Aakwanepangelo naya kale haya konaakona shoka taya lombwelwa

O MUNASHIPUNDI gwEhangano lyAanangeshefa mOshitopolwa sha Musati tate Kaleb Hamwele okwa gandja ekumagidho kAakwanepangelo kutya naya kale haya tala, taya dhindi nokukonaakona mo nawa omapopyo taga ningilwa aawiliki yalwe yopashigwana koohandimwe nenge kaawiliki wo yalwe yopashigwana.

Shika tate Hamwele okwe shi popile pethimbo ta ta taamba Oministeli yOpevi yIinima yokOongamba meme Theopolina Mushelenga pethimbo lyetalelopo lye kOmweelo gwaKasamane meti 23 Augute 2006, hoka a lombwele Aakalimo yomOkalongo kutya Epangelo nUuministeli we oya uvako keindilo lyAakalongo, unene tuu ndjoka lyaanangeshefa kutya Omweelo gwaKasamane gu ningwe Omweelo gwOpaigwana, na osho tashi ka ningwa uuna pwa monika oshimaliwa. Pethimbo ta pandula Oministeli yOpevi noonakweenda pamwe naye, sho a uva ko eindilo lyAakalongo kutya Omweelo gwa Kasmane gu ningwe omweelo gwopaigwana, tate Hamwele okwa gandja wo okausama kEpangelo nokUuministeli kutya owu na ngaa omaukwatya gamwe kage li nawa, unene okuza kOmalelo gOpevi okuya pombanda.”Aaleli yetu yopombanda ohaya pewa notaya pewa omapopyo/omauyelele kage na uushili mugo nomahokololo giifundja.Aaleli yetu yamwe ya itaala nokutula omapopyo ngoka miilonga omanga inaya ninga omakonaakono, kutya shoka tashi popiwa nenge tashi popilwa omuntu gwontumba nenge aantu yontumba moshitopolwa shoka, ogoshili nenge kaage shi goshili.Hamwele ta ti kutya mIitopolwa omu na aantu yamwe taya popile yakwawo miinima kayi shi yoshili, nOmauministeli noshowo Ooministeli nAanambelewa yamwe ohaya itaalithwa ko iinima mbyoka kayi shi yoshili nokayi na uushili washa muyo.”Omukalo ngoka otagu vundakanitha ombili yoshigwana noyoshilongo ashihe.Opolotika tayi dhanwa ya nika okadhipagitha.Otwa hala notatu indile kaaleli yetu mu tale oshinima shoka nomeho ga patuluka nawa, ano guutalambambi, opo mu kwatele po ombili yoshilongo shetu oshiholike Namibia,” tate Hamwele ta lombwele Oministeli yOpevi Mushelenga nosheendo she ngawo ye ta halele Oministeli yOpevi meme Mushelenga nOsheedndo she kumwe nUuministeli wawo nAanambelewa yawo oonkondo oompe moshinima shika shomweelo gwaKasmane nomiilonga yawo yesiku kehe.Oministeli yOpevi Mushelenga okwa lombwele Oshigongi kutya oshinima shOmweelo gwa kasmane gu ningwe Omweelo gwopaigwana osha taambiwa ko nale kEpangelo notapu kongwa ashike oshimaliwa shoku shi tulitha miilonga nawa.Pethimbo ta pandula Oministeli yOpevi noonakweenda pamwe naye, sho a uva ko eindilo lyAakalongo kutya Omweelo gwa Kasmane gu ningwe omweelo gwopaigwana, tate Hamwele okwa gandja wo okausama kEpangelo nokUuministeli kutya owu na ngaa omaukwatya gamwe kage li nawa, unene okuza kOmalelo gOpevi okuya pombanda.”Aaleli yetu yopombanda ohaya pewa notaya pewa omapopyo/omauyelele kage na uushili mugo nomahokololo giifundja.Aaleli yetu yamwe ya itaala nokutula omapopyo ngoka miilonga omanga inaya ninga omakonaakono, kutya shoka tashi popiwa nenge tashi popilwa omuntu gwontumba nenge aantu yontumba moshitopolwa shoka, ogoshili nenge kaage shi goshili.Hamwele ta ti kutya mIitopolwa omu na aantu yamwe taya popile yakwawo miinima kayi shi yoshili, nOmauministeli noshowo Ooministeli nAanambelewa yamwe ohaya itaalithwa ko iinima mbyoka kayi shi yoshili nokayi na uushili washa muyo. “Omukalo ngoka otagu vundakanitha ombili yoshigwana noyoshilongo ashihe.Opolotika tayi dhanwa ya nika okadhipagitha.Otwa hala notatu indile kaaleli yetu mu tale oshinima shoka nomeho ga patuluka nawa, ano guutalambambi, opo mu kwatele po ombili yoshilongo shetu oshiholike Namibia,” tate Hamwele ta lombwele Oministeli yOpevi Mushelenga nosheendo she ngawo ye ta halele Oministeli yOpevi meme Mushelenga nOsheedndo she kumwe nUuministeli wawo nAanambelewa yawo oonkondo oompe moshinima shika shomweelo gwaKasmane nomiilonga yawo yesiku kehe.Oministeli yOpevi Mushelenga okwa lombwele Oshigongi kutya oshinima shOmweelo gwa kasmane gu ningwe Omweelo gwopaigwana osha taambiwa ko nale kEpangelo notapu kongwa ashike oshimaliwa shoku shi tulitha miilonga nawa.