Yamwe oya li ya hala okuumba ko Epangelo mu Guinea

CONAKRY – Aakuluntu mEtanga lyEgameno lya Guinea oya kwata mo onkambadhala yokuumba ko Epangelo, Oradio yEpangelo osho ya lopota ngaaka.

Oradio ndjika oya lopota kutya Omupangeli gwOpaukwiita Kaptein Moussa ‘Didas’ Camara okwa li a tula etange lyEgameno komalwilo konima sho sha monika mo kutya opwa li aantu yamwe ya hala okuumba ko Epangelo ye li moshishiindalongo, Guinea Bissau na Liberia.Otaku popiwa kutya onkambadhala ndjika oya li ya ningwa kaapitithi yiingangamithi yamwe, mboka ya li ya tidha mo moshilongo ku Camara sho a yi koshipundi koonkondo mu Desemba.’Oonzo dhomauyelele dha kuthilwa ko nawa oshe shi ulike wo kutya ongundu ndjika yaantu ya homata, ohaya futwa kuungundu waapitithi yiingangamithi mboka wa li wa hanagulwapo sho Epangelo lyOpaukwiita lya yi koshipundi, h Oradio ndjika osho ya lopota.Camara okwa yi koshipundi konima ashike yeso lya Kayamukulwa Lansana Conte – ngoka a li Omuleli a koraputa noonkondo na omonamati gwe ota ku popiwa wo kutya oku li gumwe gwomaalandithi yiingangamnithi aaenene mu Guinea-Bissau.Camara okwa li a kutha po Ekotampango, ihe ngashiingeyi okwa tameka noshikonga shokukondjitha iilonga yokoraputo na aantu mboka ya li mEpangelo ekulu taku popiwa ya koraputa, oya li ya ningilwa omapulapulwo mu shika.Guinea-Bissau, ngashi naanaa iilongo yilwe yAafrika lyUuninginino oshi li sha ninga ombululu onene yokupitithila iingangamithi yOkokeina ndjoka hayi zi ku kiilongo ya Latin Amerika okuya ku Europa. – Nampa/AP