Ye vulithe po 15 ya sa omeya mOnooli

O POLISI mOshitopolwa sha Shana oya lopota kutya aantu ye vulithe po 15, oya sa omeya mOshitopolwa sha Shana, Oshikoto ombinga yimwe nosho wo sha Musati ombinga yimwe nosha Hangwena wo ombinga yimwe.

Omupopiliko gwOpolisi mOshitopolwa sha Shana Shisaande Joans Slogan Matheus, ta ti kutya mokati koonakusomeya omu na omukulupe gwoomvula 80 Niingo Sakarias gwokomukunda Onambili mOshitopolwa sha Shana ngoka a si omeya meti 31 Januali nosho wo okanona kokakadhona koomvula mbali kedhina Esther Mbango kokomukunda Onguma mOndonga, hoka ka si omeya meti 31 Januali. Tatekulu Niingo okwa adhika ta taaguluka omeya oye ayeke, omanga Esther a adhika taya dhana pooha dhomeya omale na yakwawo sho a gwile mo.Shisaande ota ti omwaalu nguka gwaantu 15, ogwaantu mboka ye li mOshitopolwa shoka hashi tonatelwa kOpolisi ya Shana.Ashike, ota ti kutya, omwaalu gwaantu ayehe mboka ya sa omeya mOnooli, muule wethimbo lya tumbulwa mIitopolwa ayihe yomOnooli, ogu vule po mpoka.Yamwe 13 mboka wo ya sa omeya, oyo nee Timotheus Martin (4) gwokomukunda Omutaku popepi nOshikuku ngoka a si omeya meti 2 February.Victor Andima (53) gwomOnawa popepi nOshakati, ngoka a si omeya meti 5 Febuluali.Theodor Angula (34) a za komukunda Onambeke mOshana ngoka a si omeya meti 3 Febuluali.Theodor otaku tiwa kutya sigo oompaka ina monika natango.Oya adhikile taya taaguluka oshana shuudha omeya na yakwawo mboka ya li taya litha naye oongombe.Opolisi onkee tayi mu kongo.Shisaande Matheus ota ti kutya otashi vulika omudhimba gwe gwa yiwa nago komeya gefundja.Ta indile koshigwana shaahoka shi lopote kOpolisi uuna shi itsu momudhimba gwomuntu miishana moka.Johannes Kaluwapa (48) a zile mOshandumbala popepi nOshakati okwa si omeya meti 11 Febuluali, omanga Steven Kamati (29) gwokomukunda Iikela mOhangwena a si omeya meti 11 Febuluali.Frieda Nuuha (59) a zile mOkaonde mOndonga okwa sa omeya meti 12 Febuluali.Lurdi Venokatilipokati (36) gwomEhafo mOshitopolwa sha Shana okwa si meti 17 Febuluali.Wilibald Wilhelm (56) a za kOmakango mUukwanyama okwa si omeya meti 19 February, omanga Selma Naholo (47) gwokOnanime kwali mOshana a si omeya meti 20 Febuluali.Malakia Iimene (18) gwokomukunda Oniihwa mOndonga okwa si omeya meti 23 Febuluali, omanga Elizabeth Kampala (8) gwokomukunda Ondiikalela mOshikoto a si omeya meti 24 Febuluali.Pineas Kristofina (16) gwomOngwediva okwa si omeya meti 25 Febuluali omanga Immanuel Kauluma (6) gwokomukunda Onandomba mOshikoto a si omeya meti 25 Febuluali.Shisaande Matheus okwa indila koshigwana shi kale sha takamitha omeya noonkondo.Ta ti uuna aakwashigwana taya zi kOondingosho hoka ye hole okutokelwa, naya kale haya zi ko oyendji, opo yi ikwathele uuna pu na gumwe ta si omeya.Ta ti wo kutya uuna taya taaguluka omeya naya koneke mpoka tapu vulu okutaagulukilwa.Shisaande Matheus ta indile wo kaakuluntu kaaya ethe aanona taya taaguluka omeya oyo ayeke.Ta ti, uuna aanona taya yi kOosikola nenge peni naya taagulukithwe omeya.Tatekulu Niingo okwa adhika ta taaguluka omeya oye ayeke, omanga Esther a adhika taya dhana pooha dhomeya omale na yakwawo sho a gwile mo.Shisaande ota ti omwaalu nguka gwaantu 15, ogwaantu mboka ye li mOshitopolwa shoka hashi tonatelwa kOpolisi ya Shana.Ashike, ota ti kutya, omwaalu gwaantu ayehe mboka ya sa omeya mOnooli, muule wethimbo lya tumbulwa mIitopolwa ayihe yomOnooli, ogu vule po mpoka.Yamwe 13 mboka wo ya sa omeya, oyo nee Timotheus Martin (4) gwokomukunda Omutaku popepi nOshikuku ngoka a si omeya meti 2 February.Victor Andima (53) gwomOnawa popepi nOshakati, ngoka a si omeya meti 5 Febuluali.Theodor Angula (34) a za komukunda Onambeke mOshana ngoka a si omeya meti 3 Febuluali.Theodor otaku tiwa kutya sigo oompaka ina monika natango.Oya adhikile taya taaguluka oshana shuudha omeya na yakwawo mboka ya li taya litha naye oongombe.Opolisi onkee tayi mu kongo.Shisaande Matheus ota ti kutya otashi vulika omudhimba gwe gwa yiwa nago komeya gefundja.Ta indile koshigwana shaahoka shi lopote kOpolisi uuna shi itsu momudhimba gwomuntu miishana moka.Johannes Kaluwapa (48) a zile mOshandumbala popepi nOshakati okwa si omeya meti 11 Febuluali, omanga Steven Kamati (29) gwokomukunda Iikela mOhangwena a si omeya meti 11 Febuluali.Frieda Nuuha (59) a zile mOkaonde mOndonga okwa sa omeya meti 12 Febuluali.Lurdi Venokatilipokati (36) gwomEhafo mOshitopolwa sha Shana okwa si meti 17 Febuluali.Wilibald Wilhelm (56) a za kOmakango mUukwanyama okwa si omeya meti 19 February, omanga Selma Naholo (47) gwokOnanime kwali mOshana a si omeya meti 20 Febuluali.Malakia Iimene (18) gwokomukunda Oniihwa mOndonga okwa si omeya meti 23 Febuluali, omanga Elizabeth Kampala (8) gwokomukunda Ondiikalela mOshikoto a si omeya meti 24 Febuluali.Pineas Kristofina (16) gwomOngwediva okwa si omeya meti 25 Febuluali omanga Immanuel Kauluma (6) gwokomukunda Onandomba mOshikoto a si omeya meti 25 Febuluali.Shisaande Matheus okwa indila koshigwana shi kale sha takamitha omeya noonkondo.Ta ti uuna aakwashigwana taya zi kOondingosho hoka ye hole okutokelwa, naya kale haya zi ko oyendji, opo yi ikwathele uuna pu na gumwe ta si omeya.Ta ti wo kutya uuna taya taaguluka omeya naya koneke mpoka tapu vulu okutaagulukilwa.Shisaande Matheus ta indile wo kaakuluntu kaaya ethe aanona taya taaguluka omeya oyo ayeke.Ta ti, uuna aanona taya yi kOosikola nenge peni naya taagulukithwe omeya.