Aalongisikola inaya futwa ya thiga po Oosikola

MUGUNJE – Aalongisikola yopakathimbi moshitopolwa sha Mashonaland West mu Zimbabwe, oya thigi po Oosikola sho ya longo oomwedhi ntano inaya futwa kEpangelo.

Aalongisikola mbaka otaya ti kutya aanambelewa yUuministeli wElongo pu Mugunje – shi li ookilo 245 kuumbangalantu-ninginino wa Harare, kutya oya ndopa okugandja oofoloma dhawo kOshikondo shOondjambi dhAaniilonga mEpangelo pethimbo.Shika osha eta nee aniwa aalongisikola ya kale inaya futwa uule wethimbo tali ihilile pomvula. Aalongisikola mbaka ohaya futwa Oondola dhAamerika ethele komwedhi.’Onda etha po okulonga pakwiiyamba molwashoka inandi mona oshimaliwa shoka hashi pewa aaniilonga ayehe mEpangelo uule woomwedhi ntano na aanaambelewa huka inaya hala okupandje oofooloma dhandje ndi dhi fale ku Harare,’ omulongiskola gumwe u uvite nayi – ha longo pOsekundokola sya Zvimoja Secondary School, osho a popi ngaaka.Aanambelewa yUuministeli wElongo pu Mugunje oye shi zimine kutya mOombelewa dhaow omu na oofooloma omathele, konima sho dha li ye dhi galululwa kOshikondo shOondjambi molwashoka aniwa omu na uuyelele umwe kau mo.Dhimwe dhomoofooloma dhika odha kala mOombelewa ndhika okuza mu Febuluali. Omunambelewa gwElongo moshitopolwa sha Hurungwe, Muchineripi Ndewere, okwa tindi okutya sha moshinima shika omanga omunambelewa gulwe gwElongo, Sylvester Mashayamombea ti ashike kutya ‘oshitopolwa sha Mashonaland oshi na aalongi ya dheulwa ya gwana.’Omupresidende gwehangano lyomahangano gaalongiskola mu Zimbabwe lyedhina Progressive Teachers Union of Zimbabwe (PTUZ, Tkavira Zhou okwe shi koleke kutya aalongiskola yamwe, mwa kwatelwa wo mboka ye na iilonga okuudha, inaya mona natango oondjambi dhawo okuza petameko lyomumvo.’Otu na aalongiskola ye li 10 000 mwa kwatewa mboka ya dheulwa, mboka inaya mona natango oondjambi dhawo omolu aanambelewa yEleongo yopaitopolwa itaya longo iilongo yaawo nawo,’ Zhou ta popi ngaaka. – ZimOnline