Yatatu ya katwa sho ya yaka osuuka

ONKAMBADDHALA ya ponya yokuyaka ooshako dhosuuka mOkampani yimwe mOvenduka, oya fala aalaumentu yatatu konima yekumba.

Onkambadhala ndjika yokuyaka osuuka ka ku shiwike kutya oyi thike peni mOkampani ya Consolidated Sugar Industries, oya ningwa lwopotundi onti: 23h00 mEtiyali lyoshiwike shika.
Ihe ohauto yObaki ndjoka ya li ya longithwa moshinima shika oya li ya dhama mevugu yu uka molukanda lwa Okahandja Park na aafekelwa mbaka oya zi po kolupadhi.
Aapolisi ya Muni, mboka ya li ya lamba aalumentu mbaka – mEtitatu oya li ya kwata po omuniilonga gumwe mOkampani ndjika, e li Osekuriti ha tonatele pOkampani na mwene gwohoto yo Toyota Stallion ndjoka ya longithwa mokuloga oshikoya shika.
Omufekelwa gumwe omutine sigo onene oku li ta kongwa. Ngoka a gandja uuyelele kombinga yaafekelwa mbaka okwa li sekuliti omutiyali pondunda yuupungulo yOkampani ndjika.
Sekuliti nguka okwa ti kutya aafekelwa mbaka oya li ya kala taye mu kondjitha e ya kwathele moshinima shika. Mwene gwohauto ndjika okwe shi zimine kutya okwa li a gandja ohauto ye kaafekelwa mbeyaka yaali ye yi longithe moshikoya shika.