15 ya kwatwa po sho ya fulu mo omudhimba

AANTU ye li momulongo nayatano oya kwatwa po pOpuwo sho aniwa ya fulu mo omudhimba gwomuntu a fumvikwa oshiwike sha zi ko, e taya lombwele elenga lya nakusa li mu fumvike palwe.

Opolisi pOpuwo oye shi koleke kutya omudhimba gwa Uezepaisa Ngombe ogwa li gwa fulwa mo pomukunda OtutatI mEtine, ihe ngashiingeyi ogwa shunwa mo. Aantu mbaka oya li aniwa ya fala omudhimba gwa Ngombe kegumbo lyofamili ye. Ofamili ya Ngombe yAakuvari oya li nee aniwa ya lopota oshinima shika kOpilisi meendelelo.Aantu ayehe mbaka 15 oya li katwa po omutenya gwEtine na oya li ya holoka mOmpangu ya Mengestrata pOpuwo mOmaandaha. Kehe gumwe okwa li a pewa ombooloha yOondola/N$500.Ngombe okwa li nee a shunwa mpoka a li a fumvikwa tango.