YomOmusati ya ninga ehololomadhiladhilo, taya kondema nonyanya NSHR

POUTAPI A AKALIMO yomOshitopolwa sha Musati, ye li mengathithi enenenene, mEtiyali oya li ya gongala pOutapi mOmbalantu nokumaashinga, ye li ompinge netokolo lyEhangano lyUuthemba wOmuntu lyOpashigwana okufala Omupresidende Omukulu, Sam Nujoma, na yakwawo yatatu, kOmpangu yUukiliminola wOpaigwana ya ka pangulilwe omakano gaantu mboka ya kanena momake goSwapo pethimbo lyekondjelomanguluko.

Aakalimo yomOmusati otaya ti kutya oshinima shoka shokufala He yOshigwana naaleli yalwe yatatu kOmpangu, etukano enene, nUuthemba wOmuntu nawu shi thele okalambo moompadhi oontalala. Oonakuholola omadhiladhilo gawo mbaka pambili, mewiliko lya Kansela gwOshikandjohogololo sha Anamulenge, Josef Kanyenye Aluvilu, ta yambidhidhwa kOokansela dhomOshitopolwa sha Musati, oya kala ya yedha omaplakata taga lombwele Phil Ya Nangolo nAanehangano lye, kutya okwa ninga epuko sho a tokola okufala Omupresidende omukulu, naaleli yakwawo kOmpangu.Omadhina gaawiliki yalwe yatatu mboka wo ya tumbulwa mondokumende ndjoka ya falwa kOmpangu ndjoka pamwe na Nujoma oyo nee; Ngoka a li nale Oministeli yEtanga lyEgameno, Erkki Nghimtina, Kakukutu kEtanga lyEgameno mu Namibia kwali Leitenanda-Ndjayi Salomon “Jesus” Hawala na Komanda gwOmbataliona yOtango moNDF Kolonela Thomas Shuuya Okuza lwOpositola ya tate Johannes Andjamba pOnakaangala, ya thinda kOombelewa dha Gavena yOshitopolwa sha Musati, ano kOombelewa Oonene dhOshitopolwa sha Musati moutapi moka, oonakuholola omadhilladhilo mbaka taya kwatelwa komeho kOpolisi yAutapi, oya kala taya imbi taya ti kutya “Phil ya Nangolo owa ninga nayi”, Nujoma omuleli omukulu gwoSwapo, wa lya sha kakondhi tala pombanda, na tse otwa tegelela ashike tu ye komeho.Taya ti wo kutya kutya yo oya lala inaya kotha komuleli gwawo ta falwa aniwa kOmpangu, noya hala okuuva kutya omolwashike.Taya ti wo kutya “Ondjembo nayi tope, Mbazuka mu Phil ya Nangolo”.Aakalimo nee mbaka pa mbapila yawo yomanyenyeto, ndjoka ya leshwa ku Kansela Kanyenye Aluvilu noku byi pa Gavena Kayone, otaya ti kutya omusamane Phil ya Nangolo, okuza mpaka ta kale a talika ko Omutondi gwEmanguluko, gwombili, gwonkalonawa ya kola nogwombepo yedhiminathanepo.Taya indile kEpangelo lyoSwapo li tule po omautho gokukondolola Omahangano ngoka taga longo moNamibia, unene tuu ngashi ndjoka lyUuthemba wOmuntu, opo kukelelwe omapiyaganeko nomavundakaneko gaantu, ano gaakalimo moshilongo, unene tuu okulongitha nayi emanguluko lyokupopya nokweeta po ngeyi omashongo omawinayi mokati koshigwana.”Otatu indile Phil ya Nangolo a galule nziya nomeendelelo enene eindilo lye lyokufala he yoshigwana naaleli yalwe yoSwapo kOmpangu yUuyuni, ngele ine shi ninga na ningilwe oshipotha shekendelelo lyoshilongo lya shiga ko,” taya ti ngaaka.Taya indile wo kiilongo mbyoka hayi ya mbidhidha noshimaliwa Ehangano ndika lyUuthemba wOmuntu lya Namibia, yi hulithe po eyambidhihdo lyayo ndika kEhangano ndika, noyi pule ko iimaliwa yayo mbyoka ya pele Ehangano ndika monakuziwa.Taya indile wo kutya Epangelo lya Namibia li lombwele Iigwanahangana kutya yi kuthe Ehangano ndika lya Namibia lyUuthemba wOmuntu, uuthemba wokukala ongontali mIigongi yIigwanahangana meendelelo ngashi tashi vulika.Taya ti wo kutya otaya indile kEpangelo li gandje elombwelo kOmahangano agehe taga longo moNamibia, ga holole mboka haye ya pe iimaliwa.Taya ti wo kutya okuza mpaka yo itaye ke shi pitika we tuu nande Phil ya Nangolo a kale ta tuku nokupopya nayi ependafule (ohilo) ya Namibia, Sam Nujoma, ngoka a mangulula meme Namibia, noya indile koshigwana shi kale sha ngungumana moshinima shika, nokutsikila neinekelo lyasho mEpangelo lya Namibia tali wilikwa kOmusimanekwa Hailwa Hifikepunye Pohamba.Oonakuholola omadhilaadhilo mbaka taya ti kutya ngeno Ehangano lyUuthemba wOmuntu ndika olya li li na oshili, ngeno lya fala Aakolonyeki ya Namibia, mboka oyo ya hepeka oshigwana sha Namibia noku shi dhipaga, kOmpangu ndjoka yUuyuni.Taya ti oshishiwike nawa nkene Omukolonyeki omunene Dr Basson,a tseyika nawa ‘Dr Death’, kutya iilyo yOplana yomathele oya wendelwe omauzigo nokuka ekelwa mefuta lya Atilanta.”Mboka ye shi ninga oya falelwe tuu kOmpangu yuuyuni nenge ahawe? Taya pula.Taya ti kutya Sam Nujoma, okwa kondjela emangulukom lyoshilongo shika, ndjoka lya li ele, edhigu nelulu.A landula Omapendafule gootatekulu yonale, ngashi OoHendrick Witbooi, Iipumbu ya Shilongo, Samwel Maharero, Nicodemus Kahimwemwa, Mandume ya Ndemufayo, Jacob marenga, Nehale lyaMpingana nooyakwawo oyendji.Mokuyamukula mo sho tav taamba ko Ombapila yawo yomanyenyeto, Ngoloneya kayone okwa ti kutya Namibia oshilongo shOmapendafule oshi na okugamenena po emanguluko lyasho ndjoka lya monika nuudhigu nonetiko lyombinzi.”Ngame ongOmuleli gwOshitopolwa sha Musati, ondi wete kutya omwa ninga nawa, omwa enda naanaa pamulandu notandi ka fala omadhiladhilo geni ngaka kEpangelo,” Ngoloneya Kayone ta ti.Oonakuholola omadhiladhilo gawo mbaka pambili, mewiliko lya Kansela gwOshikandjohogololo sha Anamulenge, Josef Kanyenye Aluvilu, ta yambidhidhwa kOokansela dhomOshitopolwa sha Musati, oya kala ya yedha omaplakata taga lombwele Phil Ya Nangolo nAanehangano lye, kutya okwa ninga epuko sho a tokola okufala Omupresidende omukulu, naaleli yakwawo kOmpangu.Omadhina gaawiliki yalwe yatatu mboka wo ya tumbulwa mondokumende ndjoka ya falwa kOmpangu ndjoka pamwe na Nujoma oyo nee; Ngoka a li nale Oministeli yEtanga lyEgameno, Erkki Nghimtina, Kakukutu kEtanga lyEgameno mu Namibia kwali Leitenanda-Ndjayi Salomon “Jesus” Hawala na Komanda gwOmbataliona yOtango moNDF Kolonela Thomas Shuuya Okuza lwOpositola ya tate Johannes Andjamba pOnakaangala, ya thinda kOombelewa dha Gavena yOshitopolwa sha Musati, ano kOombelewa Oonene dhOshitopolwa sha Musati moutapi moka, oonakuholola omadhilladhilo mbaka taya kwatelwa komeho kOpolisi yAutapi, oya kala taya imbi taya ti kutya “Phil ya Nangolo owa ninga nayi”, Nujoma omuleli omukulu gwoSwapo, wa lya sha kakondhi tala pombanda, na tse otwa tegelela ashike tu ye komeho.Taya ti wo kutya kutya yo oya lala inaya kotha komuleli gwawo ta falwa aniwa kOmpangu, noya hala okuuva kutya omolwashike.Taya ti wo kutya “Ondjembo nayi tope, Mbazuka mu Phil ya Nangolo”.Aakalimo nee mbaka pa mbapila yawo yomanyenyeto, ndjoka ya leshwa ku Kansela Kanyenye Aluvilu noku byi pa Gavena Kayone, otaya ti kutya omusamane Phil ya Nangolo, okuza mpaka ta kale a talika ko Omutondi gwEmanguluko, gwombili, gwonkalonawa ya kola nogwombepo yedhiminathanepo.Taya indile kEpangelo lyoSwapo li tule po omautho gokukondolola Omahangano ngoka taga longo moNamibia, unene tuu ngashi ndjoka lyUuthemba wOmuntu, opo kukelelwe omapiyaganeko nomavundakaneko gaantu, ano gaakalimo moshilongo, unene tuu okulongitha nayi emanguluko lyokupopya nokweeta po ngeyi omashongo omawinayi mokati koshigwana.”Otatu indile Phil ya Nangolo a galule nziya nomeendelelo enene eindilo lye lyokufala he yoshigwana naaleli yalwe yoSwapo kOmpangu yUuyuni, ngele ine shi ninga na ningilwe oshipotha shekendelelo lyoshilongo lya shiga ko,” taya ti ngaaka.Taya indile wo kiilongo mbyoka hayi ya mbidhidha noshimaliwa Ehangano ndika lyUuthemba wOmuntu lya Namibia, yi hulithe po eyambidhihdo lyayo ndika kEhangano ndika, noyi pule ko iimaliwa yayo mbyoka ya pele Ehangano ndika monakuziwa.Taya indile wo kutya Epangelo lya Namibia li lombwele Iigwanahangana kutya yi kuthe Ehangano ndika lya Namibia lyUuthemba wOmuntu, uuthemba wokukala ongontali mIigongi yIigwanahangana meendelelo ngashi tashi vulika.Taya ti wo kutya otaya indile kEpangelo li gandje elombwelo kOmahangano agehe taga longo moNamibia, ga holole mboka haye ya pe iimaliwa.Taya ti wo kutya okuza mpaka yo itaye ke shi pitika we tuu nande Phil ya Nangolo a kale ta tuku nokupopya nayi ependafule (ohilo) ya Namibia, Sam Nujoma, ngoka a mangulula meme Namibia, noya indile koshigwana shi kale sha ngungumana moshinima shika, nokutsikila neinekelo lyasho mEpangelo lya Namibia tali wilikwa kOmusimanekwa Hailwa Hifikepunye Pohamba.Oonakuholola omadhilaadhilo mbaka taya ti kutya ngeno Ehangano lyUuthemba wOmuntu ndika olya li li na oshili, ngeno lya fala Aakolonyeki ya Namibia, mboka oyo ya hepeka oshigwana sha Namibia noku shi dhipaga, kOmpangu ndjoka yUuyuni.Taya ti oshishiwike nawa nkene Omukolonyeki omunene Dr Basson,a tseyika nawa ‘Dr Death’, kutya iilyo yOplana yomathele oya wendelwe omauzigo nokuka ekelwa mefuta lya Atilanta.”Mboka ye shi ninga oya falelwe tuu kOmpangu yuuyuni nenge ahawe? Taya pula.Taya ti kutya Sam Nujoma, okwa kondjela emangulukom lyoshilongo shika, ndjoka lya li ele, edhigu nelulu.A landula Omapendafule gootatekulu yonale, ngashi OoHendrick Witbooi, Iipumbu ya Shilongo, Samwel Maharero, Nicodemus Kahimwemwa, Mandume ya Ndemufayo, Jacob marenga, Nehale lyaMpingana nooyakwawo oyendji.Mokuyamukula mo sho tav taamba ko Ombapila yawo yomanyenyeto, Ngoloneya kayone okwa ti kutya Namibia oshilongo shOmapendafule oshi na okugamenena po emanguluko lyasho ndjoka lya monika nuudhigu nonetiko lyombinzi.”Ngame ongOmuleli gwOshitopolwa sha Musati, ondi wete kutya omwa ninga nawa, omwa enda naanaa pamulandu notandi ka fala omadhiladhilo geni ngaka kEpangelo,” Ngoloneya Kayone ta ti.