Zanu-PF na MDC ya zimina okuya moonkundathana

H ARARE – Onkundana tayi nyanyudha oyendji mu Afrika lyomutenya nosho wo pondje ya Afrika unene tuu omapangelo giilongo yokuuninginino, otayi kutya Omupresidende gwa Zimbabwe Robert Mugabe nomukondjithi gwe omunene gwopapolitika Morgan Tsvangirai oya li ya yi pamwe mOmaandaha, okushaina etsokumweuvathano lyokuya moonkundathana.

Oonkundathana dhi na sha nokweeta po ombili nonkalonawa tayi kalelele moshilongo shoka Zimbabwe, odhi tameke nena mu Pretoria sha South Afrika, omunambelewa gwongundu yompilameno (ina hala edhina lye li tumbulwe molwashoka ina uthwa okupopya niikundaneki) osho a popi ngaaka. Eshainotsukumweuvathano ndika, lya ningwa konima yoomwedhi ndatu lwaampoka okuza pomahogololo gOpaupresidende ngoka ga ningilwe mu Maalitsa ngoka iizemo yagokaya li pauyuuki, otali popi kutya naku hulithwepo omakuyunguto, moshilongo namu etwe ekotampango epe na eliko lyoshilongo nali shunwe kuuwanawa.Nande ongaaka, ina mu popiwa sha kombinga yosheetwapo kutya mu Zimbabwe namu etwe embwinda lyEpangelo mu na wo oongundu dhompilameno.Otaku popiwa ngeyi kutya aaantu ya konda pethele nomilongo mbali (120) oya si mu Zimbabe omanga ye li omayuvi ya thigi po omagumbo gawo molwomakuyunguto ngoka taga inyenge moshilongo shika, omahangano omagameni guuthemba womuntu osho ga popi ngaaka.Aantu mboka ya mona iihuna unene mu Zimbabwe oyo unene mboka yongundu yompilameno moshilongo, yamwe oha dhipagwa omanga yamwe omaliko gawo ga hanagulwa po.Nampa-AFPEshainotsukumweuvathano ndika, lya ningwa konima yoomwedhi ndatu lwaampoka okuza pomahogololo gOpaupresidende ngoka ga ningilwe mu Maalitsa ngoka iizemo yagokaya li pauyuuki, otali popi kutya naku hulithwepo omakuyunguto, moshilongo namu etwe ekotampango epe na eliko lyoshilongo nali shunwe kuuwanawa.Nande ongaaka, ina mu popiwa sha kombinga yosheetwapo kutya mu Zimbabwe namu etwe embwinda lyEpangelo mu na wo oongundu dhompilameno.Otaku popiwa ngeyi kutya aaantu ya konda pethele nomilongo mbali (120) oya si mu Zimbabe omanga ye li omayuvi ya thigi po omagumbo gawo molwomakuyunguto ngoka taga inyenge moshilongo shika, omahangano omagameni guuthemba womuntu osho ga popi ngaaka.Aantu mboka ya mona iihuna unene mu Zimbabwe oyo unene mboka yongundu yompilameno moshilongo, yamwe oha dhipagwa omanga yamwe omaliko gawo ga hanagulwa po.Nampa-AFP