JACOB Zuma oye natango okandidate gwo African National Congress (ANC), nonande Ompangu yOpombanda oye mu shunithile iipotha mbyoka a li a lopotelwa, Ngoloneya yoshitopolwa sha Gautenge, Paul Mashatile, osho a popi ngaaka.
Mashatile, ngoka e li wo Omunuashipundi gwa ANC moshitopolwa shika, okwa ti opaati yawo itayi ka piyaganekwa ketokolo ndika lyOmpangu na otayi tsikile nokuyambidhidha Zuma.
Shika okwe shi popi poshigongi shopaati yawo shi na sha nokuhohogololo, sha li sha ningilwa pu Braamfontein Recreation Centre mu Johannesburg.
Okwa ti aawiliki ayehe ya ANC mboka ya hogololwa oye na oku ka longela oshigwana nokutula miilonga ooprograma nomilandu dhopaati, pwaa na okwiikongele uuwanawa wopaumwene.
Omasiku ngaka, Omuwiliki gwEwawa lyAagundjuka mo ANC Julis Malema, okwa ti kutya ANC ita ka lundulula nande ekotampango opo Zuma a gamenwa kombinga yiipotha yuulunga mbyoka a ningilwa.
Zuma oye okandindate ko ANC momahogololo gOpaupresidende nogopashigwana, ngoka taga ka ningwa moshilongo shika nuumvo, ihe iipotha yuulunga mbyoka a ningilwa oyi li ya nyateka edhina lye.
‘Tse ita tu ka zimina nande ekotampango li lunduluwe, opo li opalele omuntu gumwe,’ Malema osho a lombwele aanankundana mu Johannesburg ngaaka.
Malema okwa ti ina shi puka Omupresidende tayi mOmpangu.
Ihe Malema okwa ti yo oye na einekelo ndika kutya oyindji yomiinima mbyoka ta popilwa, otayai ka kala ya pwa, pethimbo ta ka ya koshipundi shUupresidende.- Nampa-Sapa
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
