Yane ya hulithila moshiponga shohauto pOukwawananyanga

OSHIPONGA oshinene noshi nyanyaleka sheidhengomumwe lyiihauto iyali, Okabaki nOkaloli, osha ningilwa pOukwawananyanga pOmukoko mOmbalantu mOshitopolwa sha Musati mondjila onene yUutapi na Tsandi ongula yOmaandaha goshiwike shika nosha faalele oomwenyo dhaakwashigwana yane poshikando shoka, nayamwe ya ehamekwa.

Inspekta gwOpolisi pOutapi, Israel Hango, ta ti kutya mboka ya hulithila poshiponga mpoka, aasamane yaali, okamatyona kamwe kokanasikola nomukulukadhi. Inspecta Hango ta ti kutya, ayehe mboka ya hulitha oomboka ya li mOkahauto kokabaki, ano hoka okashona.Mboka yomOkaloli inaya sa, oya ehamekwa ashike.Mboka nee ya hulitha, Inspekta Hango okwa ti kutya omadhina gawo itaga vulu manga okutseyithwa molwashoka aakwanezimo yawo inaya tseyithilwa natango kwali pambelewa kOpolisi.Mboka ya li poshiponga mpoka otaya ti kutya oshiponga shika oshiwinayi noshi nyanyaleka noonkondo, unene tuu sho mboka ya sila mo, ano mokahauto hoka okashona, ya li ya patekena noya pandwa mo kOpolisi naamboka ya li mpoka.Otaku fekelwa kutya oonakusa oyokOngandjera nUukwaluudhi, ashike okahauto onomola yako oya Shakati omaga ndjoka yOkaloli ya Venduka.Opilsi otayi konaakona oshiponga shika opo yi mone kutya osha holoka po naanaa ngiini.Inspecta Hango ta ti kutya, ayehe mboka ya hulitha oomboka ya li mOkahauto kokabaki, ano hoka okashona.Mboka yomOkaloli inaya sa, oya ehamekwa ashike.Mboka nee ya hulitha, Inspekta Hango okwa ti kutya omadhina gawo itaga vulu manga okutseyithwa molwashoka aakwanezimo yawo inaya tseyithilwa natango kwali pambelewa kOpolisi.Mboka ya li poshiponga mpoka otaya ti kutya oshiponga shika oshiwinayi noshi nyanyaleka noonkondo, unene tuu sho mboka ya sila mo, ano mokahauto hoka okashona, ya li ya patekena noya pandwa mo kOpolisi naamboka ya li mpoka.Otaku fekelwa kutya oonakusa oyokOngandjera nUukwaluudhi, ashike okahauto onomola yako oya Shakati omaga ndjoka yOkaloli ya Venduka.Opilsi otayi konaakona oshiponga shika opo yi mone kutya osha holoka po naanaa ngiini.