Yahamano mompangu medhipago lya Katanga

AALUMENTU ya hamano taya fekelwa oyo ya dhipaga nokuyuga omunambelelwa gwetanga lyegameno, Elias Katanga poBrakwater kuumbangalantu wa Venduka mu Novemba oya holoka lwotango mompangu yamengestrata gwaVenduka omaandaha.

Nakusa Leitenanda Kolonel, Elias Katanga okwa yahwa okusa sho ye pamwe na kuume ke omukiintu ya ponokelwa kongundu yaayugi, omanga ya li taya li omwiha popepi noshiviga shomaloli shopoBrakwater, momu 18 ga Novomba 2009.Pamishangwa dhili komeho ga mengestrata, omutamanekwa gwotango ta fekelelwa oshingwanima shika oye, Amon Siyambo[32], ngoka a kwatwa mo 26 November 2009.Omutamanekwa omutiyali oye,Semete Haufiku ngoka a kwatwa mo 15 Desember 2009,Omutitatu oye Thomas Erastus a kwatwa mo 13 January nuumvo.Omutine oye Simon Gabriel Shishiveni na okwa kwatelwe mo 27 Novomba 2009 momatamaneko galwe gokuyuga, na okwa li a tamanekelwa woo edhipago neyugo lya Katanga.Omutamanekwa omutitano oye,Petrus Bwanga[ 24] nguka okwa kwatelwe mo 18 January, omanga omutitano oye, Mateus Nahambo[20] nguka okwa kwatwa omwedhi nguka.Aalumentu mbaka yahamano oya holoka mokaketha kokupangulwa ayehe.Ota ya tamanekelwa edhipago, neyugo ewinayi.Meyugo mbaka yahamano otaku tiwa oya yugu, Gisela Nemuno Uushona sho ye muulike ondjembo noyemu yugu ongodhi yopeke yongushu yoodola 600, okampunda kopeke kongushu yoodola 200, iimaliwa koomuma oodola 140, noshowo nee okambo ke kootjeke.Meholoko lyawo komeho gompangu nokomeho gamengestrata, Justine Asino, Fillemon Haufiku, Erastus Shishiveni na Bwanga oya ulike kutya otaa kiipopila yoyene, itaaya kalelwapo kaanampango.Konima sho mengestrata, eya tseyithile kutya oshipotha ya taalela oshidhigu noshinene, nokwe ya pula ishewe ngele oya hala okukalelwapo pampango, nenge yi ikongele omunampango gwopaumwene, Haufiku okwa lombwele ompangu kutya ye okwa hala ekwatho lyopampango.Nahambo okwa li a ulike pethimbo a holoka mompangu kutya okwa pumbwa ekwatho lya hahende.Erastus, Fillemon, Shishiveni, na Bwanga oya ndjike oonyala mevi noya tokola kutya yo otaa kiipopila yoyene moshipotha shika.Omutamaneki , Samantha Diergaardt okwa pula ompangu opo yi undulile oshipotha komi 23 ga March 2010 omolwo omakonakono ogendji,okwa indile ishewe opo mengestrata a tye kutya mbaka ya hamano naya edhililwe mondholongo yopokati ya Venduka sigo uuna taya holoka ishewe mompangu.Mengestrata okwa undulile oshipotha shaambaka ko 23 ga Maalitsa ngaashi sha indilwa.Fillemon okwa holoka woo pamwe nooyakwawo, komeho ga mengestrata, Asino moshipotha shilwe sheyugo.Moshipotha moka otaku tiwa okwa li oshitopolwa , moka mwa longithwa ombele popepi nondjila onene muumbangalantu waVenduka momu 16 Novemba 2009.Aayugi yatatu ya li moshiningwanima shika oya yaka aniwa oradio yomo hauto, nuudiska, Fillemon oye awike omufekelwa a kwatwa moshinima shika. Oshipotha she shika nasho osha undulilwa keti 23 lya Maalitsa 2010.