Aanambelewa yopolisi yeli 160 ya tidhwa miilonga oshilongo ashihe

KONYALA aanambelewa yopolisi yeli lwopethele 160 oya tidhwa metanga lyopolisi yaNamibia pokati ka January na Juli nuumvo.

Omanga aapolisi ye li 25 oye li pevi natango molwaashoka inaa yiihumbata nawa.Omupeviminista gwOshikondo shEgameno nEpopilo lyoshilongo, Erastus Uutoni okwa gandja omiyalu ndhika manga a li ta popi posasiona yopolisi mOtjiwarongo oshiwike shayi. Uutoni ngoka ali metalelopo koshitopolwa Otjozondjupa okwa li tatalelepo iilonga yomatungo mbyoka yiipyakidhilwa nayo. Iilonga mbika oya kwatelamo oondunda dhaapolisi, osasiona oshona, noshowo uundunda moka tamu kala hamu edhililwa oonkwatwa ndhoka dha tegelela oku pangulwa. Iilonga yomatungo mbika ota ku tiwa ota yi ka kuthapo oodola oomiliona 10.Uutoni okwa ti aanambelewa yamwe yomwaamboka ya tidhwa oya li ya monika ondjo mokulongela kumwe nookalyamupombo nenge nootjotji, omanga yalwe oya li iilyo yomalyenge guumbudhi moshilongo.Uutoni okuulike oluhodhi lwe a ti omwaalu nguka omunene unene gwaapolisi mboka ya kuthwa miilonga meni ashike lyoomwedhi hamano.Uutoni okwa dhimbulutha aanambelewa yopolisi kutya oshilonga shuupolisi osho eithano onkene kehe omupolisi okwa tegelelwa iihumbata paithano.Okwa ti omathimbo gamwe ombelewa ye oha yi taamba omanyenyeto taga zi moshigwana, taga nyenyeta kombinga yaanambelewa yopolisi itaaya ihumbata nawa.Okwa gandja oshiholelwa shomOtjozondjupa moka aanambelewa aniwa ya yolo omulumentu gumwe ngoka a ile a ningile omukadhi gwe oshipotha molwaashoka a li ta hepekwa kuye, ndele aniwa mbaka pehala lyokushininga oye mu yolo ashike , nomolwa shoka omulumentu ngoka okwa zipo inaa ninga oshipotha. Sho a shuna kegumbo uupyakadhi we inaawu kandulwapo, osheekuuvika konima kutya omulumentu ngoka okwa kutha ondjembo noku dhipaga omukulukadhi gwe. Okwa indile aapolisi ya longe paithano uuna ya tsakaneke iinima ngaashi shoka. Okwe ya kumike ishewe opo ya hwepopeke ontseyo yawo yuupolisi mokwiilongela pevi manga yo taya longo. Nampa

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.