Aakiintu yAanamibia takamitheni aalumentu aakwiilongo

A AKIINTU yAanamibia oya londodhwa kutya naya kale ya tala nawa aalumentu yaakwiilongo uuna ya hala okuya hokana molwashoka, yamwe oya hala ashike okuya hokana opo ya mone uukwashigwana wa Namibia.

Shika osha popiwa ku Meme Rosalia Sibiya (gwoSwapo) mOlaata yOpashigwana oshiwike sha zi ko, pethimbo lyoompata kombinga yoshimaliwa shoka sha pewa Uuministeli wEgameno mEmbo lyomulekeneno gwoshimaliwa shEpangelo shomumvo 2005/2006. Sibiya okwa ti osha fa shi li ngeyi kutya mOveta yi na sha noondjoka ya Namibia oya fa tayi ethele omeya mondunda kashona nakashoka.”Ngele shika osho, Oveta ndjika oyi na okupamekwa,” Sibiya ta popi ngaaka.Okwa ti aakiintu aagundjuka yAanamibia oya pumbwa okweendithwa po kombinga yaalumentu mboka yaakwiilongo.Sibiya okwa li a yambidhidhwa ku Yambwa Milima (gwoSwapo), ngoka a popi kutya aalumentu yaakwiilongo ohaye ya mu Namibia nomalalakano gomonanguwi.Aalumentu mbaka, Mwilima ta popi, ohaya lombwele aakiintu yAanamibia kutya oya hala okuya hokana po, ihe konima yethimbo ohaye ke ya henga e taya shuna kiilongo yawo, kaakulukadhi yawo mboka ya thigi ko.Onkee nee aakiintu yAanamibia otaya gunwa opo ya kale uupathi nokukonakona nawa aalumentu yaakwiilongo mboka una taya popi kutya oya hala okuya hokana.Sibiya okwa ti osha fa shi li ngeyi kutya mOveta yi na sha noondjoka ya Namibia oya fa tayi ethele omeya mondunda kashona nakashoka.”Ngele shika osho, Oveta ndjika oyi na okupamekwa,” Sibiya ta popi ngaaka.Okwa ti aakiintu aagundjuka yAanamibia oya pumbwa okweendithwa po kombinga yaalumentu mboka yaakwiilongo.Sibiya okwa li a yambidhidhwa ku Yambwa Milima (gwoSwapo), ngoka a popi kutya aalumentu yaakwiilongo ohaye ya mu Namibia nomalalakano gomonanguwi.Aalumentu mbaka, Mwilima ta popi, ohaya lombwele aakiintu yAanamibia kutya oya hala okuya hokana po, ihe konima yethimbo ohaye ke ya henga e taya shuna kiilongo yawo, kaakulukadhi yawo mboka ya thigi ko.Onkee nee aakiintu yAanamibia otaya gunwa opo ya kale uupathi nokukonakona nawa aalumentu yaakwiilongo mboka una taya popi kutya oya hala okuya hokana.