A pewa 15 sho a yaka oshikombo

O MUKALIMO gwomomukunda Onainganga mOshitopolwa sha Shana Paulus Leonard (39) okwa monika ondjo mOmpangu ya Mengestrata mOshakati kombinga yeyako lyOshikombo shomukulupe meekulu Justina Gabriel nokupewa egeelo lyoomvula omulongo nantano (15) mondholongo.

Otaku tiwa kutya meti 14 Januali 2007, Paulus okwa yaka po oshikombo sha meekulu Justina Gabriel momukunda gwawo Onainganga moshitopolwa shOpolisi sha Shakati noku shi lya po. Ta kwatwa kOpolisi meti 15 Januali 2007 nokupatululilwa oshipotha sheyako lyoshikombo, nokwa kala nee ta holoka mOmpangu mOshakati.Oshikombo shoka a yaka po otaku tiwa kutya oshongushu yoN$600 (Oodola dha Namibia omathele gahamano).Sho a holoka ishewe komeho gOmupanguli Thomas Kanime petameko lyoshiwike shika, Paulus okwa ti kutya oku na ondjo meyakopo lyoshikombo shoka sha meekulu Justina.Mengestrata Kanime okwe mu lombwele mOmpangu moka kutya Oveta yi na sha neyako lyiimuna yomomumvo 2004, otayi ti kutya omuntu ngoka te kiimonekitha ondjo meyako lyoshimuna shongushu yOodola dha Namibia omathele gatano (N$500.00) ota vulu okupewa egeelo lyoomvula omilongombali (20) mondholongo.Ta lombwele nee Paulus kutya oshikombo shoka a yaka nokwa itaala kutya oye e shi yaka shili oshongushu yOoN$600,00, ano shi vulithe poN$500, ndhoka hadhi vulu okupetha omuntu oomvula 20 mondholongo.Ta ti kutya nonando ongawo, ite mu pe egeelo lyoomvula 20 mondholongo, ote mu pe oomvula 15 mondholongo.”Oshinima shoka wa ninga oshiwinayi.Owa yaka po oshikombo shomukulupe, shoka sha li shi na oku mu hupitha moompumbwe dhe nodhaanegumbo lye.Ngaye mwene ondi tonde eyako.Unene shi tala ko kutya oopelesenda 95 dhAanamibia otadhi hupu miimuna yawo, na kashi li nawa nande okuyaka po iimuna ya yamukweni moka omo ha hupu,” Mengestrata Kanime ta lombwele Paulus ngawo noku mu tuma kOndholongo yoomvula 15.Mengestrata Kanime, okwa li ta lopotelwa ku Prosecutor O.Simvula.Ta kwatwa kOpolisi meti 15 Januali 2007 nokupatululilwa oshipotha sheyako lyoshikombo, nokwa kala nee ta holoka mOmpangu mOshakati.Oshikombo shoka a yaka po otaku tiwa kutya oshongushu yoN$600 (Oodola dha Namibia omathele gahamano).Sho a holoka ishewe komeho gOmupanguli Thomas Kanime petameko lyoshiwike shika, Paulus okwa ti kutya oku na ondjo meyakopo lyoshikombo shoka sha meekulu Justina.Mengestrata Kanime okwe mu lombwele mOmpangu moka kutya Oveta yi na sha neyako lyiimuna yomomumvo 2004, otayi ti kutya omuntu ngoka te kiimonekitha ondjo meyako lyoshimuna shongushu yOodola dha Namibia omathele gatano (N$500.00) ota vulu okupewa egeelo lyoomvula omilongombali (20) mondholongo.Ta lombwele nee Paulus kutya oshikombo shoka a yaka nokwa itaala kutya oye e shi yaka shili oshongushu yOoN$600,00, ano shi vulithe poN$500, ndhoka hadhi vulu okupetha omuntu oomvula 20 mondholongo.Ta ti kutya nonando ongawo, ite mu pe egeelo lyoomvula 20 mondholongo, ote mu pe oomvula 15 mondholongo.”Oshinima shoka wa ninga oshiwinayi.Owa yaka po oshikombo shomukulupe, shoka sha li shi na oku mu hupitha moompumbwe dhe nodhaanegumbo lye.Ngaye mwene ondi tonde eyako.Unene shi tala ko kutya oopelesenda 95 dhAanamibia otadhi hupu miimuna yawo, na kashi li nawa nande okuyaka po iimuna ya yamukweni moka omo ha hupu,” Mengestrata Kanime ta lombwele Paulus ngawo noku mu tuma kOndholongo yoomvula 15.Mengestrata Kanime, okwa li ta lopotelwa ku Prosecutor O.Simvula.