Aanamibia yaali ya yugwa iinima yawo mu Johannessburg

A ANAMIBIA yaali oya gwile momake gookiliminola dhimwe mu South Afrika, sho ya yugwa iinima yawo manga ya li moshinyanga shOhotela yimwe mu Johannessburg omasiku ngaka.

Ralph Bussel (gwoomvula 40) na Hendrik Koekermoer (gwoomvula 45) ayehe ye li aalongisikola pOsikola yokwiilongela iikwaemina ya Namibian Institute of Mining and Technology pu Arandis, oyi iyadha ya taalelwa komilongu dhoondjembo konima ashike sho ya kongo omulalo mOhotela ya Airport Grand Hotel mu Boksburg uusiku wOsoondaha. Oya li ya kwatela komeho osheendo shaalongwa yawo, ya li ya ka kutha ombinga momathigathano ku Johannessburg.Aalongwa yawo oya li haya lala mOhotela yi ili.Sho nee ya etwa pOhotela ndjika naatalelipo yalwe ye li mOhauto yOhotela, ongundu yaalumentu ye li ya hamano (ya li aniwa taya endaenda pomathikilo gOhotela ndjika), oya hili mo oombisitoli e taya lombwele aantu ayehe ya lale polupanda.Aanamibia mbaka yaali oya li aniwa ya tokola okuya komweelo ya pite mo mOhotela, ihe aniwa oya li ya tsakanekwa kaalumentu ya homata oyendji, mboka ye ya thiminikile meni.Muule wominute 10, aayugi mbaka oya yugu aatalelipo naaniilonga mOhotela ndjika iinima yawo ngashi ooselula, iimaliwa nosho wo yilwe e taya fadhukapo.”Sho ya fadhuka po otu uvu omatopo goondjembo gaali pondje yOpaarkinga.Kapu na ngoka a li a yahwa nenge a ehamekwa,” Bussel ta popi ngaaka.Opolisi oya li yi ithanwa ihe, oya thiki konima yetatawili sho oshinima shika sha ningwa nale, omanga Oosekuliti yamwe ya li ngiika ya ithanwa kOhotela, ya thiki kwa wo kwa laata unene.Bussel okwa ti aantu oyendji oya li ya haluka noonkondo, ihe ye okwa li aniwa a ngungumana.Shoka aniwa she mu kwathele ontseyo ndjoka a mono miilonga yuupolisi moka a li nale ha longo.Ihe aniwa aantu yalwe ngashi aatalelipo ya za kombanda yomafuta, oya li ya haluka noonkondo.Yamwe oya li aniwa nokuli ya shuna esiku tuu ndyoka.”Oshinima shika inandi shi lombwela ofamili yandje.Kanda li nda hala ya kale yi ikwata okukala kwandje mu Johannessburg, ashike onkundana ndjika oye ya adha manga inandi thika nokuli kegumbo,” Bussel ta tsikile ko ngaaka.Oya li ya kwatela komeho osheendo shaalongwa yawo, ya li ya ka kutha ombinga momathigathano ku Johannessburg.Aalongwa yawo oya li haya lala mOhotela yi ili.Sho nee ya etwa pOhotela ndjika naatalelipo yalwe ye li mOhauto yOhotela, ongundu yaalumentu ye li ya hamano (ya li aniwa taya endaenda pomathikilo gOhotela ndjika), oya hili mo oombisitoli e taya lombwele aantu ayehe ya lale polupanda.Aanamibia mbaka yaali oya li aniwa ya tokola okuya komweelo ya pite mo mOhotela, ihe aniwa oya li ya tsakanekwa kaalumentu ya homata oyendji, mboka ye ya thiminikile meni.Muule wominute 10, aayugi mbaka oya yugu aatalelipo naaniilonga mOhotela ndjika iinima yawo ngashi ooselula, iimaliwa nosho wo yilwe e taya fadhukapo.”Sho ya fadhuka po otu uvu omatopo goondjembo gaali pondje yOpaarkinga.Kapu na ngoka a li a yahwa nenge a ehamekwa,” Bussel ta popi ngaaka.Opolisi oya li yi ithanwa ihe, oya thiki konima yetatawili sho oshinima shika sha ningwa nale, omanga Oosekuliti yamwe ya li ngiika ya ithanwa kOhotela, ya thiki kwa wo kwa laata unene.Bussel okwa ti aantu oyendji oya li ya haluka noonkondo, ihe ye okwa li aniwa a ngungumana.Shoka aniwa she mu kwathele ontseyo ndjoka a mono miilonga yuupolisi moka a li nale ha longo.Ihe aniwa aantu yalwe ngashi aatalelipo ya za kombanda yomafuta, oya li ya haluka noonkondo.Yamwe oya li aniwa nokuli ya shuna esiku tuu ndyoka.”Oshinima shika inandi shi lombwela ofamili yandje.Kanda li nda hala ya kale yi ikwata okukala kwandje mu Johannessburg, ashike onkundana ndjika oye ya adha manga inandi thika nokuli kegumbo,” Bussel ta tsikile ko ngaaka.