Yatatu ya kwatwa po sho ya yaka omiti mOkavango

R UNDU – Onkundana okuzilila ko Rundu moshitopolwa sha Kavango otayi ti kutya aanambelewa mOshikondo shEgameno lyIihwa oya kala taya longo nelelakano okukwata aantu mboka taya yaka omiti moshitopolwa.

Omunambelewa mOmbelewa yIihwa po Rundu Mwiikingi Jonas okwa lombwele oshitumikundaneki sha Nampa mOmaandaha kutya okuza petameko lyefudho lyOpaasa, okwa li kwa lopota omayako gomiti omanene ge li gane. “Otwa kwata ko ootona omulongo dhiikuni, ootona mbali dhoopaala nodhomiti dhoka hadhi ningi iipilangi odhindji, okuza petamko lyehuliloshiwike mEtitano,” Jonas ta popi ngaaka.Okwa ti aantu mbaka oyendji oya kwatwa unene uusiku nethimbo lyokoongulasha.Mekwatoko limwe lyomiti dha yakwa mEtitano, ololi yimwe ya li ya humbata omiti dhokuninga iipilangi yi na ongushu yoshimalia shOondola/N$15 000 oya li ya kwatwa kaanambelewa yokugamena iihwa.Aanambelewa mbaka oya popi kutya nonande Opaasa oya pwa ko, iikonga yawo yokukonga aantu mboka taya yaka omiti otayi tsikile.Koongulasha dhOmaandaha, omusamane gumwe nomukulukadhi oya thindi miihwa nohauto yawo tayi endelele yu udha iikuni, nelalakano kaya pulwe kaanambelewa yiihwa ngele oye na opelemeta yokuhumbata iikuni.Aanambelewa yegameno lyiihwa oya popi kutya aantu mbaka oye na okukala ya li taya tutu iikuni kaye na opelemeta.Ihe elago lyawo olya ka za po puyo konima sho ohauto yawo ya ka hakela miihwa ya thita.Mohauto oya zi mo ashike e taya tameke okukutha iikwana kumwe.Oshinima shika osha lopotelwa nale Opolisi.Nampa”Otwa kwata ko ootona omulongo dhiikuni, ootona mbali dhoopaala nodhomiti dhoka hadhi ningi iipilangi odhindji, okuza petamko lyehuliloshiwike mEtitano,” Jonas ta popi ngaaka.Okwa ti aantu mbaka oyendji oya kwatwa unene uusiku nethimbo lyokoongulasha.Mekwatoko limwe lyomiti dha yakwa mEtitano, ololi yimwe ya li ya humbata omiti dhokuninga iipilangi yi na ongushu yoshimalia shOondola/N$15 000 oya li ya kwatwa kaanambelewa yokugamena iihwa.Aanambelewa mbaka oya popi kutya nonande Opaasa oya pwa ko, iikonga yawo yokukonga aantu mboka taya yaka omiti otayi tsikile.Koongulasha dhOmaandaha, omusamane gumwe nomukulukadhi oya thindi miihwa nohauto yawo tayi endelele yu udha iikuni, nelalakano kaya pulwe kaanambelewa yiihwa ngele oye na opelemeta yokuhumbata iikuni.Aanambelewa yegameno lyiihwa oya popi kutya aantu mbaka oye na okukala ya li taya tutu iikuni kaye na opelemeta.Ihe elago lyawo olya ka za po puyo konima sho ohauto yawo ya ka hakela miihwa ya thita.Mohauto oya zi mo ashike e taya tameke okukutha iikwana kumwe.Oshinima shika osha lopotelwa nale Opolisi.Nampa