Yane ya dhitikwa shi na sha nedhengo lya meme Bendu

O POLISI yUutapi mOshitopolwa sha Musati, oya lopota kutya mEtitano lya zi ko oya kwata po aantu yane shi na sha nedhengo lyomukalimo gwomomukunda Okagongo popepi noRuacana meme Hilma Alweendo Bendu gwoomvula 54 ngoka meti 2 Mei 2006 a dhengwa kongundu yaantu, taku tiwa kutya aniwa omulodhi.

Aniwa okwa loga omukalimo gwomomukunda moka Maria Eveline Matheus ngoka a mana oondjenda dhe meti 24 Apilili nuumvo. Omugandjimulombo gwOpolisi mOshitopolwa sha Musati Sersande Linekela Shikongo, ta ti mboka ya kwatwa moshipotha shedhengo lya Bendu, oyo nee ngashi Felix Gabriel (26) gwomomukunda Okagongo nosho wo Bernard Gabriel (26), Frans Nairobi Nambabi (44) na Diina Gabriel (30).Oya holoka mOmpangu ya Mengestrata pOutapi mOmaandaha ngaka.Inaya pulwa manga yatye sha noshipotha shawo oshuundulilwa keti 18 Aguste 2006 omolu omakonaakono.Kehe gumwe okwa pewa uuthemba wokwiifutila mo nOondola/N$300, ndhoka ya futa nale noye li pondje pethimbo ndika.Kuyelele meme Bendu okwa tulile mo oshipotha shedhengo kOpolisi yUutapi, ta ti meti 2 Mei okwa dhengelwe kengathithi lyaantu puundingosho wopomukunda gwawo mpoka wedhina Okandiikalela.Ta ti aantu otaya popi aniwa kutya okwa loga meme Maria Eveline Matheus ngoka a hulitha lwopehulilo lyomwedhi gwa zi ko.Konima yedhengo okwa li a ka mona epango kOshipangelo shUutapi.Nonando edhengo lye lya li meti 2 Mei 2006 nokwa lopota wo kOpolisi esiku tuu ndyoka, Opolisi kaya li ya vula okukwata po omuntu shi na sha noshiningwnaima shika nomEtitano nee lya zi ko oye shi pondola okukwata po mboka yane ya tumbulwa metetekelo noku ya eta komeho gOmpangu mOmaandaha.Pokati mpoka, otwa kundana kutya aakalimo yokOkagongo, oya geela ekwatopo lyaakalimo mboka.Taya ti kutya kashi li pauyuki molwashoka meme Bendu oye ta piyaganeke ombili yaantu momukunda gwawo sho te ya logo, taya si omwenyo gwomomayulu.Otwa kundana kutya aakalimo mbaka oye na edhilaadhilo lyokukaninga ehololomadhilaadhilo muule woshiwike shika, moka taya ka indila kElelo lyawo lyOpamuthigululwakalo lyUukolonkadhi kutya meme Bendu nOfamili ye naya kale ya thiga po oshitopolwa shoka moompadhi oontalala.Sersande Shikongo okwa koleka ko The Namibian kutya Opolisi nayo oyuuva oshinima shoka kutya, aakalimo yaahoka oye na edhilaadhilo lyokuninga ehololomadhilaadhilo moshinima shika.Omugandjimulombo gwOpolisi mOshitopolwa sha Musati Sersande Linekela Shikongo, ta ti mboka ya kwatwa moshipotha shedhengo lya Bendu, oyo nee ngashi Felix Gabriel (26) gwomomukunda Okagongo nosho wo Bernard Gabriel (26), Frans Nairobi Nambabi (44) na Diina Gabriel (30).Oya holoka mOmpangu ya Mengestrata pOutapi mOmaandaha ngaka.Inaya pulwa manga yatye sha noshipotha shawo oshuundulilwa keti 18 Aguste 2006 omolu omakonaakono.Kehe gumwe okwa pewa uuthemba wokwiifutila mo nOondola/N$300, ndhoka ya futa nale noye li pondje pethimbo ndika.Kuyelele meme Bendu okwa tulile mo oshipotha shedhengo kOpolisi yUutapi, ta ti meti 2 Mei okwa dhengelwe kengathithi lyaantu puundingosho wopomukunda gwawo mpoka wedhina Okandiikalela.Ta ti aantu otaya popi aniwa kutya okwa loga meme Maria Eveline Matheus ngoka a hulitha lwopehulilo lyomwedhi gwa zi ko.Konima yedhengo okwa li a ka mona epango kOshipangelo shUutapi.Nonando edhengo lye lya li meti 2 Mei 2006 nokwa lopota wo kOpolisi esiku tuu ndyoka, Opolisi kaya li ya vula okukwata po omuntu shi na sha noshiningwnaima shika nomEtitano nee lya zi ko oye shi pondola okukwata po mboka yane ya tumbulwa metetekelo noku ya eta komeho gOmpangu mOmaandaha.Pokati mpoka, otwa kundana kutya aakalimo yokOkagongo, oya geela ekwatopo lyaakalimo mboka.Taya ti kutya kashi li pauyuki molwashoka meme Bendu oye ta piyaganeke ombili yaantu momukunda gwawo sho te ya logo, taya si omwenyo gwomomayulu.Otwa kundana kutya aakalimo mbaka oye na edhilaadhilo lyokukaninga ehololomadhilaadhilo muule woshiwike shika, moka taya ka indila kElelo lyawo lyOpamuthigululwakalo lyUukolonkadhi kutya meme Bendu nOfamili ye naya kale ya thiga po oshitopolwa shoka moompadhi oontalala.Sersande Shikongo okwa koleka ko The Namibian kutya Opolisi nayo oyuuva oshinima shoka kutya, aakalimo yaahoka oye na edhilaadhilo lyokuninga ehololomadhilaadhilo moshinima shika.