Yamwe otaya popi iifundja kombinga ya HIV-AIDS

KANSOLA gwoshikandjohogololo sha Otjiwarongo moshitopolwa sha Otjozondjupa, Ferdinand Kavetuna, oshiwike sha zi ko okwa li a halutha iilyo iikwawo yOlaata yOpashigwana, sho a popi kutya aagundjuka yamwe aapopi yElaka lyOtjiherero otaya lombwele yakwawo iifundja kutya ngele omulumentu owa nu omahini (omaere) manga ino lala nomukiintu, ito kwatwa komukithi gwo HIV-AIDS.

Iilyo yimwe yEgumbo etiyali lyOparliamende oye shi yola, ihe yimwe oya puka-puka owala komitse. Kavetuna okwa ti aalumentu yamwe oye li wo natango taya popi kutya ngele owa lala nokanona u na HIV-AIDS, omukithi nguka otagu zi mo.”Sho osho nee u wete aalumentu yamwe taya kwata koonkondo uunona uushona,” Kavetuna ta popi ngaaka.Shika okwe shi popi epthimbo lyoompata kombinga yEmbo lyomulekeneno gwoshimaliwa shEpangelo shomumvo 2005/2006 mOlaata yOpashigwana mEtine lya zi ko.Okwa ti omukithi gwo HIV-AIDS ogu li gamwe gomomashongo omenene ngoka ga taalela oshitopolwa shawo.”Aantu mbaka oya pumbwa okulombwelwa kutya ka ku na omuti gwokupanga AIDS,” ta popi ngaaka.Kavetuna okwa popi wo kutya oshitopolwa shawo oshi na ompumbwe onene yomeya nUukilinika.Ta ti, momahala ngashi Kalkveld – omu na ashike omboola yomeya yimwe.Ngele aniwa oya pwine, aantu ohaya ende iinano iile ya adha pookilometa 20 lwaampoka, ya ka teke omeya palwe.Okwa ti omalukanda giinyakwi moshitopolwa shawo, oge li mompumbwe onene yomeya nUukilinika.Aanona oye li aniwa taya ende iinano iile okuya kOosikola molwashoka, momalukanda gawo kamu na Oosikola.Okwaaheniilonga nakwo omukundu wo gumwe moshitopolwa shawo.Kavetuna okwa ti aalumentu yamwe oye li wo natango taya popi kutya ngele owa lala nokanona u na HIV-AIDS, omukithi nguka otagu zi mo.”Sho osho nee u wete aalumentu yamwe taya kwata koonkondo uunona uushona,” Kavetuna ta popi ngaaka.Shika okwe shi popi epthimbo lyoompata kombinga yEmbo lyomulekeneno gwoshimaliwa shEpangelo shomumvo 2005/2006 mOlaata yOpashigwana mEtine lya zi ko.Okwa ti omukithi gwo HIV-AIDS ogu li gamwe gomomashongo omenene ngoka ga taalela oshitopolwa shawo.”Aantu mbaka oya pumbwa okulombwelwa kutya ka ku na omuti gwokupanga AIDS,” ta popi ngaaka.Kavetuna okwa popi wo kutya oshitopolwa shawo oshi na ompumbwe onene yomeya nUukilinika.Ta ti, momahala ngashi Kalkveld – omu na ashike omboola yomeya yimwe.Ngele aniwa oya pwine, aantu ohaya ende iinano iile ya adha pookilometa 20 lwaampoka, ya ka teke omeya palwe.Okwa ti omalukanda giinyakwi moshitopolwa shawo, oge li mompumbwe onene yomeya nUukilinika.Aanona oye li aniwa taya ende iinano iile okuya kOosikola molwashoka, momalukanda gawo kamu na Oosikola.Okwaaheniilonga nakwo omukundu wo gumwe moshitopolwa shawo.