Yatano ya sa moshiponga shohauto

AANTU yatano oya si moshiponga shohauto mOvenduka mehuliloshiwike.
Oshikondo shOmauyelele shOpolisi osha tseyitha kutya iihauto yali, ohauto yo Hyundai yi na onomola ya Venduka no Volkawagen yi na onomola ya Oranjemund, oya li yi idhenge mumwe pomatsakaneno gepandaanda lya Abraham Mashego na Monte Christo pOkuranyaga uusiku wEtitano.

Aantu yaali opo ya sile mpoka omanga yatatu ya ka hulithila kOshipangelo.
Aantu yamwe ye li yane oya li wo ya ehamekelwa moshiponga shika. Oonakusila moshiponga shika oyo: Mervin Mbatemua (25), Elvin Vazepa, Kombombura Tjitunga, Kanandangu Uatjiua na Opeeri Katjipuka.