Aanamibia 14 ya kwatwa po mu SA

OPOLISI ya South Afrika oshiwike sha zi ko oya kwatwa po Aanamibia ye li 14, shi na sha nomateyo gomagumbo moshitopolwa sha Kapa-uninginino.

Aalumentu mbaka, mboka taku popiwa kutya oye na ekwatathano nOkampani onkwati yoohi pu Hout Bay, oya li ya kwatelwa pomahala ga yooloka pokati kEtiyali nEtitano.
Otaku popiwa kutya oye li iilyo yongenga hayi longo iikoya ya longekidhwa.
Omugandjimulombo gwOpolisi mOkapa-uninginino.
Kaptein Frederick van Wyk, okwa ti iinima yi na ongushu yOondola oomiliona mbali, oya li ya adhika naalumentu mbaka.
Aalumentu mbaka okwa li kwa tegelelwa ya holoke mOmpangu ongula yohela.
Opolisi ya South Afrika oya to kutya aalumentu mbaka oye oomvula okuza po 22 sigo 32.
Opolisi oya kala aniwa omathimbo tayi konakona omayugo ogendji ngoka ga tameke molukanda lwa Constantia na Tokia. Ekwatopo lyotango olya ningwa mEtiyali.
Komanda gwOpolisi mOvenduka, Inspekta omukuluntu Robert Sanjahi okwa Opolisi ya Namibia oya lombwelwa oshinima shika, ihe inayi mona natango uuyelele wa gwana.
Oshikondo shOmauyelele shOpolisi ya Namibia oshe shi koleke kutya aafekelwa mbaka otaya ka pangulwa mu South Afrika na ngele oya monika ondjo na otashi vulika ya ka longele omageelo gawo mondholongo moshilongo shoka. Ano ko South Afrika hoka ya kwatelwa.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.