AanaHIV-AIDS mOndangwa ya pandula mboka haye ya pe omakwatho giikulya

O MUKULUNTUWILIKI gwOngundu yAantu mboka taya lumbu nombuto yo HIV-AIDS pOndangwa nosho wo uunona mboka wa ninga iihakanwa yombuto ndjika, Trefina Malima okwa pandula noonkondo ayehe mboka haye ya pe momakwatho gi ili nogi ili, unene tuu mOshitopolwa shawo sha Shana.

Omapandulo ngaka meme Malima okwe ga gandja mEtiyali pOndangwa, pethimbo ongundu ye ndjika tayi pewa iikulya okuzilila kOombelewa dhOshitopolwa sha Shana okupitila mEhangano lyOothigwa lya Eneas Nanyemba. Ehangano ndika otali wilikwa ku Mayola Omukulu gwa Ndangwa Otto Kapia.Ongundu onene yoothigwa oya li ya pewa iikulya, ya thikama momausila, momalwishi, omakoloni, omasipangeti, oosopa, oondooha dhonyama, oohi nosho tuu.”Otandi gandja omapandulo omanene peha lyoothigwa nolyaavu yoHIV-AIDS ayehe mOshitopolwa sha Shana, unene tuu Ngoloneya gwa Shana Klemens Kashuupulwa ngoka e uvite lela oluhodhi pamwe naanuuvu yetu nokwa kondjo opo a monene aantu yomOshitopolwa she mbaka iikulya, okuzilila kOmbelewa ye kOshakati.Otandi pandula wo Omuunganeki omutiyali koshipundi shoHIV-AIDS, Petrus Iita ngono tu wete shili kutya nonando opo a lala oshipundi, ota kondjo shili noonkondo adhihe moshikumungu shoHIV-AIDS mOshitopolwa,”meme Malima ta pandula.Ta indile ishewe kOmahangano galwe nokaanangeshefa moshilongo ya tameke okukwathela oothigwa nosho wo aanuuvu yoHIV-AIDS ngashi mboka taye shi ningi nale.Meme Malima ta pandula wo aanankundana sho taya uhala taya gandja omauyelele, unene tuu ngoka ge na sha nonkalo yoothigwa noonakulumba nomukithi nguka gwo HIV-AIDS.Kapia, okwa gwedha po ta ti kutya Ehangano lye lyOothigwa lya Eneas Nanyemba otali ka tsikila ngashi tali vulu nokukwathela oothigwa naayehe taya lumbu nomukithi nguka omudhipagi gwoHIV-AIDS.Ehangano ndika otali wilikwa ku Mayola Omukulu gwa Ndangwa Otto Kapia.Ongundu onene yoothigwa oya li ya pewa iikulya, ya thikama momausila, momalwishi, omakoloni, omasipangeti, oosopa, oondooha dhonyama, oohi nosho tuu.”Otandi gandja omapandulo omanene peha lyoothigwa nolyaavu yoHIV-AIDS ayehe mOshitopolwa sha Shana, unene tuu Ngoloneya gwa Shana Klemens Kashuupulwa ngoka e uvite lela oluhodhi pamwe naanuuvu yetu nokwa kondjo opo a monene aantu yomOshitopolwa she mbaka iikulya, okuzilila kOmbelewa ye kOshakati.Otandi pandula wo Omuunganeki omutiyali koshipundi shoHIV-AIDS, Petrus Iita ngono tu wete shili kutya nonando opo a lala oshipundi, ota kondjo shili noonkondo adhihe moshikumungu shoHIV-AIDS mOshitopolwa,”meme Malima ta pandula.Ta indile ishewe kOmahangano galwe nokaanangeshefa moshilongo ya tameke okukwathela oothigwa nosho wo aanuuvu yoHIV-AIDS ngashi mboka taye shi ningi nale.Meme Malima ta pandula wo aanankundana sho taya uhala taya gandja omauyelele, unene tuu ngoka ge na sha nonkalo yoothigwa noonakulumba nomukithi nguka gwo HIV-AIDS.Kapia, okwa gwedha po ta ti kutya Ehangano lye lyOothigwa lya Eneas Nanyemba otali ka tsikila ngashi tali vulu nokukwathela oothigwa naayehe taya lumbu nomukithi nguka omudhipagi gwoHIV-AIDS.