Zanu-PF ina hala oonkundana na MDC

HARARE – Oonkambadhala ndhoka tadhi ningwa kOmupresidende gwa South Afrika nEpangelo lya Zimbabwe nelalakano okukutha oshilongo shika (Zimbabwe) muupyakadhi moka shi li, otashi vulika itadhi ka eta po sha molwashoka ongundu ya Zanu-PF inayi hala okuya poshitaafula nongundu yompilameno ya Movement for Democratic Change (MDC) opo ngeno ya kundathane kombinga yekotampango epe.

Mu Maalitsa nuumvo, ehangano lyiilongo yaAfrika lyUumbugantu nenge tutye Soluthern African Development Community (SADC) olya li lya pe Thabo Mbeki oshinakugwanithwa shokweeta pamwe Zanu-PF na MDC, opo ku hulithwe po omakondjithanano nomaupyakadhi gopapolitika nogopaliko ngoka ge li moshilongo shika. Mbeki oku na nee oku ka gandja oshizemo kombinga yaashoka a ninga po moshinima shika kehangano lya SADC mu Aguste nuumvo.Omathimbo ga zi ko, Mbeki okwa li a popi kutya opwa ningwa sha shomupondo, omanga oolopota okuzilila ku Zimbabwe tadhi ti kutya Zanu-PF na MDC oya uvathana ya ye moonkundathana, moka Ekotampango epe olyo tali ka kala oshikundathanwa oshinene.Nande ongaaka, oonzo dhomauyelele odha yakele ko oshitumikundaneki sha ZimOnline mEtiyali lya zi ko kutya aakalelipo ya Zanu-PF, Patrick Chinamsa na Nicholas Goche, oshiwike sha zi ko oya li ya kuutumba nokangundu kaakundathani yalwe ya South Afrika – ka kwatelwa komeho kOminista yEgameno Sydney Mufamadi, mboka aniwa ye ya lombwele kutya ongundu yawo oye ya lombwela kaa ya kundathana kombinga yEkotampango epe.Omukuluntuwiliki mOmbelewa ya Mbeki, Frank Chikane, ngoka naye opo a li poshigongi shika, okwa popi kutya Okangundu okaningimatokolo omanene ko Zanu-PF oka tokola aniwa kutya ongundu tayi pangelo otayi yi komeho nopulanda yokulundulula ekotampango okupitila mOparliamende.Nande ongaaka, ongundu ya MDC oya hala oonkundathana dha Mbeki odho dhi kwatele komeho oshinima shekotampango epe lyopaundemokoli, ndyoka tali ka eta po omahogololo ga mangulula noge li pauyuuki moshilongo ngoka kwa tegelelwa taga ka kala ko momumvo 2008.Amushanga gwIikwambelewa gwa Zanu-PF, Didymus Mutsa okwe shi koleke kutya Chinamsa na Goche oya yile ko South Afrika, ihe okwa tindi okupopya kutya oya li ya ka ninga shike.”Kandi wete shi li uudhigu woye (ngele Zanu-PF ina hala okukundathana ekotampango epe) molwashoka kandi wete ngoye u li oshilyo shOpaati yetu, Mutasa ta popi ngaaka.ZimOnlineMbeki oku na nee oku ka gandja oshizemo kombinga yaashoka a ninga po moshinima shika kehangano lya SADC mu Aguste nuumvo.Omathimbo ga zi ko, Mbeki okwa li a popi kutya opwa ningwa sha shomupondo, omanga oolopota okuzilila ku Zimbabwe tadhi ti kutya Zanu-PF na MDC oya uvathana ya ye moonkundathana, moka Ekotampango epe olyo tali ka kala oshikundathanwa oshinene.Nande ongaaka, oonzo dhomauyelele odha yakele ko oshitumikundaneki sha ZimOnline mEtiyali lya zi ko kutya aakalelipo ya Zanu-PF, Patrick Chinamsa na Nicholas Goche, oshiwike sha zi ko oya li ya kuutumba nokangundu kaakundathani yalwe ya South Afrika – ka kwatelwa komeho kOminista yEgameno Sydney Mufamadi, mboka aniwa ye ya lombwele kutya ongundu yawo oye ya lombwela kaa ya kundathana kombinga yEkotampango epe.Omukuluntuwiliki mOmbelewa ya Mbeki, Frank Chikane, ngoka naye opo a li poshigongi shika, okwa popi kutya Okangundu okaningimatokolo omanene ko Zanu-PF oka tokola aniwa kutya ongundu tayi pangelo otayi yi komeho nopulanda yokulundulula ekotampango okupitila mOparliamende.Nande ongaaka, ongundu ya MDC oya hala oonkundathana dha Mbeki odho dhi kwatele komeho oshinima shekotampango epe lyopaundemokoli, ndyoka tali ka eta po omahogololo ga mangulula noge li pauyuuki moshilongo ngoka kwa tegelelwa taga ka kala ko momumvo 2008.Amushanga gwIikwambelewa gwa Zanu-PF, Didymus Mutsa okwe shi koleke kutya Chinamsa na Goche oya yile ko South Afrika, ihe okwa tindi okupopya kutya oya li ya ka ninga shike.”Kandi wete shi li uudhigu woye (ngele Zanu-PF ina hala okukundathana ekotampango epe) molwashoka kandi wete ngoye u li oshilyo shOpaati yetu, Mutasa ta popi ngaaka.ZimOnline