Yakwetu otatu kongo ekwatho moshigwana: Walde ta indile

O MUPRESIDENDE gwOpevi gwEhangano lyOmakishi moNamibia, omusamane Walde Kambambi ota indile koshigwana shi kwathele Ehangano lyOmakishi opo ya vule okwiikwathela moompumbwe odhindji ye dhi na mokati kiilyo yawo nomEhangano lyawo lyolyene.

Kambabi ta ti kutya konima yoomvula ootshona lela sho Ehangano lyawo ndika lya totwa moNamibia, omwaalu gwOoalbino, omakishi, ogwa enda tagu indjipala. Kambabi ta ti kutya pokati mpoka omakishi ogendji ogiishangitha konima sho Ehangano lyawo lya indile kutya omakishi agehe moNamibia nagi ishangithe.Pahokololo lya Kambabi, omakishi agehe ngoka gi ishangitha oge li 1016.Ashike Kambabi, ota gwedha po kutya otashi vulika moshilongo ashihe mu na omakishi ge li pomayovi gaali (2 000) lwaampoka.Ota ti kutya omolu omwaalu gwaanyasha naanona ya pumbwa oshindji sho ku yakwathela, Ehangano lyawo otali nana nondatu okugandja omakwatho giihwapo kwaayehe, noye li nee melongekidho lyokutota po Oshiketha showina tashi kala nokuungaunga naamboka taya pumbwa omakwatho gomeendelelo, ge na sha noluhepo ye li mo.Oshiketha shika, Kambabi ta ti, otashi ka ithanwa Trustee Funds.Uuyelele wiihwapo nawa wOshiketha shika, Kambabi ota ti kutya, opo taye ke wu gandja komeho.”Tse ongaaleli yEhangano ndika lyOmakishi, otu wete kutya etotepo lyOshiketha shika, otashi ka ninga eyamukulo komapulo goshigwana, ngoka ga kala po taga pula kutya ngele oya hala okukwathela otaya ukitha kOshiketha shi li peni,” Kambabi ta ti ngawo nokutsikila ko ta ti kutya ota indile nee koshigwana, unene tuu kAanangeshefa, kOmahangano yOpaumwene, kOongeleka, kEpangelo noshowo kaantu oohandimwe ya yambidhidhe Oshiketha shOmakishi shika.Shika, Kambabi ta ti, osha ningwa sha zi miikonga ye yi ningile moshilongo ashihe omvula ya zi ko.Iikonga mbyoka oyo ya ulika kutya ogendji gomOmakishi moshilongo oge li moluhepo olunene, go wo inaga longwa.Ge na iipa ya pya nayi komutenya notayi monika ya kulupa, yi na iilalo niitumba.Shimwe oshinene tashi kukumitha, Kambabi ta ti, osho shoka kutya aalumentu oya ekelahi aanona yawo mbaka notaya popi kutya yo kaya vala omakishi.Oshinima shika osha eta onkalo yi ye kuuwinayi.”Otandi indile opo omikalo dhatya ngeyi dhi hulithwe po meendelelo ngashi tashi vulika.Natu taambeni ko eshito ngashi li li” Nambabi ta ti nokutsikila ko ta ti kutya aantu mboka taku tiwa kutya omakishi oye na iipa iipu komutenya noynedji oya ninga iihakanwa yomukithi gwOkaangela.Onkee oya pumbwa ekwatho lela noonkondo.Kambabi ta ti kutya pokati mpoka omakishi ogendji ogiishangitha konima sho Ehangano lyawo lya indile kutya omakishi agehe moNamibia nagi ishangithe.Pahokololo lya Kambabi, omakishi agehe ngoka gi ishangitha oge li 1016.Ashike Kambabi, ota gwedha po kutya otashi vulika moshilongo ashihe mu na omakishi ge li pomayovi gaali (2 000) lwaampoka.Ota ti kutya omolu omwaalu gwaanyasha naanona ya pumbwa oshindji sho ku yakwathela, Ehangano lyawo otali nana nondatu okugandja omakwatho giihwapo kwaayehe, noye li nee melongekidho lyokutota po Oshiketha showina tashi kala nokuungaunga naamboka taya pumbwa omakwatho gomeendelelo, ge na sha noluhepo ye li mo.Oshiketha shika, Kambabi ta ti, otashi ka ithanwa Trustee Funds.Uuyelele wiihwapo nawa wOshiketha shika, Kambabi ota ti kutya, opo taye ke wu gandja komeho.”Tse ongaaleli yEhangano ndika lyOmakishi, otu wete kutya etotepo lyOshiketha shika, otashi ka ninga eyamukulo komapulo goshigwana, ngoka ga kala po taga pula kutya ngele oya hala okukwathela otaya ukitha kOshiketha shi li peni,” Kambabi ta ti ngawo nokutsikila ko ta ti kutya ota indile nee koshigwana, unene tuu kAanangeshefa, kOmahangano yOpaumwene, kOongeleka, kEpangelo noshowo kaantu oohandimwe ya yambidhidhe Oshiketha shOmakishi shika.Shika, Kambabi ta ti, osha ningwa sha zi miikonga ye yi ningile moshilongo ashihe omvula ya zi ko.Iikonga mbyoka oyo ya ulika kutya ogendji gomOmakishi moshilongo oge li moluhepo olunene, go wo inaga longwa.Ge na iipa ya pya nayi komutenya notayi monika ya kulupa, yi na iilalo niitumba.Shimwe oshinene tashi kukumitha, Kambabi ta ti, osho shoka kutya aalumentu oya ekelahi aanona yawo mbaka notaya popi kutya yo kaya vala omakishi.Oshinima shika osha eta onkalo yi ye kuuwinayi.”Otandi indile opo omikalo dhatya ngeyi dhi hulithwe po meendelelo ngashi tashi vulika.Natu taambeni ko eshito ngashi li li” Nambabi ta ti nokutsikila ko ta ti kutya aantu mboka taku tiwa kutya omakishi oye na iipa iipu komutenya noynedji oya ninga iihakanwa yomukithi gwOkaangela.Onkee oya pumbwa ekwatho lela noonkondo.