Aakwashigwana yi indilwa ya yande okweenda niilwitho

Nonande opolisi inayi popya omwaalu kondandalunde kutya iilwitho ingapi mbyoka ya kuthwa aakwashigwana muule wiiwike ya piti, oya popi kutya oolwitho mbyoka ya kutha oyendji ongaashi oombele, omakatana, osho wo oondhimbo dhomitse noyindji yomwaambyoka oya adhika naahingi yootaxi.

Komanda gwiipambele yoshigwana moshitopolwa shErongo, Ileni Ipumbu okwa popi kutya nonande kapu na oveta ndjoka yi indika aantu ya humbate oondhimbo dhawo dhomitse, onkene itashi popilwa molwashoka yamwe ohaye dhi landa nelalakano lyoku dhi longitha ongoshilwitho.

Okwa popi kutya otashi vulika oondhimbo ndhoka dhi kale inaadhi talika ko ongiilwitho, ashike odha nika oshiponga ngele odha longitha pambambo.

“Aahingi yootaxi olundji ohaya longitha oondhimbo dhomitse okwiigamena, omanga ookalyamupombo ohaye dhi longitha okuponokela nokudhenga aantu. Iilwitho yoludhi ndoka oye eta omalimbililo, molwashoka oyo ngashingeyi tayi longithwa momagumbo pethimbo lyiiningwanima yomahepeko gomomagumbo.

“Mongashingeyi otwi ipyakidhila nokuli nomakonakono goshiningwanima shomuntu gumwe ngoka a longitha uutaati okuyaha mukwawo, ashike elago enene oondyoka kutya okwe mu palutha. Itatu pitike nande aantu ya monithathane iiponga. Elalakano lyokukutha aakwashigwana iinima mbyoka miihauto yawo okukaleka po egameno,” osho a popi ngaaka.

Shapumba okwa popi kutya iikonga shoka haya ningi shokuthikameka iihauto noku yi hadha otayi tsikile notaye yi dhiginine, unene tuu pethimbo ndika opolisi tayi ilongekidhile ethimbo lyomatango omanene.

Opolisi yoshitopolwa shErongo oya popi kutya oya pyakudhukwa notayi ka longa nondjungu opo yi shilipaleke egameno pefudho lyomatango omanene opo shi endele nawa Aanamibia naatalelipo mboka taye ya moshitopolwa shawo.

Peha lyokuhumbata iilwitho, aahingi yootaxi otaya indilwa ya tote po ongundu yokukondjitha iimbuluma, “ndjoka tatu ka yambidhidha mpoka tatu vulu opo tu kale twe ya gamena,” osho Shapumba a popi ngaaka.

“Aahingi yootaxi otaya indilwa ya yande okufaalela ookalyamupombo,” osho a gwedha po ngaaka.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.