Yakwatwa sho ya kambadhala okwiishangitha lwaali

AANTU yontumba oya kwatwa sho ta ku fekelwa kutya oya kambadhala okwiishangitha lwaali ongaa hogololi.

Oonakufekelwa mbaka aniwa oya kambadhala okwiishangitha lwaali muumbangalantu woshilongo.Ongundu yaantu 29 oya kambadhala okwiishangitha lwaali penongelo lyOnguti moshikandjihogololo sha Kankolo mOshikoto.Gumwe okwa kambadhala okukengelela iishangithe olutiyali pomanongelo gopevi Elombe no Okayekenongo moshikandjihogololo Onayena mOshikoto.Uuyelele mbuka owa gandjwa kOkommisi yOmahogololo ya Namibia metitatu.Aantu yalwe yaali mboka taku tiwa aakwashigwana yAngola oya kwatelwa pOukongo popepi nEpupa,sho ya kambadhala okwiishangitha, na ota ya ka tamanekwa molwa ekotokelo.Omuwiliki gwo Mahogololo omusamane Moses Ndjarakana okwa ti aanambelewa ye oyo ya dhimbulula aakengeleli mbaka noku ya keelela ya shangwe.’Okommisi yomahogololo oya tseyithile opolisi oshinima shika opo shi konakonwe noonkatu dha yaga kegonga dhi longithwe ngaashi ompango ta yi utha,’ Ndjarakana ta ti.Okwa ti ehangano lye olya tseyithilwa kutya oshifo kundaneki shimwe osha ulikilwa epeko li na sha noombapila dhomahogololo, okwa ti okwi inekela oshinima shika otashi konakonwa kopolisi.’ Okomisi yomahogololo ya Namibia oya hala oku kwashilipaleka kutya oyi na elandulathano lyakola. Omalandulathano ngaka otaga soshimpwiyu kutya kapena omuntu ta vulu okuholoka lwaali momusholondondo gwaa hogololi,’ Ndjarakana a uvaneke nomukumo.Omaishangitho oga hulu ongulohi yetitatu, na kapena euliko lya sha kutya otaga ka lelepekwa andola.Okomisi yomahogololo oya tile metiyali kutya aantu yevule 141 000 oyiinyolitha nangashingeyi oshilongo oshina aahogololi kumwe omiliona 1,14.