Aakwaswapo aanene ya kuthwa mo

Y AALI yomiilyo iikuluntu mbyoka ya totapo ongundu yoSwapo oya ndopa okuhogololelwa moPlitburo oshikando shotango pandjokonona yongundu ndjika.

Omanga ngoka a li nale Omupresidende gwoSwapo tatekulu Sam Nujoma a ningi etokolo kutya ina hala we okukala mopolitika, okwaahogololwa kwa tatekulu Toivo ya Toivo a kale andola mongundu yaakwaswapo aakuluntu ye li 21, okwa halutha oyendji. Amushanga-Ndjayi gwoSwapo omupe Pendukeni Iivula-Ithana okwa popi kutya tatekulu Nujoma ke shi oshilyo shoPoliburo nenge shoCentral Committee (CC) molwashoka ina hogololwa.”Nando ongaaka, ngaashi naanaa iilyo yilwe yopaati, ota ka kala e na uuthemba wokukutha ombinga miilonga yopaati ngaashi naanaa aantu yalwe,” Iivula-Ithana ta popi ngaaka.Nando nee pethimbo iinakugwanithwa ya Nujoma inayi tothwa mo nokuyelithilwa oshigwana, Iivula-Ithana okwa ti kutya shoka otashi ka kala oshinakugwanithwa shewiliko epe ndyoka li li kohi yOmupresidende Hifikepunye Pohamba.”Opaati oyi na ekotampango lyayo.Iinima otayi ningwa shi ikwatelela ku shoka omuntu a hala,” ta popi ishewe ngaaka.Edhina lya tatekulu Ya Toivo, olya holoka momusho nenge tutye molista yiilyo yi li 20 mbyoka taku popiwa yi uvite uukwawo wanankali nongundu ompe yoRally for Democracy and Progress (RDP).Nando nee Swapo nosho wo RDP oya li ya popi ngeyi kutya olista ndjoka kayi na uushili, Toivo okwa ndopa oku mona omake ga gwana oku mu tula mongundu yiilyo yotango 20 yongundu yoSwapo ndjoka a kwathela mokutota po.Kuyele okwa li a ekelehi omapopyo kutya ye ke na sha nongundu yoRDP.Oyendji oye wete nee ngeyi kutya sho Ya Toivo ina kwatelwa mo mokati kiilyo mbyoka, okwa dhengwa enkawa enene moshipala, taya ti kutya aantu yamwe mopaati oye mu tula mongundu ya puka, nomolwashoka, oya kwashilipaleke nee ngeyi kutya oye mu kutha mo mOplitburo.Aantu yalwe mboka wo omadhina gawo ga holoka momusholondondo gwomashina ngoka 20 (goRDP ngashi tashi popiwa), ongaashi Ominista yUunamapya nUuniimuna Omundohotola Nickey Iyambo, nosho wo Omuwiliki-Ndjayi gwOkomisi yOkuninga oopulanda dhopashigwana nenge tutye National Planning Commission, Helmut Angula.Mboka nayo inaya hogololelwa mo nando moPolitburo molwashoka okuholoka kwawo molista ndjoka, okwa geyitha yamwe yomiilyo mbyoka ya li yi na uuthemba wokuhogolola pOkongresa.Oshilyo oshikwawo shoka sha ndopa okuhogololelwa mOpolitbruro, oye Ngarikutuke Tjiriange ngoka a li nale Amjushanga-Ndjayi gwoSwapo.Oolopota dhimwe otadhi popi ngeyi kutya aakwashigongi mOkongresa oya li ya pewa olista yaantu mboka inaya halika nenge tutye mboka taya fekelelwa okuyambidhidha RDP opo kaayahogololelwe moCentral Committee.Iivula-Ithana okwa popi ngeyi kutya ye ina mona nando olista ndjoka tayi popiwa.”Shoka tu shi osho owala shoka kutya oshitopolwa kehe osha li shi na olista yaantu yane mboka oshitopolwa shoka sha hala ya tulwe moCC, naakwashigongi yokoshitopolwa shoka, oya ningi nee iikonga yokukongela aantu yawo omawi.”Onda limbililwa lela kombinga yolista ndjoka ngele opo ya li,” ta popi ngaaka mOsoondaha.Okwa hokolola kutya “Okongresa oya li mombepo ombwaanawa, yuukumwe, yeuvathano, ombili nosho wo mombepo yuuhailwa”.Pahokololo lye, Swapo okwa li a fa eshina lyokolutenda tali pitile mOsasiona mpoka yamwe taya heluka mo omanga yalwe taya tsikile nondjila.”Yamwe yomaafaalelwa, oye na ondjila ofupi.Eshina lyokolutenda itali vulu okusitopa molwashoka aantu yamwe oya hala okunuka mo omanga ina li thika pOsasiona ya landula ko,” Iivula-Ithana ta popi ngaaka kombinga yiilyo yoSwapo mbyoka ya ndjoina ongundu yoRDP omasiku ga zi ko.”Otatu tsikile nondjila yetu sigo okOsasiona ya hugunina.Otwi ikwatelela mokuwilika muukumwe nosho wo mombepo yUuhailwa.Swapo okwa kala nale momashongo omanene, ashike okwe shi pondola okuza mo,” ta popi ngaaka.Manga aantu yamwe ya zi mo ngaashi OoYa Toivo, iipala iipe oya holoka mOpolitbruro oshikando shotango.Ongundu ndjika oyi liwe komeho kOmundohotola Abraham Iyambo, mwakwatelwa Omundohotola Albert Kawana, Omundohotola Richard Kamwi, Petrus Iilonga na Alpheus !Naruseb.Yalwe mboka ye li mOpolitbruro aakulu ongaashi Immanuel Ngatjizeko, Erkki Nghimtina, na Asser Kapere.Oshinima shika osha ningwa nee konima sho mwa zi aantu ngaashi Ominista yOmauyelele Netumbo Nandi-Ndaitwah, Doreen Sioka, na Hartmut Rupel ngoka ina thikama momahogololo ngaka.Sioka okwa li a tulwa mOpolitburo mu Juni nuumvo opo a pingene po Jesaya Nyamu ngoka a tithwa mo mongundu yoSwapo.Omahogololo goCC oga halutha wo yamwe pethimbo ga ningwa.Mboka ya li pombanda yomusholondondo okuza ku gwotango ongaashi: Ominista yOmavi Jerry Ekandjo, omonamati gwa He yOshigwana Utoni Nujoma, Ominista yEliko Saara Kuugongelwa-Amadhila, Omunashipundi gwOparliamende Theo-Ben Gurirab, ngoka a li nale oshilyo shOparliamende Ben Amadhila nosho wo Omundohotola Abraham Iyambo.Oshilyo oshipe shoka opo sheya mo, oye Usko Nghaamwa ngoka e li ponomola 20, omanga Ominista yIilonga nOmakwatathano Joel Kaapanda e li ponomola 12.MoCentral Committee ya zile ko, Kaapanda okwa li gumwe gwomaantu yahamano mboka ya ulikwa kOmupresidende.Oshilyo shoSwapo mOparliamende Royal /Ui/o/oo nosho wo Omupeviminista mUuministeli wUuthikepamwe Angelika Muharukua, oya li mokati kaantu yahamano mboka ya ulikwa kOmupresidende Pohamba opo ya ninge iilyo yoCC.Mboka oya ndjinwa nee ku Hilka Leevi, Ida Hoffmann nOominista ngaashi Willem Konjore (Ominista yOmidhingoloko) na Charles Namoloh (Ominista yEtanga lyEgameno).Amushanga-Ndjayi gwoSwapo omupe Pendukeni Iivula-Ithana okwa popi kutya tatekulu Nujoma ke shi oshilyo shoPoliburo nenge shoCentral Committee (CC) molwashoka ina hogololwa.”Nando ongaaka, ngaashi naanaa iilyo yilwe yopaati, ota ka kala e na uuthemba wokukutha ombinga miilonga yopaati ngaashi naanaa aantu yalwe,” Iivula-Ithana ta popi ngaaka.Nando nee pethimbo iinakugwanithwa ya Nujoma inayi tothwa mo nokuyelithilwa oshigwana, Iivula-Ithana okwa ti kutya shoka otashi ka kala oshinakugwanithwa shewiliko epe ndyoka li li kohi yOmupresidende Hifikepunye Pohamba.”Opaati oyi na ekotampango lyayo.Iinima otayi ningwa shi ikwatelela ku shoka omuntu a hala,” ta popi ishewe ngaaka.Edhina lya tatekulu Ya Toivo, olya holoka momusho nenge tutye molista yiilyo yi li 20 mbyoka taku popiwa yi uvite uukwawo wanankali nongundu ompe yoRally for Democracy and Progress (RDP).Nando nee Swapo nosho wo RDP oya li ya popi ngeyi kutya olista ndjoka kayi na uushili, Toivo okwa ndopa oku mona omake ga gwana oku mu tula mongundu yiilyo yotango 20 yongundu yoSwapo ndjoka a kwathela mokutota po.Kuyele okwa li a ekelehi omapopyo kutya ye ke na sha nongundu yoRDP.Oyendji oye wete nee ngeyi kutya sho Ya Toivo ina kwatelwa mo mokati kiilyo mbyoka, okwa dhengwa enkawa enene moshipala, taya ti kutya aantu yamwe mopaati oye mu tula mongundu ya puka, nomolwashoka, oya kwashilipaleke nee ngeyi kutya oye mu kutha mo mOplitburo.Aantu yalwe mboka wo omadhina gawo ga holoka momusholondondo gwomashina ngoka 20 (goRDP ngashi tashi popiwa), ongaashi Ominista yUunamapya nUuniimuna Omundohotola Nickey Iyambo, nosho wo Omuwiliki-Ndjayi gwOkomisi yOkuninga oopulanda dhopashigwana nenge tutye National Planning Commission, Helmut Angula.Mboka nayo inaya hogololelwa mo nando moPolitburo molwashoka okuholoka kwawo molista ndjoka, okwa geyitha yamwe yomiilyo mbyoka ya li yi na uuthemba wokuhogolola pOkongresa. Oshilyo oshikwawo shoka sha ndopa okuhogololelwa mOpolitbruro, oye Ngarikutuke Tjiriange ngoka a li nale Amjushanga-Ndjayi gwoSwapo.Oolopota dhimwe otadhi popi ngeyi kutya aakwashigongi mOkongresa oya li ya pewa olista yaantu mboka inaya halika nenge tutye mboka taya fekelelwa okuyambidhidha RDP opo kaayahogololelwe moCentral Committee.Iivula-Ithana okwa popi ngeyi kutya ye ina mona nando olista ndjoka tayi popiwa.”Shoka tu shi osho owala shoka kutya oshitopolwa kehe osha li shi na olista yaantu yane mboka oshitopolwa shoka sha hala ya tulwe moCC, naakwashigongi yokoshitopolwa shoka, oya ningi nee iikonga yokukongela aantu yawo omawi.”Onda limbililwa lela kombinga yolista ndjoka ngele opo ya li,” ta popi ngaaka mOsoondaha.Okwa hokolola kutya “Okongresa oya li mombepo ombwaanawa, yuukumwe, yeuvathano, ombili nosho wo mombepo yuuhailwa”.Pahokololo lye, Swapo okwa li a fa eshina lyokolutenda tali pitile mOsasiona mpoka yamwe taya heluka mo omanga yalwe taya tsikile nondjila.”Yamwe yomaafaalelwa, oye na ondjila ofupi.Eshina lyokolutenda itali vulu okusitopa molwashoka aantu yamwe oya hala okunuka mo omanga ina li thika pOsasiona ya landula ko,” Iivula-Ithana ta popi ngaaka kombinga yiilyo yoSwapo mbyoka ya ndjoina ongundu yoRDP omasiku ga zi ko.”Otatu tsikile nondjila yetu sigo okOsasiona ya hugunina.Otwi ikwatelela mokuwilika muukumwe nosho wo mombepo yUuhailwa.Swapo okwa kala nale momashongo omanene, ashike okwe shi pondola okuza mo,” ta popi ngaaka.Manga aantu yamwe ya zi mo ngaashi OoYa Toivo, iipala iipe oya holoka mOpolitbruro oshikando shotango.Ongundu ndjika oyi liwe komeho kOmundohotola Abraham Iyambo, mwakwatelwa Omundohotola Albert Kawana, Omundohotola Richard Kamwi, Petrus Iilonga na Alpheus !Naruseb.Yalwe mboka ye li mOpolitbruro aakulu ongaashi Immanuel Ngatjizeko, Erkki Nghimtina, na Asser Kapere.Oshinima shika osha ningwa nee konima sho mwa zi aantu ngaashi Ominista yOmauyelele Netumbo Nandi-Ndaitwah, Doreen Sioka, na Hartmut Rupel ngoka ina thikama momahogololo ngaka.Sioka okwa li a tulwa mOpolitburo mu Juni nuumvo opo a pingene po Jesaya Nyamu ngoka a tithwa mo mongundu yoSwapo.Omahogololo goCC oga halutha wo yamwe pethimbo ga ningwa.Mboka ya li pombanda yomusholondondo okuza ku gwotango ongaashi: Ominista yOmavi Jerry Ekandjo, omonamati gwa He yOshigwana Utoni Nujoma, Ominista yEliko Saara Kuugongelwa-Amadhila, Omunashipundi gwOparliamende Theo-Ben Gurirab, ngoka a li nale oshilyo shOparliamende Ben Amadhila nosho wo Omundohotola Abraham Iyambo.Oshilyo oshipe shoka opo sheya mo, oye Usko Nghaamwa ngoka e li ponomola 20, omanga Ominista yIilonga nOmakwatathano Joel Kaapanda e li ponomola 12.MoCentral Committee ya zile ko, Kaapanda okwa li gumwe gwomaantu yahamano mboka ya ulikwa kOmupresidende.Oshilyo shoSwapo mOparliamende Royal /Ui/o/oo nosho wo Omupeviminista mUuministeli wUuthikepamwe Angelika Muharukua, oya li mokati kaantu yahamano mboka ya ulikwa kOmupresidende Pohamba opo ya ninge iilyo yoCC.Mboka oya ndjinwa nee ku Hilka Leevi, Ida Hoffmann nOominista ngaashi Willem Konjore (Ominista yOmidhingoloko) na Charles Namoloh (Ominista yEtanga lyEgameno).