Yahamano mboka yi iyaka mokakuma ya dhitikilwa poongamba

E MANGULUKO ndyoka aalumentu yahamano yi kongele sho yi iyaka mondholongo onene ya Venduka ongula onene yOmaandaha, olya tetulwa.

Gumwe gwomaamentu mboka yi iyaka mondholongo, okwa si aniwa momeya gomulonga gwa Kavango omanga yakwawo yatano ya kwatelwa pu Kongola moshitopolwa sha Caprivi, Opolisi ya Namibia tayi tseyitha ngaaka mEtitatu. Opolisi oya li ya lopota shaa li mondjila mEtiyali kutya Omufekelwa medhipago lyaantu oyendji pofaalama Gavin Beukes gwoomvula 26 na Doen Engelbrecht gwoomvula 23, oya dhitikilwa poongamba dha Ngoma moshitopolwa sha Caprivi ongula yEtiyali.Beukes na Engelbrecht pamwe naafekelwa yalwe yatatu mboka yi iyaka pamwe nayo mondholongo, Morris Mazila Sibitwani (29), a zile moshitopolwa sha Caprivi ngoka ta tamanekelwa edhipago lyomukadhona gwe noombele – sha li sha ningilwa poKatima Mulilo momasiku 19 Apilili 2003, aakwashigwana ya Zimbabwe mboka taya fekelelwa eyugo lyombaanga Muthlulishi Sibanda (27) na Nesias Matole (33) oya li ya dhitikilwa moshitopolwa sha Sisuwe popepi na Kongola omutenya gwEtiyali, Oshikondo Oshigandjimulombo shOpolisi ya Namibia tashi tseyitha ngaaka mEtitatu.Pahokololo lyOmugandjimulombo gwOpolisi Walende Kauna Shikwambi, ombelewa ye oya li ya tseyithilwa ngeyi kutya Beukes na Engelbrecht oya li ya dhitikwa poongamba dha Namibia na Botswana, ano pu Ngoma shoka konyala shi li ookilometa 1 300 okuza mOvenduka.Konima yoowili dhiilonga, oya ka mona nee uuyelele mboka wu li mondjila kutya oonakwiiyaka mondholongo yatano oya dhitikwa, omanga gumwe taku fekelwa a si momulonga omanga a li ta kambadhala okutaaguluka omulonga.Komanda gwoshikondo Oshigandjimulombo Inspekta Omukuluntu Angula Amulungu okwa popi ngeyi kutya omanga aamentu mboka inaya dhitikwa, Opolisi oya yakelwa ko kutya aamentu mboka oya u ka koshitopolwa sha Katima Mulilo hoka ya hala oku ka taagulukila oongamba okuya mu Zambia.Aniwa pu Bagani aamentu mboka oya taaguluka omulonga nokawato hoka ka ka tenguka, ta popi ngaaka.Gumwe nee gwomaamentu mboka, gwedhina Plan Ndebele (31) a tseyika wo nedhina Kholuwane, okwa si omeya sho okawato hoka ka tenguka.Shikwambi okwa gwedhapo ta ti omudhimba gwa Ndebele inagu monika natango kwali nokulongo olwa li metifa mEtitatu.Ta ti aalumentu yatano mboka ya li na Ndebele oyo ya popi kutya okwa sa momeya pu Bagani.Konima, aalumentu mboka oya yi oshinano shookilometa 200 yu uka kuuzilo omanga inaya za mo mosheenditho popepi na Bwabwata National Park manga inaya thika pOboloka yOpolisi pu Kongola, Amulungu ta popi.Opulanda yawo oya li ya hala oku ka taaguluka omulonga gwa Kwando, ashike oya li ya monika kaaniilonga ya Natiili mboka ya yakele ko Opolisi.Oya kwatelwa nee pu Sisuwe popepi na Kongola lwopotundi onti 15h00 mEtiyali, Amulungu ta popi ngaaka.Sisuwe oshi li muuninginino wOmulonga gwa Kwando pOpaarka ya Bwabwata National Park.Pahokololo lya Shikwambi, oonakwiiyaka mondholongo oya li mela lyondjila mEtitatu ya ukithwa kOvenduka.Eiyako mondholongo ndyoka lya ningwa pOndholongo onene ya Venduka otali ko konakonwa, Omugandjimulombo gwOshikondo shOondholongo Ignatius Mainga ta popi ngaaka mEtitatu.Kuyele oshiwike shika, Mainga okwa li a popi ngeyi kutya aanadholongo mboka oya li ya tete uutalalesa wekende lyosela yawo nokupita mo, omanga inaya umbila omakumbatha kodhalate yolusheno opo ya londe nokuza mo molugombo lwondholongo.Beukes ota pangulwa mOmpangu yoPombanda shi na sha nedhipago lyaantu yahetatu pofaalama yedhina Kareeboomvloer yi li pokati ka Malinda na Kalkrand sha ningilwe pokati komasiku 4 sigo 5 Maalitsa 2005.Opolisi oya li ya lopota shaa li mondjila mEtiyali kutya Omufekelwa medhipago lyaantu oyendji pofaalama Gavin Beukes gwoomvula 26 na Doen Engelbrecht gwoomvula 23, oya dhitikilwa poongamba dha Ngoma moshitopolwa sha Caprivi ongula yEtiyali.Beukes na Engelbrecht pamwe naafekelwa yalwe yatatu mboka yi iyaka pamwe nayo mondholongo, Morris Mazila Sibitwani (29), a zile moshitopolwa sha Caprivi ngoka ta tamanekelwa edhipago lyomukadhona gwe noombele – sha li sha ningilwa poKatima Mulilo momasiku 19 Apilili 2003, aakwashigwana ya Zimbabwe mboka taya fekelelwa eyugo lyombaanga Muthlulishi Sibanda (27) na Nesias Matole (33) oya li ya dhitikilwa moshitopolwa sha Sisuwe popepi na Kongola omutenya gwEtiyali, Oshikondo Oshigandjimulombo shOpolisi ya Namibia tashi tseyitha ngaaka mEtitatu.Pahokololo lyOmugandjimulombo gwOpolisi Walende Kauna Shikwambi, ombelewa ye oya li ya tseyithilwa ngeyi kutya Beukes na Engelbrecht oya li ya dhitikwa poongamba dha Namibia na Botswana, ano pu Ngoma shoka konyala shi li ookilometa 1 300 okuza mOvenduka.Konima yoowili dhiilonga, oya ka mona nee uuyelele mboka wu li mondjila kutya oonakwiiyaka mondholongo yatano oya dhitikwa, omanga gumwe taku fekelwa a si momulonga omanga a li ta kambadhala okutaaguluka omulonga.Komanda gwoshikondo Oshigandjimulombo Inspekta Omukuluntu Angula Amulungu okwa popi ngeyi kutya omanga aamentu mboka inaya dhitikwa, Opolisi oya yakelwa ko kutya aamentu mboka oya u ka koshitopolwa sha Katima Mulilo hoka ya hala oku ka taagulukila oongamba okuya mu Zambia.Aniwa pu Bagani aamentu mboka oya taaguluka omulonga nokawato hoka ka ka tenguka, ta popi ngaaka.Gumwe nee gwomaamentu mboka, gwedhina Plan Ndebele (31) a tseyika wo nedhina Kholuwane, okwa si omeya sho okawato hoka ka tenguka.Shikwambi okwa gwedhapo ta ti omudhimba gwa Ndebele inagu monika natango kwali nokulongo olwa li metifa mEtitatu.Ta ti aalumentu yatano mboka ya li na Ndebele oyo ya popi kutya okwa sa momeya pu Bagani.Konima, aalumentu mboka oya yi oshinano shookilometa 200 yu uka kuuzilo omanga inaya za mo mosheenditho popepi na Bwabwata National Park manga inaya thika pOboloka yOpolisi pu Kongola, Amulungu ta popi.Opulanda yawo oya li ya hala oku ka taaguluka omulonga gwa Kwando, ashike oya li ya monika kaaniilonga ya Natiili mboka ya yakele ko Opolisi.Oya kwatelwa nee pu Sisuwe popepi na Kongola lwopotundi onti 15h00 mEtiyali, Amulungu ta popi ngaaka.Sisuwe oshi li muuninginino wOmulonga gwa Kwando pOpaarka ya Bwabwata National Park.Pahokololo lya Shikwambi, oonakwiiyaka mondholongo oya li mela lyondjila mEtitatu ya ukithwa kOvenduka.Eiyako mondholongo ndyoka lya ningwa pOndholongo onene ya Venduka otali ko konakonwa, Omugandjimulombo gwOshikondo shOondholongo Ignatius Mainga ta popi ngaaka mEtitatu.Kuyele oshiwike shika, Mainga okwa li a popi ngeyi kutya aanadholongo mboka oya li ya tete uutalalesa wekende lyosela yawo nokupita mo, omanga inaya umbila omakumbatha kodhalate yolusheno opo ya londe nokuza mo molugombo lwondholongo.Beukes ota pangulwa mOmpangu yoPombanda shi na sha nedhipago lyaantu yahetatu pofaalama yedhina Kareeboomvloer yi li pokati ka Malinda na Kalkrand sha ningilwe pokati komasiku 4 sigo 5 Maalitsa 2005.