Yamwe oya ukitha uusama ku NamWater

S HO omeya ngoka ga ponokele ondoolopa ya Malinda mehuliloshiwike ga shuna pevi kashona mOmaandaha, aantu yamwe otaya popi kutya ehangano egandjimeya lya NamWater olya fa olyo lya eta uupyakadhi mbuka sho lya laateke ekutho mo lyomeya gamwe mondama ya Hardap.

Omalinda oga gwile moshiponga oshinene shomeya mOlyomakaya, sho NamWater a egulula omiyelo dhondama ndjika opo omeya gamwe ga ze mo molwashoka oga li mo ogendji noonkondo, ga li poopelesenda ethele nomulongo. Shika osha zi mpoka sho momundhingoloko gwondama mwa lokwa omvula onene noonkondo.Oshitopolwa ashihe shokuuninginino sha Malinda osha li nee sha yi kohi yomeya nosho wo ofaalama yimwe yiingulu yi li popepi.Lwopokati mpoka, Oshifo shika osha kundana wo kutya okamatyona koomvula 17, Isak Jeromy Seibeb, oka faalelwa komeya.Opolisi oye shi koleke kutya Sibeb okwa si omeya mOlyomakaya, manga a li ta yogo momeya ngaka nokamwayinamati.Omahangano go asuransi pOmalinda otagi ilongekidha okufuta aantu mboka omagumbo gawo ga tewa po komeha ngaka tashi vulika ge li poshimaliwa shOondola oomiliyuna omilongo ndatu, omanga oobisinisa dhimwe kwa tegelelwa dhi ka kale dha pata uule woomwedhi mbali lwaampoka.Momaandaha goshiwike shika, Omugandjimulombo gwa NamWater Johannes Shigwedha okwa li a ekelehi kokule omapopyo kutya NamWater oye a eta uupyakadhi mbuka sho a laateka eegululo lyomiyelo dhondama ndjika.Aamalinda otaya popi wo kutya kaya li ya londodhwa kutya omeya ngaka otashi vulika ga eta omutse mondoolopa.Shigwedha okwa ti omeya mondama oya kala nokuga tala kutya oge thike peni okuza mu Januali.”Eegululo lyomiyelo dhondama osho oshinima sha li shi li nawa ta tu vulu okuninga, okuyanda uupyakadhi uunene,” Shigwedha ta popi ngaaka, ta tsikile ko kutya, andola uupyakadhi ou vule po pu mbuka, andola oya li inaya ninga shoka ya ningi.Shigwedha okwa ekelehi omapopyo kutya okwa mona ombapila ya zi ku Muni gwa Malinda, moka a lombwelwa kutya oye na okweegulula omiyelo na ngele hasho, oye ta ka futa aantu ayehe mboka taya ka kanithila omaliko gawo komeya ngaka.”Tse inatu mona nande ombapila yatya ngaaka okuza kElelo lyondoolopa,” Shigwedha ta popi.Omuniilonga gumwe omukuluntu gwa NamWater, ngoka ina hala edhina lye li tumbulwe, okwa ti omanenge ngoka ga mena momulamba gumwe gu lu pevi lyondama ya Hardap, oga imbi aniwa omeya ga tondoke nawa nokweeta omulonga gwa Fish gu fulukile komituni.”Ngele inapu ningwa sha kombinga yoshinima shika, otashi vulika natango pu ka holoke oshiponga muule woomvula ndatu nenge ntano tadhi landula,’ omunambelewa nguka osho a popi.Oshifo shika oshe shi mona mo kutya Uuministeli wUunamapya ou na oshinakugwanithwa shokukondolola omanenge momilamba.Otaku popiwa kutya omumvo gwa zi ko, Uuministeli mbula owa li ngaa wa kambadhala okuteta mo omanenge momulamba nguka.Aakalimo yamwe pOmalinda otaya nyenyeta kutya NamWater okwa kwata ethimbo ele noonkondo okukutha mo omeya gamwe mondama omanga yamwe taya ti kutya NamWater okwa kala lela nokukondolola nawa uuwindji womeya mondama ndjika.Momaandaha, mondama ndjika omwa li tamu tondokele omeya gookumbikemeta 200 mosekonde.Shigwedha okwa ti ngele omeya oga ningi mo ishewe ogendji, NamWater ota ka thiminikwa natango okweegulula omiyelo dhondama ya kuthe mo omeya gamwe.Shika osha zi mpoka sho momundhingoloko gwondama mwa lokwa omvula onene noonkondo.Oshitopolwa ashihe shokuuninginino sha Malinda osha li nee sha yi kohi yomeya nosho wo ofaalama yimwe yiingulu yi li popepi.Lwopokati mpoka, Oshifo shika osha kundana wo kutya okamatyona koomvula 17, Isak Jeromy Seibeb, oka faalelwa komeya.Opolisi oye shi koleke kutya Sibeb okwa si omeya mOlyomakaya, manga a li ta yogo momeya ngaka nokamwayinamati.Omahangano go asuransi pOmalinda otagi ilongekidha okufuta aantu mboka omagumbo gawo ga tewa po komeha ngaka tashi vulika ge li poshimaliwa shOondola oomiliyuna omilongo ndatu, omanga oobisinisa dhimwe kwa tegelelwa dhi ka kale dha pata uule woomwedhi mbali lwaampoka.Momaandaha goshiwike shika, Omugandjimulombo gwa NamWater Johannes Shigwedha okwa li a ekelehi kokule omapopyo kutya NamWater oye a eta uupyakadhi mbuka sho a laateka eegululo lyomiyelo dhondama ndjika.Aamalinda otaya popi wo kutya kaya li ya londodhwa kutya omeya ngaka otashi vulika ga eta omutse mondoolopa.Shigwedha okwa ti omeya mondama oya kala nokuga tala kutya oge thike peni okuza mu Januali.”Eegululo lyomiyelo dhondama osho oshinima sha li shi li nawa ta tu vulu okuninga, okuyanda uupyakadhi uunene,” Shigwedha ta popi ngaaka, ta tsikile ko kutya, andola uupyakadhi ou vule po pu mbuka, andola oya li inaya ninga shoka ya ningi.Shigwedha okwa ekelehi omapopyo kutya okwa mona ombapila ya zi ku Muni gwa Malinda, moka a lombwelwa kutya oye na okweegulula omiyelo na ngele hasho, oye ta ka futa aantu ayehe mboka taya ka kanithila omaliko gawo komeya ngaka.”Tse inatu mona nande ombapila yatya ngaaka okuza kElelo lyondoolopa,” Shigwedha ta popi.Omuniilonga gumwe omukuluntu gwa NamWater, ngoka ina hala edhina lye li tumbulwe, okwa ti omanenge ngoka ga mena momulamba gumwe gu lu pevi lyondama ya Hardap, oga imbi aniwa omeya ga tondoke nawa nokweeta omulonga gwa Fish gu fulukile komituni.”Ngele inapu ningwa sha kombinga yoshinima shika, otashi vulika natango pu ka holoke oshiponga muule woomvula ndatu nenge ntano tadhi landula,’ omunambelewa nguka osho a popi.Oshifo shika oshe shi mona mo kutya Uuministeli wUunamapya ou na oshinakugwanithwa shokukondolola omanenge momilamba.Otaku popiwa kutya omumvo gwa zi ko, Uuministeli mbula owa li ngaa wa kambadhala okuteta mo omanenge momulamba nguka.Aakalimo yamwe pOmalinda otaya nyenyeta kutya NamWater okwa kwata ethimbo ele noonkondo okukutha mo omeya gamwe mondama omanga yamwe taya ti kutya NamWater okwa kala lela nokukondolola nawa uuwindji womeya mondama ndjika.Momaandaha, mondama ndjika omwa li tamu tondokele omeya gookumbikemeta 200 mosekonde.Shigwedha okwa ti ngele omeya oga ningi mo ishewe ogendji, NamWater ota ka thiminikwa natango okweegulula omiyelo dhondama ya kuthe mo omeya gamwe.