AakwaDumeni onkee taya pandula

AAKWADUMENI onkee taya pandula ayehe mboka ya li ye ya tondokela nokuya yakula palutu nopambepo pethimbo lyOosa dhOmumati gwawo, omuholike gwawo, tate Matti Dumeni yaDumeni, a tseyika wo nawa nedhina Duma, ngoka a manene oondjenda dhe meti 6 Juni 2009 mOngwediva nokwa fumvikilwe pOngwediva onkulu okuzilila mOngeleka ya ELCIN mpoka meti 13 Juni 2009.

Omushelekadhi gwa nakusa Matti Dumeni, ano meme Albertina Inamuvulwa, pamwe naavali yanakusa Matti, ano Omundohotola Kelopas Dumeni na meme Aino Dumeni, ngashi ya li ya uvaneka esiku lyefumviko, kutya Emanya lyokombila ya nakusa Matti Dumeni otali ka tulwa ko mbala nokusuukululwa wo mbala, otaya ti kutya emanya ye li tula ko nale nokuli nOshituthi shesuukululo lyemanya ndika, oshi li ko ongula yOlyomakaya ngaka twa thinda geti 25 Juli 2009 momawendo tuu ngoka gEgongalo lya ELCIN mOngwediva onkulu, yamwe haya ti, Ongwediva yIigongi, tashi ka tameka potundi ontimulongonayimwe (11H00) yongula.Omushelekadhi meme Albertina noshowo aavali ya nakusa Duma,ano tatekulu Kleopas Dumeni noshowo meekulu Aino Dumeni, taya pandula wo noonkondo ayehe mboka ye shi pondolitha opo emanya ndika li vule okutulwa ko nziya ngeyi, notaya ti nee, aakwanezimo ayehe nookuume ayehe otaya tseyithilwa notaya hiywa koshituthi shesuukululo lyEmanya shika ongula yOlyomakaya Ongwediva onkulu mpoka.