashi dhengele opethimbo ndika.Omupya omunene omapulo gaanasikola inaga yamukulwa pamukalo ngoka ya loi ya tagelela.Konima owala sho omunasikola Immanuel Phillemon a ningi eyindilo lyowina ku Nujoma kutya oya pumbwa iiyenditho nosho wo omalamba momudhingoloko gwa Unam, Nujoma okwa yamukula kutya aanasikola ya Unama ihaya ningi shomupondo okunawapeka onkalo yawo.”Aanasikola otu na oshinakugwanithwa showina kutse yene nosho wo moshigwana.Ngele iita momUuzilo-Kati (Middle East) oya tsikile iinima ayihe otayi tsikile nokulonda.Keshi owala Namibia ngoka a gumwa kiita mbika nondando yomahooli sho tayi tsikile nokuya pombanda.”Epangelo lya Namibia otali vulu okupewa uusama moshinima shika.Omolwashike itamu pula Omupresidende gwa Amerika George W Bush?” Nujoma ta yamukula ngaaka.Okwa popi kutya aanasikola oya hala owala okupewa mokana, pehala lyokukutha iinakugwanithwa nokuyihumbata komapepe gawo yene.Ta gandja oshiholelwa ngeyi kutya aanasikola otaya vulu okutunga omihandjo mOyunivesiti ndjika pehala lyokulongitha iimaliwa mbyoka taya pewa kaakuluntu yawo mokulanda iihauto, ooselula, iingangamithi niikolitha.”Opu na aanasikola oyendji mboka ihayi ihumbata nawa nomikalo dhawo odhanyata,” Nujoma ta popi ngaaka.Ta ti aanasikola oyo onakuyiwa ya Namibia noye na okwiilongekidhila okutunga Namibia.”Eeno.Omu na okuhila ko komapaya geni nomuna okulongitha omitse dheni.Omatungo otatu ga kutha peni? Omatungo ngaka, oga tungwa kEpangelo lyoSwapo.Kamwa li nando Oyunivesiti muka,” Nujoma ta popi ishewe ngaaka.Nujoma okwa tamaneke aanasikola ta ti otaya ihumbata yafa aazaizai pethimbo oshilongo sha pumbwa omakwatho gawo.Nokwa nibgi nokuli omapopyo ngeyi kutya oyeshi ookiliminola nenge ohaya kutha ombinga miilonga yuukiliminola.”Aanuusama yamwe one aanasikola.Kaleni mwanukapo okudhimbulula ookiliminola ndhoka.Inamu popya mwa fa owala mwa mwa nuka megulu, mwa fa kamu shi Aanamibia,” ta popi ishewe.Omapopyo ga Nujoma oga geyitha aanasikola yamwe mboka ya tameke okuthigapo Osaala okuuka pehulilo lyoshipopiwa sha Nujoma nando nee ya li ya indilwa kOmukuluntu gwAanasikola mOyunivesiti, Omundohotola Inda Kandjii-Murangi kutya oprograma inayi pwa natango kwali.”Tse mboka twa za megulu otatu thigipo osaala,” gumwe gwomaanasikola ta popi ngaaka pethimbo ti iwewe mo mOsaala.Aanasikola kaya li ya nyanyukilwa omayamukulo nokupewa uusama ku Nujoma.Nujoma okweya ula kutya ohaya nu taya kolwa na oyi ipwililikila uukiliminola.Aanasikola oyendji okuza mOyunivesiti ya Namibia nosho wo moPolytechnic ya Namibia oya li ya gongala molwaalu omunene lela opo ya kundathane na He yOshigwana.Ashike oya ka thigwa owala ya geya konima sho ya pewa uusama nokuumanekwa komukuluntu.Nujoma ngoka wo eli omunasikola mOyunivesiti ya Namibia (Unam) nenge tutye ti ilongele wo uugeology moka okweya tamanekele uukolwe nokulongitha nayi iikolitha, teya tamaneke wo kutya ohaya kala nookiliminola shoka tashi ti kutya mokuninga ngaaka otaya taandelitha uukiliminola moshilongo.Oshipopiwa she osha li sha nuninwa okutsa aanasikola omukumo opo yi longe ya mana mo pethimbo taya tameke oshikako shawo oshitiyali sho osho wo sha hugunina komumvo.Nando ongaaka, Omupresidende gwotango gwa Namibia okwe ya pe omapandja gatano gondjokonona omanga ine ya indila nuupalagrafa utatu moshipopiwa she shoka a li a longekidha yi ilonge ya mana mo opo ya ka pite nawa omakonaakono gawo pehulilo lyomumvo.Oonkundathana dholela odha tameke sho aanasikola ya li ya pewa ompito yoominute 15 ya pule Nujoma omapulo.Omapulo gawo oga li ga kwatelamo iinima oyindji okuza ngaa kompumbwe yomilalo niiyenditho sigo okeyindilo kutya Nujoma na gandje elombwelo kewiliko lya Unam kutya inali thiminika we aanasikola yalye oshuumbululwa shoka tashi dhengele opethimbo ndika.Omupya omunene omapulo gaanasikola inaga yamukulwa pamukalo ngoka ya loi ya tagelela.Konima owala sho omunasikola Immanuel Phillemon a ningi eyindilo lyowina ku Nujoma kutya oya pumbwa iiyenditho nosho wo omalamba momudhingoloko gwa Unam, Nujoma okwa yamukula kutya aanasikola ya Unama ihaya ningi shomupondo okunawapeka onkalo yawo.”Aanasikola otu na oshinakugwanithwa showina kutse yene nosho wo moshigwana.Ngele iita momUuzilo-Kati (Middle East) oya tsikile iinima ayihe otayi tsikile nokulonda.Keshi owala Namibia ngoka a gumwa kiita mbika nondando yomahooli sho tayi tsikile nokuya pombanda.”Epangelo lya Namibia otali vulu okupewa uusama moshinima shika.Omolwashike itamu pula Omupresidende gwa Amerika George W Bush?” Nujoma ta yamukula ngaaka.Okwa popi kutya aanasikola oya hala owala okupewa mokana, pehala lyokukutha iinakugwanithwa nokuyihumbata komapepe gawo yene.Ta gandja oshiholelwa ngeyi kutya aanasikola otaya vulu okutunga omihandjo mOyunivesiti ndjika pehala lyokulongitha iimaliwa mbyoka taya pewa kaakuluntu yawo mokulanda iihauto, ooselula, iingangamithi niikolitha.”Opu na aanasikola oyendji mboka ihayi ihumbata nawa nomikalo dhawo odhanyata,” Nujoma ta popi ngaaka.Ta ti aanasikola oyo onakuyiwa ya Namibia noye na okwiilongekidhila okutunga Namibia.”Eeno.Omu na okuhila ko komapaya geni nomuna okulongitha omitse dheni.Omatungo otatu ga kutha peni? Omatungo ngaka, oga tungwa kEpangelo lyoSwapo.Kamwa li nando Oyunivesiti muka,” Nujoma ta popi ishewe ngaaka.Nujoma okwa tamaneke aanasikola ta ti otaya ihumbata yafa aazaizai pethimbo oshilongo sha pumbwa omakwatho gawo.Nokwa nibgi nokuli omapopyo ngeyi kutya oyeshi ookiliminola nenge ohaya kutha ombinga miilonga yuukiliminola.”Aanuusama yamwe one aanasikola.Kaleni mwanukapo okudhimbulula ookiliminola ndhoka.Inamu popya mwa fa owala mwa mwa nuka megulu, mwa fa kamu shi Aanamibia,” ta popi ishewe.Omapopyo ga Nujoma oga geyitha aanasikola yamwe mboka ya tameke okuthigapo Osaala okuuka pehulilo lyoshipopiwa sha Nujoma nando nee ya li ya indilwa kOmukuluntu gwAanasikola mOyunivesiti, Omundohotola Inda Kandjii-Murangi kutya oprograma inayi pwa natango kwali.”Tse mboka twa za megulu otatu thigipo osaala,” gumwe gwomaanasikola ta popi ngaaka pethimbo ti iwewe mo mOsaala.Aanasikola kaya li ya nyanyukilwa omayamukulo nokupewa uusama ku Nujoma.