Yahamano ya si sho ya li ‘omutete’

SHOKA shatameke ongondjodhi kombinga yomboga yedhina mutete osha ka hulila meso lyaanamukunda ye li ya hamano moshitopolwa sha Kavango.

Pahapu dhomupopiliko gwopolisi, Komufala gwopevi, Hophni Hamufungu, ota ti, Kauma Mateus aniwa okwa lala ondjodhi mo 26 February ta dhengwa nomakota gomutete, nenge shoka hakutiwa omboga koshitopolwa shoka. Otaku, walyayekwa kutya aniwa sho Matheus a penduka esiku lya landula olutu lwe olwa li luna omandhindhiliko gafa gomuntu a dhengwa nenge a pya.’Mateus aniwa okwa li woo ta ti oku uvite uuwehame mepunda noshowo uuvite omutse, okwa ka hulitha esiku ndyoka.Mateus okwa li omukalimo gwomomukunda Shinunga ookilometa 90 kuuzilo woRundu,Okwa li a fumvikwa esiku lya landula neso lye ina li tseyithilwa opolisi, osho komufala gwopevi, Hamufungu a lombwele oThe Namibian.Sha landula efumviko lya Mateus mo 28 February, omushiinda aniwa okwa etele aalilasa omutete, pegumbo lya nakusa. Yina ya nakusa oye a teleke omutete ngoka.’Konima sho ya li kapwa li nando oogumwe a li tuulike uuvite nayi’Hamufungu a ti.Ndele konima yoshiwike shimwe aanamukunda ye li yatano oya si konima sho ya nyenyeta yena uuwehame womepunda noshowo uuwehame womutse.Mbaka oya li yamwe yomaalilasa mboka ya lile omutete. Oonakusa oyo Annastasia Shevekwa[28], Kapango Ncame Kakove Mandaha[13], na MukuveNcame Ncame[9] mbaka oya si mu gatano ga Maalitsa, omanga Kapango Maria Mudose[4]na Mbundje Elina Sakaparanga[4] oya ka sa esiku lya landula. Ayehe mbaka yatano oyo aakwashigwana aaSan.Pahapu dha Hamufungu ekonakono lyopolisi olili metifa okukonga osheeti sheso ndika lyaanamukunda mbaka yahamano.Opolisi natango oya tegelela iizemo yomatando ngoka ga ningwa komidhimba dhaantu mbaka.Okwa otashi vulika omudhimba gwa Mateus nago gu fumvulwemo .Nonando yamwe yopomukunda ota ya ti mbaka otashi vulika ya pewa uuzigo, Hamufungu okwa ti shika itashi vulu okukolekwa natango , oshoka natango aakonakoni oyiipyakidhila. Opolisi oya kutha oosampula dhomutete opo ye kedhi konakone koVenduka.Aagundjuka yaali oye li moshipangelo shaNyangana ta ya ulike omandhindhiliko ga faathana.