Ye li 23 ya shunwa miilonga ku Meatco

A ANIILONGA ye li omilongo mbali nayatatu (23) yomaaniilonga ye li 149 mboka taku popiwa ya kutha ombinga mekanka lyaali paveta mokampani ya Meatco mOvenduka oya tameke ishewe iilonga mOmaandaha goshiwike shika.

Mboka ye li 23 oya zimine kutya oya kuthile shili ombinga mekanka lyaali paveta momsiku 19 Apilili pOkatomeno ka Meatco mOvenduka, Menindjela gwoshikondo oshigandjimulombo mu Meatco Uschi Ramakhutla ta lombwele ngaaka The Namibian mOmaandaha. Pahokololo lya Ramakhutla, aaniilonga mboka 23 oya pewa oombapila dha hugunina dhelondodho sho ya zimine mEtitatu lya zi ko kutya oya kutha shili ombinga mekanka lyaali paveta momasiku ngoka 19 Apilili 2007.Aaniilonga oyo tuu mboka, oya zimine wo okufuta oshimaliwa shoondola/N$15 omwedhi kehe uule woomwedhi omulongo nambali (12) opo Meatco a wape okumona mo oshimaliwa she shoka a kanitha pethimbo lyekanka.Oyendji yomaaniilonga mboka ya galukila miilonga oya li haya longele pOkatomeno koonzi ka Meatco mOvenduka omanga ekanka ndyoka inali ningwa.Eholoko komeho gokomitiye yomazulo lyaaniilonga yalwe yomaaniilonga ye li 149 mboka ya kuthile ombinga mekanka olya meka ohela.Otaya tamanekelwa wo okuningila aaniilonga aakwawo omatilitho opo ya kuthe ombinga mekanka ndika, Ramakhutla ta popi ngaaka.Ekanka ndika olya li lya ningwa konima owala yesiku limwe sho aaniilonga yaali ya li ya kwatathana komalutu pethimbo lyoontamanana miilonga – oshinima sha ningitha Meatco a kuth egumwe gwomaaniilonga mboka miilonga sigo taka holoka komeho gokomitiye yomazulo.Oshinima shika osha landulwa nee kekanka ndyoka aniwa lya ningwa nelalakano lyokuulika uukwawo wanankali sho omuniilonga omukwawo a kuthwa miilonga.Ekanka ndyoka olya kaleke iilonga pOkatomeno ka Meatco mOvenduka – oshinima shoka Meatco ta ti oshemu kanithitha oshimaliwa shoondola/N$900 000 muule womasiku gaali gekanka ndyoka.Iilonga pOkatomeno mpoka oya tameke ishewe konima yomasiku gaali sho ekanka lya tameke.Sigo oompaka, iilonga pOkatomeno ka Meatco itayi longo lela natango okuudha.Okatomeno ka Meatco ota ka vulu okudhipaga oongombe dhi li 430 noonzi dhi li 1 400 mesiku, Ramakhutla ta gandja ngaaka uuyelele oshiwike sha zi ko.Pahokololo lya Ramakhutla, mOmaandaha pOkatomeno kawo okwa li tapu dhipagwa oongombe dhi li 281 noonzi dhi li 774.Oya li nee ya pulanda okudhipaga oongombe 250 noonzi dhi li 750 ohela.Nena okwa pulandwa owala kudhipagwe oonzi 750, ihe itaku dhipagwa nando ongombe nena nangula molwashoka oonyama dhoongombe odhi na okukuthwa ko komasipa – tashi ningwa nena nangula, Ramakhutla ta poi ngaaka.Aaniilonga mboka haya kutha oonyama komasipa oya falwa ya ka longele kOkatomeno molwashoka mboka haya longele hoka oya kuthwa miilonga pakathimbo sigo taya ka holoka komeho gOkakomitiye komazulo.Meitano okwa pulandwa ku dhipagwe oongombe 250 noonzi 750, ashike otashi vulika omwaalu nguka gu ka londe mEtitano shi ikwatelela nee kiizemo yOkakomitiye komazulo hoka ka kuutumba ohela, Ramakhutla popi ngaaka.Pahokololo lya Ramakhutla, aaniilonga mboka 23 oya pewa oombapila dha hugunina dhelondodho sho ya zimine mEtitatu lya zi ko kutya oya kutha shili ombinga mekanka lyaali paveta momasiku ngoka 19 Apilili 2007.Aaniilonga oyo tuu mboka, oya zimine wo okufuta oshimaliwa shoondola/N$15 omwedhi kehe uule woomwedhi omulongo nambali (12) opo Meatco a wape okumona mo oshimaliwa she shoka a kanitha pethimbo lyekanka.Oyendji yomaaniilonga mboka ya galukila miilonga oya li haya longele pOkatomeno koonzi ka Meatco mOvenduka omanga ekanka ndyoka inali ningwa.Eholoko komeho gokomitiye yomazulo lyaaniilonga yalwe yomaaniilonga ye li 149 mboka ya kuthile ombinga mekanka olya meka ohela.Otaya tamanekelwa wo okuningila aaniilonga aakwawo omatilitho opo ya kuthe ombinga mekanka ndika, Ramakhutla ta popi ngaaka.Ekanka ndika olya li lya ningwa konima owala yesiku limwe sho aaniilonga yaali ya li ya kwatathana komalutu pethimbo lyoontamanana miilonga – oshinima sha ningitha Meatco a kuth egumwe gwomaaniilonga mboka miilonga sigo taka holoka komeho gokomitiye yomazulo.Oshinima shika osha landulwa nee kekanka ndyoka aniwa lya ningwa nelalakano lyokuulika uukwawo wanankali sho omuniilonga omukwawo a kuthwa miilonga.Ekanka ndyoka olya kaleke iilonga pOkatomeno ka Meatco mOvenduka – oshinima shoka Meatco ta ti oshemu kanithitha oshimaliwa shoondola/N$900 000 muule womasiku gaali gekanka ndyoka.Iilonga pOkatomeno mpoka oya tameke ishewe konima yomasiku gaali sho ekanka lya tameke.Sigo oompaka, iilonga pOkatomeno ka Meatco itayi longo lela natango okuudha.Okatomeno ka Meatco ota ka vulu okudhipaga oongombe dhi li 430 noonzi dhi li 1 400 mesiku, Ramakhutla ta gandja ngaaka uuyelele oshiwike sha zi ko.Pahokololo lya Ramakhutla, mOmaandaha pOkatomeno kawo okwa li tapu dhipagwa oongombe dhi li 281 noonzi dhi li 774.Oya li nee ya pulanda okudhipaga oongombe 250 noonzi dhi li 750 ohela.Nena okwa pulandwa owala kudhipagwe oonzi 750, ihe itaku dhipagwa nando ongombe nena nangula molwashoka oonyama dhoongombe odhi na okukuthwa ko komasipa – tashi ningwa nena nangula, Ramakhutla ta poi ngaaka.Aaniilonga mboka haya kutha oonyama komasipa oya falwa ya ka longele kOkatomeno molwashoka mboka haya longele hoka oya kuthwa miilonga pakathimbo sigo taya ka holoka komeho gOkakomitiye komazulo.Meitano okwa pulandwa ku dhipagwe oongombe 250 noonzi 750, ashike otashi vulika omwaalu nguka gu ka londe mEtitano shi ikwatelela nee kiizemo yOkakomitiye komazulo hoka ka kuutumba ohela, Ramakhutla popi ngaaka.