Aanahambo ya tidhwa ko kOkavango kOpolisi

O MUPOPILIKO gwAanahambo yAawambo mboka taya litha iimuna yawo kOkavango, tate Vilho Hamunyela, a tseyika nawa nedhina Kabila, okwa lombwela The Namibian omasiku ngaka kutya kOkavango sha lula nee nAanahambo yAawambo, unene tuu aapopi yOshikwanyama mboka ya adhika ye na oohambo dhawo muuninginini wOkavango mOshitopolwa shUukwangali shOmukwaniilwa Sitentu Mpasi, oya tamekwa taya tidhwa ko kOpolisi.

Kabila ota ti kutya etidho ndika etidho lyaa na ohenda nande. Ta ti kutya Aapolisi oye ya kOohambo hoka noondjembo nokutameka taya lombwele aanahambo mboka ya thikama unene maanona kutya naya ze mo moohambo moka niimuna yawo.Koohambo hoka okwa kala ashike uumatyona omanga ooyeneyene yiimuna ya kala kIitopolwa yawo, ano kOwambo kwali nale.Kabila ota ti kutya Aapolisi sho ye ya pOohambo mpoka, unene tuu pOlunene, pOlupeho, pOshikonda pOnzingizi, pOnyama nopElai mpoka yi na Okamba yawo yopakathimbo, oya tameke aniwa tayi umbu ooholo mombanda nokuningila aanahambo mboka niimuna omatilitho ndele uumatyona mboka tau matuka po wa thinda momakuti moka yo wo niimuna tayi fadhuka po ya thinda momakuti moka.Uumatyona wumwe hela wa matukile po kau wetike yo wo niimuna oyindji hela ya fadhukile po nayo oya kana ngawo, kayi wetike we.Uumatyona wumwe Kabila ota ti kutya owa kwatwa po kOpolisi nowa li wa edhililwa mElai muuninginino wOkavango moka omo mu na okamba yopakathimbo yOpolisi.Iimuna oyindji aniwa oya hingilwa koongamba dhOwambo nOkavango kOpolisi naanahambo yamwe nokutulwa ashike aniwa mpoka pwaa na omeya.Sho tadhi shuna komatambi hoka dha kala hadhi nu, ano mOshitopolwa sha Kavango moka mwa kala oohambo, otadhi shunithwa koongamba hoka nee dhi li dhaa na omeya nomwiidhi gwa gwana okulya.”Oshinima osha yaga lela kegonga, kashi li nawa notandi indile ooyene yOohambo ya matukile ko hoka moompadhi oontalala manga inaya kanitha oshindji.Okwa pumbiwa wo kukakongwe uumatyona mboka wa kana nou li ngiika tau elaela momakuti moka waa na omeya,” Kabila ta ti nokulombwela aanahambo yakwawo ngawo.Pehulilo lyomumvo 2004, Elelo lyUukwangali lyOmukwaniilwa Mpasi mUuninginino wOkavango olya ningi etokolo kutya Aanahambo ayehe yAawambo mboka ye li mOkavango shaa li Paveta, nopaziminono lye, naya ze mo moompadhi oontalala.Aanahambo mbaka, oya tala kutya yo kaye na naanaa uupyakadhi wokuza mo mOkavango, ashike nee kaye na ehala kOwambo hoka taya vulu okutula iimuna yawo.Oya kala nokuninga omahololomadhilaadhilo moka taya pula Elelo lyOndonga noshowo lyUukwanyama nEpangelo ye ya kongele ehala mpoka taya tula iimuna yawo, ashike Epangelo nOmalelo ngoka gaali, inaga ninga po sha.Aanahambo oya indile wo kutya Elelo lyOndonga nolyUukwanyama nali kuthe ko oondhalate kOofaalama oonenenene dhAanenetu yamwe mUuzilo wOndonga nUukwanyama, opo evi ndjoka li topolwe nawa shi kale ngeyi kutya kehe gumwe a mone mo ehala lyomaulithilo, unene tuu mboka taya tidhwa kOkavango ya mone mo wo ehala moka.Omvula ya zi ko, Omukwaniilwa Mpasi okwa ningi etokolo kutya aanahambo yAawambo naya tidhwe ko hoka, nange inaya hala naya kwatwe nokuningilwa iipotha nokupangulwa.Kabila ota ti kutya, osha fa nee osho tashi ningwa kOpolisi pethimbo ndika.Ta ti kutya nayo oye na Omukwaveta gwawo ngoka wo naye pethimbo ndika ta ungaunga noshinima shika shetidho lyawo kOkavango hoka.Kepulo Ndjayi gwOmalombwelo gOpolisi Tuweefeni M’lukeni, okwa koleka kutya Opolisi otayi tidha mo shili Aanahambo yAawambo mbaka mOkavango mboka ye li mo shaa li Paveta, shi li palombwelo lyElelo lyUukwangali noshowo lyEpangelo.Ota ti yo inaya ningila aanahambo niimuna omatilitho.Okwa zimine kutya oya li shili ya kwata po uumatyona wumwe shi na sha nekalo lyiilonga yOpolisi moshipala, ashike oye ke wu etha wo nokuli nale.M’lukeni, ota ti kutya etidhomo lyaanahambo mboka yaa li paveta mOkavango oli na okutsikila sigo ayehe mboka taya zi mo.Ta ti kutya Aapolisi oye ya kOohambo hoka noondjembo nokutameka taya lombwele aanahambo mboka ya thikama unene maanona kutya naya ze mo moohambo moka niimuna yawo. Koohambo hoka okwa kala ashike uumatyona omanga ooyeneyene yiimuna ya kala kIitopolwa yawo, ano kOwambo kwali nale.Kabila ota ti kutya Aapolisi sho ye ya pOohambo mpoka, unene tuu pOlunene, pOlupeho, pOshikonda pOnzingizi, pOnyama nopElai mpoka yi na Okamba yawo yopakathimbo, oya tameke aniwa tayi umbu ooholo mombanda nokuningila aanahambo mboka niimuna omatilitho ndele uumatyona mboka tau matuka po wa thinda momakuti moka yo wo niimuna tayi fadhuka po ya thinda momakuti moka.Uumatyona wumwe hela wa matukile po kau wetike yo wo niimuna oyindji hela ya fadhukile po nayo oya kana ngawo, kayi wetike we.Uumatyona wumwe Kabila ota ti kutya owa kwatwa po kOpolisi nowa li wa edhililwa mElai muuninginino wOkavango moka omo mu na okamba yopakathimbo yOpolisi.Iimuna oyindji aniwa oya hingilwa koongamba dhOwambo nOkavango kOpolisi naanahambo yamwe nokutulwa ashike aniwa mpoka pwaa na omeya.Sho tadhi shuna komatambi hoka dha kala hadhi nu, ano mOshitopolwa sha Kavango moka mwa kala oohambo, otadhi shunithwa koongamba hoka nee dhi li dhaa na omeya nomwiidhi gwa gwana okulya.”Oshinima osha yaga lela kegonga, kashi li nawa notandi indile ooyene yOohambo ya matukile ko hoka moompadhi oontalala manga inaya kanitha oshindji.Okwa pumbiwa wo kukakongwe uumatyona mboka wa kana nou li ngiika tau elaela momakuti moka waa na omeya,” Kabila ta ti nokulombwela aanahambo yakwawo ngawo.Pehulilo lyomumvo 2004, Elelo lyUukwangali lyOmukwaniilwa Mpasi mUuninginino wOkavango olya ningi etokolo kutya Aanahambo ayehe yAawambo mboka ye li mOkavango shaa li Paveta, nopaziminono lye, naya ze mo moompadhi oontalala.Aanahambo mbaka, oya tala kutya yo kaye na naanaa uupyakadhi wokuza mo mOkavango, ashike nee kaye na ehala kOwambo hoka taya vulu okutula iimuna yawo.Oya kala nokuninga omahololomadhilaadhilo moka taya pula Elelo lyOndonga noshowo lyUukwanyama nEpangelo ye ya kongele ehala mpoka taya tula iimuna yawo, ashike Epangelo nOmalelo ngoka gaali, inaga ninga po sha.Aanahambo oya indile wo kutya Elelo lyOndonga nolyUukwanyama nali kuthe ko oondhalate kOofaalama oonenenene dhAanenetu yamwe mUuzilo wOndonga nUukwanyama, opo evi ndjoka li topolwe nawa shi kale ngeyi kutya kehe gumwe a mone mo ehala lyomaulithilo, unene tuu mboka taya tidhwa kOkavango ya mone mo wo ehala moka.Omvula ya zi ko, Omukwaniilwa Mpasi okwa ningi etokolo kutya aanahambo yAawambo naya tidhwe ko hoka, nange inaya hala naya kwatwe nokuningilwa iipotha nokupangulwa.Kabila ota ti kutya, osha fa nee osho tashi ningwa kOpolisi pethimbo ndika.Ta ti kutya nayo oye na Omukwaveta gwawo ngoka wo naye pethimbo ndika ta ungaunga noshinima shika shetidho lyawo kOkavango hoka.Kepulo Ndjayi gwOmalombwelo gOpolisi Tuweefeni M’lukeni, okwa koleka kutya Opolisi otayi tidha mo shili Aanahambo yAawambo mbaka mOkavango mboka ye li mo shaa li Paveta, shi li palombwelo lyElelo lyUukwangali noshowo lyEpangelo.Ota ti yo inaya ningila aanahambo niimuna omatilitho.Okwa zimine kutya oya li shili ya kwata po uumatyona wumwe shi na sha nekalo lyiilonga yOpolisi moshipala, ashike oye ke wu etha wo nokuli nale.M’lukeni, ota ti kutya etidhomo lyaanahambo mboka yaa li paveta mOkavango oli na okutsikila sigo ayehe mboka taya zi mo.