Yamwe pOliindili ya ninga ehololomadhiladhilo

A ANIILONGA mu Muni gwa Liindili ya geya, oya ningi ehololomadhiladhilo mOmaandaha goshiwike shika-yu uvitile nayi Elelo lyondoolopa yawo sho lya gwedhele ashike oondjambi dhawo noopelesenda 3,5.

Sam Hamupolo, ngoka e li Amushanga gwoshitayi shehangano lyaaniilonga lya Namibia Public Workers Union (Napwu) pOliindili, okwa li a gandja ombapila yomanyenyeto gaaniilonga mbaka kOmunambelewa Omukuluntu gwopakathimbo gwa Muni gwa Liindili, Shali Akwaanyinga. Aaniilonga mbaka oya hala oondjambi dhawo dhi gwedhelwe noshimaliwa shoopelesenda ntano noya hala wo Muni a hulithepo okufundja kutya ota gwedhele oondjambi dhawo omumvo kehe.Napwu okwa ningila nale Muni gwa Liindili oshipotha kOmbelewa ya Komufala gwAaniilonga kombinga yoshinima shika.Muni gwa Liindili okwa li aniwa i ikalekele oshimaliwa shOondola/N$304 714 shokugwedhela oondjambi dhaaniilonga, shoka sha gwana owala okugwedhela oondjambi dhaaniilonga noshimaliwa shoopelesenda 3,5.Nande ongaaka, Oomenindjela aakuluntu mu Muni oyi ikutha mo mokupula egwedhelo lyoondjambi e taya ikalekele Oondola/N$24 637 (sha zi mo N$304 717) shi longithwe megwedhelo lyoondjambi dhawo.Akwaanyinga okwa ti Elelo lyondoolopa otali ka yamukula ashike komanyenyeto ngaka gaaniilonga, ngele oshinima shoondjambi dha kundathanwa poshigongi shEelo lyondoolopa shoka tashi landula.Oshigongi shika ohashi ningwa lumwe momwedhi kehe.Aaniilonga mbaka oya hala oondjambi dhawo dhi gwedhelwe noshimaliwa shoopelesenda ntano noya hala wo Muni a hulithepo okufundja kutya ota gwedhele oondjambi dhawo omumvo kehe.Napwu okwa ningila nale Muni gwa Liindili oshipotha kOmbelewa ya Komufala gwAaniilonga kombinga yoshinima shika.Muni gwa Liindili okwa li aniwa i ikalekele oshimaliwa shOondola/N$304 714 shokugwedhela oondjambi dhaaniilonga, shoka sha gwana owala okugwedhela oondjambi dhaaniilonga noshimaliwa shoopelesenda 3,5.Nande ongaaka, Oomenindjela aakuluntu mu Muni oyi ikutha mo mokupula egwedhelo lyoondjambi e taya ikalekele Oondola/N$24 637 (sha zi mo N$304 717) shi longithwe megwedhelo lyoondjambi dhawo.Akwaanyinga okwa ti Elelo lyondoolopa otali ka yamukula ashike komanyenyeto ngaka gaaniilonga, ngele oshinima shoondjambi dha kundathanwa poshigongi shEelo lyondoolopa shoka tashi landula.Oshigongi shika ohashi ningwa lumwe momwedhi kehe.