Aanahambo yAawambo yokOkavango ya tota po ehangano lyawo

A ANAHAMBO yAawambo mboka taya tidhwa kOkavango oya tseyitha kutya oya tota po Ehangano lyawo lyedhina Ovawambo Herders Association (OHA), Ehangano lyAanahambo yAawambo, ndjoka tali ya kalele po momaudhigu gawo agehe unene tuu muudhigu uunene mboka ye na wokutidhwaatidhwa kOkavango, ano mOshitopolwa shUukwangali muuninginino wOkavango.

Omupopiliko gwAanahambo mbaka, ye wo oye e li Omupopiliko gwEhangano lyawo epe ndika omusamane Vilho Hamunyela nedhina lya tseyika nawa Kabila, ta lombwele Oshifo shika kutya yo oya vulwa ngaa nee okukala taya piyaganekwa nokuuhwala taya undagulwa kutya naya ze mo mOkavango oya ya mo kaye na uuthemba nepitikilo lyokuya mo nokukalitha iimuna yawo moka. Kabila ta ti kutya Aanahambo mboka ye li mOkavango oya tula omitse nomadhilaadhilo kumwe ndele taya tokola ya tote po Ehangano lyawo ndjoka tali kala noku ya popila miikumungu yawo, unene tuu mwaashoka shokutidhwa kOkavango, shaa li nande pauyuki.Omusamane Hamunyela (Kabila) ta gwedha po ta ti kutya oya konga wo nepopilo lyOpaveta.Ano ya konga nOhahende yawo meme Hilma Tukale Hitula gwomEhangano lyOohahende lyedhina Hitula @Associates.na oko ya fala nale nokuli oshipotha shawo shika shokutidhwa mOkavango.Ta ti kutya tashi ka pulakenwa nokuli mOmpangu yOpombanda kOvenduka, uuna sha pya.Ta ti otaya pataneke mboka taya ti kutya mOkavango oye li mo shaa li Paveta notaya fala wo kOmpangu yoPombanda mboka ya yonagula po iinima yawo muuninginino waKavango moka pehulilo lyomvula ya zi ko.Ngashi efikopo lyoohambo dhawo.Eyonagulo lyomithima dhawo noshowo eyaho lyiimuna yawo nedhipago lyiimuna yawo yimwe ngashi oongombe dhAawo dhimwe ndhoka dha yahelwe niikuti nosho tuu nokusa.Aanahambo yAawambo, otaya ti kutya oya shongwa konkatu ndjoka ya katukwa kElelo lyUukwangali nokOlutuwiliki lwEvi lyAayehe mOkavango mboka Omwedhi gwa zi ko, ye ya tulile mo oshipotha shUukriminola kutya aniwa mOkavango oye li mo shaa li Paveta.Kuyele Komanda gwOpolisi mOshitopolwa sha Kavango, Omukonaakoni Omukuluntu Olavi Auanga okwa koleka koThe Namibian kutya Aanahambo yAawambo mboka taya litha iimuna yawo muuninginino waKavango, oya tulilwa mo shili oshipotha shUukriminola kElelo lyUukwangali noshowo kEwilikongundu lyEvi lyAayehe mOkavango ndjoka lya li li na omunashipundi gwalyo omusamane Severinus Rengura.Kepulo, omusamane Rengura okwa lombwele oThe Namibian kutya ye muunashipundi wolutu ndoka okwa za mo ngashiingeyi naangoka e li pehala lye oye Amushanga gwOlutu ndoka, ngoka ta kala po manga sigo Olutu ndoka talu hogolola Omunashipundi omupe.”Ngaye inandi hala we okupulwaapulwa iinima yAanahambo yaapopi yOshiwambo muuninginino wa Kavango, oshoka kandi na we oshinakugwanithwa sha sha mOlutuwiliki lwEvi lyAayehe mOkavango,”tate Rengura ta lombwele Oshifo shika ngawo.Aanahambo yAawambo otaya ti kutya yo oye wete kutya otaya thiminikilwa kongudhi noya tokola nee ya tote po Ehangano lyawo ndjoka lya OHA nokukonga Omupopiliko gwawo gwOpaveta, e ke ya popile ko noku ya gamena moshinima shokutidhwa kwawo kOkavango, taku tiwa kutya aniwa oye li ko shaa li paveta nopaziminino lyElelo lyaahoka, ano lyUukwnangali.Ngashiingeyi osha yela kutya ou na Omahangano gaali gAaniimuna.Limwe olyo ndjoka lya kala po nale lyAanafaalama ya Mangetti nongashiingeyi ou na po ishewe nee ndjoka lyAanahambo yAawambo.Kabila ta ti kutya Aanahambo mboka ye li mOkavango oya tula omitse nomadhilaadhilo kumwe ndele taya tokola ya tote po Ehangano lyawo ndjoka tali kala noku ya popila miikumungu yawo, unene tuu mwaashoka shokutidhwa kOkavango, shaa li nande pauyuki.Omusamane Hamunyela (Kabila) ta gwedha po ta ti kutya oya konga wo nepopilo lyOpaveta.Ano ya konga nOhahende yawo meme Hilma Tukale Hitula gwomEhangano lyOohahende lyedhina Hitula @Associates.na oko ya fala nale nokuli oshipotha shawo shika shokutidhwa mOkavango.Ta ti kutya tashi ka pulakenwa nokuli mOmpangu yOpombanda kOvenduka, uuna sha pya.Ta ti otaya pataneke mboka taya ti kutya mOkavango oye li mo shaa li Paveta notaya fala wo kOmpangu yoPombanda mboka ya yonagula po iinima yawo muuninginino waKavango moka pehulilo lyomvula ya zi ko.Ngashi efikopo lyoohambo dhawo.Eyonagulo lyomithima dhawo noshowo eyaho lyiimuna yawo nedhipago lyiimuna yawo yimwe ngashi oongombe dhAawo dhimwe ndhoka dha yahelwe niikuti nosho tuu nokusa.Aanahambo yAawambo, otaya ti kutya oya shongwa konkatu ndjoka ya katukwa kElelo lyUukwangali nokOlutuwiliki lwEvi lyAayehe mOkavango mboka Omwedhi gwa zi ko, ye ya tulile mo oshipotha shUukriminola kutya aniwa mOkavango oye li mo shaa li Paveta.Kuyele Komanda gwOpolisi mOshitopolwa sha Kavango, Omukonaakoni Omukuluntu Olavi Auanga okwa koleka koThe Namibian kutya Aanahambo yAawambo mboka taya litha iimuna yawo muuninginino waKavango, oya tulilwa mo shili oshipotha shUukriminola kElelo lyUukwangali noshowo kEwilikongundu lyEvi lyAayehe mOkavango ndjoka lya li li na omunashipundi gwalyo omusamane Severinus Rengura.Kepulo, omusamane Rengura okwa lombwele oThe Namibian kutya ye muunashipundi wolutu ndoka okwa za mo ngashiingeyi naangoka e li pehala lye oye Amushanga gwOlutu ndoka, ngoka ta kala po manga sigo Olutu ndoka talu hogolola Omunashipundi omupe.”Ngaye inandi hala we okupulwaapulwa iinima yAanahambo yaapopi yOshiwambo muuninginino wa Kavango, oshoka kandi na we oshinakugwanithwa sha sha mOlutuwiliki lwEvi lyAayehe mOkavango,”tate Rengura ta lombwele Oshifo shika ngawo.Aanahambo yAawambo otaya ti kutya yo oye wete kutya otaya thiminikilwa kongudhi noya tokola nee ya tote po Ehangano lyawo ndjoka lya OHA nokukonga Omupopiliko gwawo gwOpaveta, e ke ya popile ko noku ya gamena moshinima shokutidhwa kwawo kOkavango, taku tiwa kutya aniwa oye li ko shaa li paveta nopaziminino lyElelo lyaahoka, ano lyUukwnangali.Ngashiingeyi osha yela kutya ou na Omahangano gaali gAaniimuna.Limwe olyo ndjoka lya kala po nale lyAanafaalama ya Mangetti nongashiingeyi ou na po ishewe nee ndjoka lyAanahambo yAawambo.