Zuma a kuthwa oshipundi she mu ANC pakathimbo

JOHANNESBURG – Ongundu tayi pangele mu South Afrika yo African National Congress (ANC) oya kutha miilonga pakathimbo Omupevipresidende gwayo, Jacob Zuma, manga taku ninga omakonakono moshipotha shekwatonkonga shoka a lopotelwa.

Zuma okwa li a kuthwa miilonga yUupevipresidende wa South Afrika kOmupresidende Thabo Mbeki, konima sho sha monika mo kutya oku na ekwatathano lyiilonga yuulingilingi nomugandjimayele gwe miikwaimaliwa. Zuma, ngoka a talika ko kutya oku li gumwe gwomiilyo yo ANC iinene noya simana nokwa li wo kwa talika kutya oye ta ka landula Mbeki koshipundi shUupresidende momumvo 2009, mEtiyali lyoshiwike sha zi ko okwa li a ningilwa oshipotha shekwatonkonga, e shi ningilwa komukiintu e li ofelelende yofalimili gwoomvula 31.Zuma okwa ti ye ke na ondjo.Pamushangwa, Okakomitiye kOpashigwana ko ANC, oka popi kutya Zuma okwa kuthwa manga oshipundi shUupevipresidende wo ANC pethimbo ndika lyepangulo lye.Omasiku ga zi ko, Zuma okwa li a popi kutya iipundi iishona mbyoka e na mo ANC, ihe shoka shUupevipresidende wongundu ite shi etha.Iikundaneki ya South Afrika noongundu dhompilameno oya kala ya hala Zuma a kuthwe opoosa ndjika mu ANC omolu ekwatonkonga ndyoka a lopotelwa, ndyoka e li lopotelwa kombanda yiilonga yuulingilingi mbyoka taku popiwa a longo palongelokumwe nomugandjimayele gwe miikwaimaliwa, shoka she mu tidhitha ku Mbeki mu Juni nuumvo.Lwopokati mpoka, iikundaneki oya kondema eholoko lya Zuma mOmpangu ndyoka lya ningwa monanguwi moshipotha shekwatonkonga, tayi ti kutya shika otashi ulike eyonagulo lyuundemokoli.Aanankundana naathanekimathano oyi indikwa okukala pepangulo lya Zuma moshipotha shika.”Zuma oku li pombanda yoveta?” oshifokundaneki sha The Star, tashi pula ngaaka.Ehangano lyaakuluntudhindi yiikundaneki mu South Afrika lyedhina South African Editors Forum (SANEF) nalyo olye shi kondema wo, ta li ti kutya shika oshi li epiyaganeko lyemanguluko lyiikundaneki.”Aatoolinkundana oyo omeho nomakutsi goshigwana.Iikundaneki oyo oonkondo dhoshigwana noya simana noonkondo mokukalekapo uundemokoli na oyi na okupitikwa yi longe iilonga yawo pwaa na epiyaganeko,” ehangano lya SANEF tali popi ngaaka.Omugandjimulombo gwOpolisi gwopashigwana mu South Afrika, Sally de Beer, okwa tindi okugandja okomenda mu shika.Sho a holoka mOmpangu ya Mengestrata moshiptha shekwatonkonga mEtiyali, Zuma okwa pewa obooloha yOondola/N$20 000 na oshipotha she oshuundulilwa komasiku 13 ga Febuluali 2005.- Nampa-AFP-ReutersZuma, ngoka a talika ko kutya oku li gumwe gwomiilyo yo ANC iinene noya simana nokwa li wo kwa talika kutya oye ta ka landula Mbeki koshipundi shUupresidende momumvo 2009, mEtiyali lyoshiwike sha zi ko okwa li a ningilwa oshipotha shekwatonkonga, e shi ningilwa komukiintu e li ofelelende yofalimili gwoomvula 31.Zuma okwa ti ye ke na ondjo.Pamushangwa, Okakomitiye kOpashigwana ko ANC, oka popi kutya Zuma okwa kuthwa manga oshipundi shUupevipresidende wo ANC pethimbo ndika lyepangulo lye.Omasiku ga zi ko, Zuma okwa li a popi kutya iipundi iishona mbyoka e na mo ANC, ihe shoka shUupevipresidende wongundu ite shi etha.Iikundaneki ya South Afrika noongundu dhompilameno oya kala ya hala Zuma a kuthwe opoosa ndjika mu ANC omolu ekwatonkonga ndyoka a lopotelwa, ndyoka e li lopotelwa kombanda yiilonga yuulingilingi mbyoka taku popiwa a longo palongelokumwe nomugandjimayele gwe miikwaimaliwa, shoka she mu tidhitha ku Mbeki mu Juni nuumvo.Lwopokati mpoka, iikundaneki oya kondema eholoko lya Zuma mOmpangu ndyoka lya ningwa monanguwi moshipotha shekwatonkonga, tayi ti kutya shika otashi ulike eyonagulo lyuundemokoli.Aanankundana naathanekimathano oyi indikwa okukala pepangulo lya Zuma moshipotha shika.”Zuma oku li pombanda yoveta?” oshifokundaneki sha The Star, tashi pula ngaaka. Ehangano lyaakuluntudhindi yiikundaneki mu South Afrika lyedhina South African Editors Forum (SANEF) nalyo olye shi kondema wo, ta li ti kutya shika oshi li epiyaganeko lyemanguluko lyiikundaneki.”Aatoolinkundana oyo omeho nomakutsi goshigwana.Iikundaneki oyo oonkondo dhoshigwana noya simana noonkondo mokukalekapo uundemokoli na oyi na okupitikwa yi longe iilonga yawo pwaa na epiyaganeko,” ehangano lya SANEF tali popi ngaaka.Omugandjimulombo gwOpolisi gwopashigwana mu South Afrika, Sally de Beer, okwa tindi okugandja okomenda mu shika.Sho a holoka mOmpangu ya Mengestrata moshiptha shekwatonkonga mEtiyali, Zuma okwa pewa obooloha yOondola/N$20 000 na oshipotha she oshuundulilwa komasiku 13 ga Febuluali 2005.- Nampa-AFP-Reuters