Yoga iikaha 10 mesiku opo u kaleke ekunku kokule

OKULONGITHA omiti, uuyogoki wokolutu, okuzala uumaska, noku kalekwa mokwarantine ayihe oha yi kwatha oku keelela etaandelo lyomikithi dhoovirusa, ngaashi ekunku, naapekapeki ota ya ti omikalo ndatu dha hugunina odha pumbwa oku tulwa omuthindo momathaneko goku keelela omavu ngoka haga endelele noge na omukwayu.

Momushangwa gwe omupe omundohotola, Tom Jefferson gwehangano lyo Cochrane Acute Respiratory Infections Group mo Rome, sha Italy pamwe nooyakwawo oya konakonununa iizemo yekonakono lyiiningwanima 59 ndyoka, lya talele nkene omikalo ndhika dhi na ongushu okukeelela omavu unene tuu ngoka gekunku, nangoka goSARS.Eendululo ndika epe olya holoka nale moshifo shuunamiti sho 22 Septemba hashi fupipikwa BMJ.Aapekapeki oya tala kiileshwa mbyoka ya yelekanitha omikalo ngaaashi( okukwarantina, okwiikalela, okukaleka kokule aavu naamboka ye na uundjolowele pakulongitha omikalo dhilwe.Ekonakonuno olya mono kutya okuzala omanyala, omandjatha, noshowo uumaska omukalo ta gu longo,noshowo okuyoga iikaha lwiikando omulongo mesiku nako otaku longo.Omikalo ndhika ota dhi longo unene ngele odha longithwa pamwe.Ongundu ya Jefferson oya mono woo kutya etaandelo lyuuvu ota li vulu okungambekwa ngele uuyogoki ota u kalekwapo megumbo unene tuu mokati kaanona.Omapekapeko oga ti oga mono ashike uuyelele wa ngambekwa kutya omamaska ngoka haga ithanwa N95 ngoka omadhigu okulongitha go oge na ondilo oge li hwepo okuyeleka naangoka ga nathangwa galongwa muulapi uupu.Oya ti woo ina shi yela nawa ngele aantu oya pumbwa okutulamo iikondjithi yoombakiteli kothewa nomomeya ngele ta ya iyogo.Aapekapeki oya indile opo pu tulwe opolorgama dhopashigwana moosikola oku kumika aanona yi iyoge komake na oya tsu omuthindo kutya okulongitha omanyala, oondjatha, uumaska nokwikalekela omuvu adhihe omikalo dhi li nawa uuna pu wetike kutya opu na ompito yi li pombanda opo uuvu womukwayu wu taandele pehala lyontumbaIimaliwa oyindji oyi na okulongithwa opo pu ilongwe kutya omukalo gu ni ta gu longo, omupu okulongitha noguna ombiliha oku keelela uuvu wu na sha niilyo yomufudho,oamushanga yomushangwa nguka ya ti.