OPOLISI oya dhitike aantu yaheyali pOutapi. Mbaka oya mangwa konima yiikolokosha mbyoka ya holokele poshilandopangelo shOmusati pokati kaayambidhidhi yoSwapo noRDP oSoondaha.
Omugandjimalombwelo gwopolisi moMusati, komufala gwopevi, Simeon Shindinge okwa lombwele oThe Namibian kutya omatamaneko ga ningilwa aafekelwa mbaka ongaashi okuhinga nuuhasha, okuya moshipala iilonga yopolisi, okwaa iyutha koompango dhomondjila noshowo nee okumbandameka.Aakwatwa mbaka oya holokele, mompangu yamengestrata mOutapi oMaandaha.Yatatu yomuyo ota ya tamanekelwa etaaguluko lyoompango dhondjila. Peter Amadhila (34) na Naftali Mateus(26) oya mangululwa sho yi ikulilemo noodola 500 kehe gumwe.Oya tamanekelwa oku ya moshipala opolisi yi longe iilonga yawo.Raphael Shekutamba(31) na ye ota tamanekelwa eyono lya fa lyaambaka yaali.Ye okwa pitithwa mo mondjedhilo nelondodho okuza kompangu. Gervacious Shimpanda(36) okwa tamanekelwa edhengo nelalakano lyokweehameka, na ye okwa mangululwa sho a londodhwa.Komufala gwopevi Shindinge okwa lombwele oThe Namibian kutya opolisi oya kutha ko iikondjitho yopamuthigululwa kalo kaayambidhidhi yoongundu ndhika mbali. Mbika oyo ngaashi oondhimbo omulongo nondhimbo yimwe, iimbele yi li iheyali, oomwele dhi li mbali, omakatana gatano, iitago, nondjembo oshona yimwe ndjoka yi na ombapila.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
